Mmarare 26:14 - mzwDBL

¹⁴ Gɛ saŋ maa lɔ lwe ta dɛɛ wi la n ta bɔrbeŋkpoŋ kpɔe, ɡɛɛ maa wola ane kpɔe dɛ kah doŋa. N ta ane bɛlbwa ɡe kpɔe ɛ wobɛlbwa tɛ lala. N no Korowii maa dɛ tomɔ nɔ wa.

Mmarare 26:14 Iomraidhean Croise

Yela 106:28

Baa tel Peɔ la, ba kpɔ ba te ka do voɡ Baal lɔɡa dɛɛ tomɔ, dɛɛ di saraha kwaa baa ɛa tɛ voɡa aa wola mkpa dɔe.

Yela 18:22

N teŋɛ o Mmarare bwa ta, n ta waa waa do mɛ a ta la ta leɛ.

Jeremia 16:7

Nomɛlbwa aa kondikwaa kɛɛ senee yawɛ tɛ o dɔŋ bɛl o lole aa sewa wa, dɛ́ kpɔ larawo bwara. Bɛlbwa aa o dɔŋ bwaraa larawe, hale nɛn o nya kɛɛ o mɛɛ aa sewa wa.

Ɛsekeɛl 24:17

Wi dɛɛ do he bini. Bɛ wi tɛ lale la, bɛ nakpapɛɛ valɛ, bɛ yal waa vɔwɛ he nyu ta laa kpɔ á baɡle kɛ he dɛ ɛ lwe. Bɛ kon kpɔ tɔ he nyoa, bɛ kondikwaa nɛra baa dɛ ɛ lwe aa dɛ di la ane di.”

Hosia 9:4

Baa won kpɔ sen ɛ sarahare tɛ Korowii kpa, kwaa baa kpoo dɛ́ ɛ saraha dɛɛ tɛo la aa o sie lɛɛ ba. Ba kondikwaa baa dɛ ba a dii la bwa ɛɛ ɡeloo bá kah doŋa kɛŋɔ lwe mun kondikwa. Nomɛlbwa waa dia la kah doŋa. Ba ɡboo dɛ́ dia, a ta chɛ kɛŋɔ bá ba a ne Korowii Dea.

Lewi Dea Tena 21:1

Korowii berɔ ŋɔ Mosis be ŋɔ ó bol Arɔn bibaala sɔfore la be kɛŋɔ dɛ bɛl lole sewaa, o bɛ o te kpɔ dɛɛ jo o lole la lwe we-ɛɛla ta, dɛ́ kah doŋa,

Lewi Dea Tena 21:11

Sɔfonomoa la bɛ bela nɛn aa sewa dɛ chɔ la jo. O ta ŋwɛnɛ dɔe hale dɛ o mɛɛ kɛɛ o nyaa sewa oo, ó ka jo o be dɛ́ kah doŋa,

Lewi Dea Tena 7:20

Kɛ dɛ nɛn kah doŋa dɛ di deŋnesɔɔhna saraha baa ɛa tɛ men Korowii nɔ naa, ba bɛ on kure ja o nɛra nɛɛ kpa.

Malakae 2:13

Waane ɡe lole hɛɛ ɛa ja. He wio dɛ kpɔ sinii su kon baa ɛ saraha o ta dɛɛ tɛ Korowii ta bwa, dɛ wi dɛɛ dooɡe lɔŋɔre lɛɛ waa wola he saraha kwaa lɛ silɛɛ ne kpa la wa.

Mmarare 13:5

Keame nyosonteŋni kɛɛ nɛn waa won deera mun baɡla la chɛ kpoe, o baɡle heyaa waa a ɡel he ɛ deŋnekpeɡ dɛ le Korowii haa dɛ tomɔ o le he ne somanjiri dii ta Ijipt harɛ ta la habɔɔ, dɛɛ nyin kɛŋɔ he laa he te kpɔ waa haa dɛ teŋɛ a ta la aa, hé kpoo dɛ́ le ɡɛ liichɔɡa la ne he bini.

Mmarare 15:5

Dɛ hɛɛ no Korowii deŋna waa kɛrɛdɛ dɛ́ teŋɛ ɡɛ waa nɔ maa kpɔa dɛɛ tɛ heyaa fini nɔ ta tenaa.

Mmarare 16:11

Hé ne he bii, ne he bonɔɔna, ne toli ne Lewi dea tena, ne hɔɔhra ne bilalbii, dɛ luhaahna baa lɔ he bwɛɛre la ta bwa pɛ, dɛ́ lɛ sie bela Korowii aa lea tɛ heyaa ŋɔ hɛɛ tomɔ la.

Mmarare 26:13

he ŋɔ Korowii haa dɛ tomɔ be ŋɔ, ‘Komɛlbwa aa chɛ kɛ ń bɔne a bini bɔre fi la, n kpɔ a bini bɔrbeŋkpoŋ tɛ Lewi dea tena ne hɔɔhra ne bilalbii ne luhaahna ɡɛ haa do mɛ la, bɛlbwa ta n be kae. N ta he Mmara kone, n ta a waa soɛh.

Mmarare 26:15

N Naa Korowii, che he sobɔr waa lɔ nyundua ba sie ne harɛ, dɛ́ swee andɛɛɡa tɛ he nɛra Israel tena, harɛ haa tɛ yaa ɡɛ haa ŋwɛɛ ntam, dɛ baɡɛ ya naawa nyoa harɛpare ondɛɛɡe nɔ.’ ”