Mmarare 26:11 - mzwDBL

¹¹ Ásɛ he ne Lewi dea tena ne hɔɔhra baa lɔ he baah la sie lɛ kondɛɛɡa Korowii haa dɛ tomɔ nɔ aa kpɔa tɛ he ne he dem tena la wa.

Mmarare 26:11 Iomraidhean Croise

Nehemia 8:10

Nehemia ŋɔ nɛra la be ŋɔ, “Hé kaa dem, dɛ́ ka di he silɛɛ kondikwa, dɛ́ nyɔ sensoma, ásɛ dɛ kpɔ ane ka tɛ banɔ la baa wola ane dɔe. Fini tɔpere nɔ do ɡoroŋ tɛ Korowii yaa dɛ tomɔ. He bɛ suna di, dɛkalkɛ silɛɛ Korowii aa tɛ heyaa la ɛɛ ɡeloo he dɔ bokpeɡa.”

Wejereme 3:12

Anomanta, n nao kɛŋɔ waa nɛwɛnyina aa won ɛ laanee kɛŋɔ, yá ɡel ya sie lɛ dɛɛ ɛ wedɛɛɡa ya soɡa bini harɛ nɔ ta.

Wejereme 3:13

Nomɛlbwa di kondikwaa dɛ́ nyɔ sen, ásɛ o sie lɛ kwaa waa koah dɛ dɔ la ta, a ɛ Korowii koŋkɛɛla waa kpɔa kɛ yaa.

Wejereme 5:18

Ate, n na kɛŋɔ a wer kɛ nɛn di kondikwa, dɛ́ nyɔ sen, ásɛ o sie lɛ koeh waa dɛ koh tɔpera tama, Korowii aa kpɔa tɛo harɛ nɔ ta. Waa aa chɔ le tɛo laanee la.

Wejereme 7:14

Waane kaalɔ dɛɛ tɛɛ kɛrɛdɛ naa, ɡel he sie lɛ, kɛ dɛ wenaale bɛlee tenaa, lii kɛŋɔ, Korowiirii ba silɛɛ ne, dɛ berɛ ba wenaale ɡe ne. Anomanta, nomɛlbwa aa won jemɛ ɡɛ aa chiɡu kerekere.

Aesaya 65:14

N bonɔɔna ɛɛ ɡo silɛɛ yelaa, kɛ he te ɛɛ wi lokua wii.

Sekaria 9:17

Na ɡɛ harɛ la aa dɛ ba wer doe dɛ́ dɔ pɛla! Kondikwaa ne sen aa lɔ harɛ la ta la ɛɛ ɡeloo bonɔɔna ne toli kpeɡ, dɛ́ dɔ bokpeɡa.

1 Kɔrent 9:11

Dɛ ya bol Korowii Waa he be asɛ he dɔ Korowii mkpa aa, dɛ a ta maɡrɛ kɛ ya lɛ kondikwaa le he be, dɛ́ won dɔ harɛ nɔ ta bokpeɡa aa?

Mmarare 12:12

Belaa he ne he bibaala ne bihaahna ne bonɔɔna, dɛ he toli sie ɛɛ ba lɛɛ Korowii haa dɛ tomɔ nɔ sie, ne Lewi dea tena baa soɡe he bwɛɛre ta ba ɡbaɡba aa wola harɛ dɔe la.

Mmarare 12:18

He ne he bibaala ne bihaahna ne bonɔɔna ne toli, dɛ Lewi dea tena baa lɔ he bwɛɛre ta bwa chɛ kɛŋɔ hɛ́ɛ di a ɡɛ saraha kwaa nɔ Korowii haa dɛ tomɔ sie, bobeŋkpoŋ waa le tɛ heyaa la, dɛ́ ɡel he sie lɛ wobɛlbwa haa ɛa ta.

Mmarare 12:7

Korowii sie belaa he ne he dem tena ɛɛ ba kwaa dii, dɛ́ɛ lɛ sie toma haa dɛ tomɔ nɔ wa.

Mmarare 16:11

Hé ne he bii, ne he bonɔɔna, ne toli ne Lewi dea tena, ne hɔɔhra ne bilalbii, dɛ luhaahna baa lɔ he bwɛɛre la ta bwa pɛ, dɛ́ lɛ sie bela Korowii aa lea tɛ heyaa ŋɔ hɛɛ tomɔ la.

Mmarare 27:7

Hé ɛ deŋnesɔɔhna saraha bela, dɛ́ di dɛ́ lɛ sie Korowii haa dɛ tomɔ nɔ sie.

Mmarare 28:47

dɛkalkɛŋɔ he ta silɛɛ ne bambidɛɛɡe kpɔe tomɛ Korowii saŋ waa ɡela he do wer wobɛlbwa ta la.

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.