Mmarare 24:1 - mzwDBL

¹ Mosis ŋɔ, “Dɛ baa bɛlbwa mo haah asɛ dɛ berɛ ba na sihihwaane o nɛ, o pɛla le o nɛɛ wɛɛ nyin dɛ́ vɛoh waa, ó chwerɛ tɔn tɛo dɛ́ le o ne o dem.

Mmarare 24:1 Iomraidhean Croise

Kaala 21:10

A ɡɛ baa la berɔ kpɔ hanɛɛte ja o nɛ aa, a chɛ kɛ ó teŋɛ dɛɛ tɛ hanomoa la kondikwa ne yal, o ne wɛɛ chɔ saŋ bɛlbwa.

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Jeremia 3:1

Korowii ŋɔ, “Dɛ baa vɛh o haah asɛ haah la ka yalɛ banfale aa, baa la aa won ka kpɔɔ ba o dea kpa. Gɛ waa nɔ ɛɛ won kpɔ harɛchɔɡ tenten ba. Gɛ tentenee he teŋɛ voɡare nɛɛ kohona kɛŋɔ hanjwamane aa dɛ teŋɛ baala nɛ. He dɛ nyin he berɛ ba n be naa?

Jeremia 3:8

Israel jwamane la nomanta, n vɛoh dɛ tao ŋwɛnɛ o kaa. Kɛ Juda ta ɔmɛ, dɛ ɡe kaa bɔ jwamane.

Malakae 2:16

Koranar Bwa Kooro, Israel tena aa dɛ tomɔ la ŋɔ, “N kii kɛ baa ne o haah vɛh dɔŋa. N kii baa bɛlbwa waa ɛ nyubinikpeɡ waa nɔ dɔŋa o haah nɛ. Anomanta, bɛlbwa nyiŋi o te kɛrɛdɛ, ásɛ dɛ bɛ nyobaɡa aa lɔ o ne o haah baah la chɔɡ dɛɛ di kasinteŋ. Men Nemenɛ Korowiirii bola.”

Nɛra Kura 5:12

ó bol Israel tena be ŋɔ, “Dɛ bɛl haah le o habɔɔ,

Nɛra Kura 5:28

Dɛ haah la ta doŋa kaeh o tea too te naa, baa tao tɔɔ, o ta bolchɔɡee dii kpa, dɛ́ won dɛɛ lolɛ.

Matiu 1:19

Dɛ o jaa Josef la ɛ nɛndɛɛɡe o wa ɛɛ su Korowii siwi. Dɛ o fe aa nyin kɛŋɔ ó do Mɛɛre sihiih nɛnfuuh baah ta, dɛ fe ɛɛ nyin kɛŋɔ ó sɔh dɛ́ vɛoh.

Amanesoma Luk Aa Chwera Tɔn 16:18

Nomɛlbwa waa vɛh o haah dɛ berɛ ka mo hanfale la, o ɛ wechɔɡa dɛ bɔ jwamane, asɛ nomɛlbwa ɡe waa mo haah o jaa aa vɛoh la, o ɡe bɔ jwamane.”

Mmarare 21:15

Mosis berɔ ŋɔ, “Dɛ he mo haahna banɛ asɛ dɛɛ nyin bɛl, haa bɛl nyin, he ne ba bwa loɡle bibaala kɛ he chanche la bie laa nomoa,

Mmarare 22:13

Anee Mosis berɛ ŋɔ, “Dɛ he mo haah, asɛ a habɔɔ he ŋɔ haa on nyin,

Mmarare 22:19

dɛ́ yoɡu lɛ suuɡapoŋa lafa tɛ haah la mɛɛ, sɔnchɔɡe waa kpɔa dawɛ Israel tolo waa wola baa jemɛ bwa la wa. Ó ta moo dɛ bɛ on vɛh, nemenɛ seo.

Mmarare 22:29

ɡɛ baa la chɛ kɛŋɔ ó bɔ suuɡapoŋa fifraanue dɛ tɛ haah la mɛɛ á ɛ haah la nyin suuɡa ásɛ dɛ moo, dɛkalkɛŋɔ onee cheme haah la. Ó ɛ o haah ka tel o serewe bena.

Mmarare 24:2

Dɛ haah la berɔ ka yalɛ banfale,

Mmarare 24:3

asɛ a ka ba kɛŋɔ baa la ɡe aa on nyin dɛ chwerɛ tɔn tɛ haah la dɛ vɛoh dɛ le o ne o dem, kɛɛ sewaa o janɛɛte la sewaa,