Mmarare 26:13 - mzwDBL

¹³ he ŋɔ Korowii haa dɛ tomɔ be ŋɔ, ‘Komɛlbwa aa chɛ kɛ ń bɔne a bini bɔre fi la, n kpɔ a bini bɔrbeŋkpoŋ tɛ Lewi dea tena ne hɔɔhra ne bilalbii ne luhaahna ɡɛ haa do mɛ la, bɛlbwa ta n be kae. N ta he Mmara kone, n ta a waa soɛh.

Mmarare 26:13 Iomraidhean Croise

Yela 119:139

N baah dɛ fuh kohona kɛŋɔ nii ken, dɛkalkɛ n dɔma laa sie kpɔ he webaɡla ta.

Yela 119:141

A lole kɛŋɔ n toole wobɛlbwa bini te, kɛ maa he webaɡla la soh.

Yela 119:153

Nyiŋi wahala maa dɛ na, ásɛ dɛ lɛɛ mɛ, dɛkalkɛ n ta he Mmara la vɛɛh.

Yela 119:176

Men maa ɛ he bonɔɔ do kɛŋɔ pee waa nyoɡra ken. Ba ɡaaɡe n bɔr, dɛkalkɛŋɔ n ta he Mmarare la vɛɛh.

Yela 119:93

Maa he waa laanee vɛh bwa, dɛkalkɛŋɔ maa dɛ teŋɛ a ta waa he ɡel n so le.

Yela 26:6

N Naa Korowii, n sarame nɔɔra, a baɡle kɛ n ta bolchɔɡe bɛlbwa dii, dɛ ka valɛ bar he saraha kon la dɛɛ tomɛ.

Sɛɡla 3:1

N bie, bɛ waa maa baɡle nɔ soh, ɡel he liire do waa maa ŋɔa hɛɛ ɛ ta,

We-ɛɛla 24:16

N jemɔ kɛŋɔ Korowii ɛɛ ba bol nɛwɛnyina bwa waa dɛ́ pa bole. Anomanta, n dɛ ɛ n wobɛlbwa naa, n dɛ ɛa kɛrɛdɛ dɛ bɛ bolchɔɡe di Korowii ne nɛwɛnyina bwa be.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

2 Kɔrent 11:31

Ya Dɔɔ Yeesu Mɛɛ Korowii jemɔ kɛ nyosone laa mɛɛ teŋe. O chɛ kpɛɛra saŋ bɛlbwa.

Mmarare 14:29

Lewi dea tena la ta harɛ dɔe dɛ́ di o ta, anomanta, ɡɛ kondikwaa la ɛ ba ne hɔɔhra ne bilalbii ne luhaahna baa lɔ he baah ta la kwa. Anee ba ɡee ba dii dɛ vaɡɛ, ásɛ Korowii haa dɛ tomɔ nɔ swee heyaa andɛɛɡa he toma haa dɛ ɛa ta.”

Mmarare 26:12

Bene atoro bɛlbwa he bɔne he koo kwaa bini bɔre fi, ásɛ dɛ kpɔ bɔrbeŋkpoŋ tɛ Lewi dea tena ne hɔɔhra ne bilalbii dɛ luhaahna baa soɡe he baah la, ásɛ ba bwa dɔ di dɛ vaɡre. He ɛ ɡɛ tonaa,

Mmarare 26:14

Gɛ saŋ maa lɔ lwe ta dɛɛ wi la n ta bɔrbeŋkpoŋ kpɔe, ɡɛɛ maa wola ane kpɔe dɛ kah doŋa. N ta ane bɛlbwa ɡe kpɔe ɛ wobɛlbwa tɛ lala. N no Korowii maa dɛ tomɔ nɔ wa.

1 Tesalonika 2:10

He nɛra haa yaradaa ne Korowii bwa ɛ ya danseɛ tena, dɛkalkɛŋɔ he nao kɛ ya we-ɛɛla wer, ya waa toɡre dɛ lɛ Korowii sie, doŋa bɛlbwa aa wola toole a ta.