Mmarare 24:7 - mzwDBL

⁷ Nomɛlbwa waa lawɛ o dɔŋ bokpeɡa ne, dɛ ɛo o yom kɛɛ dɛ yoɡu he na la, o chɛ kɛŋɔ hé kpoo, ásɛ ɡɛ wechɔɡa la le Israel harɛ ta.

Mmarare 24:7 Iomraidhean Croise

Job Tɔn 24:3

Ba dɛ ŋwɛ bilalbie keeɡo, dɛ́ kpɔ suuɡa kemɛ luhaah, dɛ́ lɛ o nabal cheɡ awɔba.

Job Tɔn 24:9

Ba lɛ bilalbie o taa dɛ ɔr le o nya be, dɛ lɛ nyaa bie ka cheɡ awɔba.

Kaala 21:16

Nomɛlbwa waa ɡuɡri o dɔŋ dɛ lawɔ ka yoɡ, kɛɛ dɛ o ta lɔ o nɔn ta ba lawɔ waa, kpoe chɛ kɛ bá kpoo.

Ɛsekeɛl 27:13

Bonadiire baa le Tubal ne Mɛsɛk dɛ Grik tena harɛre, kpɔ kwaa baa kpɔ ayaawa ɛa ne yoma ba charɛ he laala.

Mmarare 13:6

He bini bɛlbwa dɔɔ kɛɛ o nime pɔrɔdɔ, kɛɛ o bibaa kɛɛ bihaah, hale o haah kwara kɛɛ o dansom lɔɡɔ ŋɔ, ó berɛ ka tomɛ voɡa he ne he naawa aa wola an tomɛ bwa,

Mmarare 17:7

Dɛ a ba ɡɛ naa, danseɛ tena la tɔ sie kpɔ bwea foɡro mɔɔ nomɛlbwa teŋɛ. Gɛ ŋwɛnɛ nɔ taa hɛɛ ba wona laa ɡɛ wechɔɡa nɔ kpɔ he bini.

Mmarare 19:19

ate hé ɛ dansewea te la ɡɛ o fe aa dɛ nyin kɛ ba ɛ o dɔŋ la, ásɛ dɛ laa wechɔɡa la kpɔ le he bini.

Mmarare 24:6

Aŋwɛnɛ ta laa kɛŋɔ dɛ he dɔŋ kemɛ he komɛl aa, he lɛ o nam kɛɛ nambwe cheɡ awɔba, o nyoa kondikwaa he lɛ la.

1 Timoti 1:10

ne jwamane tena, ne baala ba ne ba bandɔŋa aa dɛ chɔ haah ne baa, ne nɛra baa lawɛ nɛra dɛɛ yoɡ ba kɛ yoma, ne nyosonteŋna, ne nɛra ba yon jemɛ kɛ nyosonee baa teŋe dɛ ɡarɛ dɛɛ ŋwɛɛ Korowii la, ne nɛra baa dɛ ɛ we-ɛɛla te bɛlbwa a ne webaɡla aa toɡra la aa wola kaa la, ba waa ba koh dɛɛ do mmara.

Wepila 18:13

ne konsɔɔhsoma bwa soo siwi, anɔ la baa dɛ fuh, ne anɔ la baa dɛ fɔɡle, ne sen, ne noo, ne mendɛɛɡa, ne mea, ne nae, ne peera, ne jaɡre, dɛ torɔɡore ba yon vɔwɛ pɛl la. Ba yoɡ nɛra ɡe kɛŋɔ kondɛɛra ken.