Mmarare 23:11 - mzwDBL

¹¹ Ásɛ aa dɛɛ ɛ jɔmɔra la ó sɔ ne, ásɛ wee joɔ waa, ó ba jo he bini.

Mmarare 23:11 Iomraidhean Croise

Yela 51:2

Sɔ n wechɔɡa ta, kɛŋɔ baa kpɔ nee dɛɛ yaɡle doŋa la, ásɛ wechɔɡa bɛlbwa le n nɛ,

Yela 51:7

Fee n wechɔɡa, ásɛ doŋa bɛlbwa le n nɛ, laa doŋa kpɔ n bini, ásɛ n bambile to kɛ yabi.

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Lewi Dea Tena 11:25

Bɛlbwa waa ka kpɔ a bɛlbwa lale la chɛ kɛŋɔ ó chɛɡɛ o laala. O kah doŋa ka tel jɔmɔra.

Lewi Dea Tena 14:9

Tɔpenuanɛ wee la telaa, a chɛ kɛ ó berɛ fonɛ o nyu, ne tampona ne sikoŋpona dɛ o bwara pona te bwa. Ó chɛɡɛ o laala dɛ́ sɔ ne, ásɛ doŋa la bwa den le o nɛɛ kwaraa.

Lewi Dea Tena 15:11

Nomɛlbwa a ɡɛ nɛn nɔ aa leɡo dɛ o ta nɔɔra samɛ mɔɔ la chɛ kɛŋɔ ó chɛɡɛ o laala dɛ́ sɔ ne, naate la kah doŋa ka tel jɔmɔra.

Lewi Dea Tena 15:13

Ba chah nomɛl waa do ɡɛ naa, tɔpera anuanɛ mɔɔ naate won laa doŋa kpɔ o nɛ. A chɛ kɛ ó chɛɡɛ o laala, dɛ́ dɔ nee waa dɛ palɛ ba tɛo ó sɔ, dɛ doŋa bɛlbwa toole o nɛɛ kpa.

Lewi Dea Tena 15:16

Dɛ baa bane bala aa, a chɛ kɛŋɔ ó ɛ nee dɛ́ sɔ o bwara bwa, o kah doŋa ka tel jɔmɔra.

Lewi Dea Tena 15:5

Nomɛlbwa waa leɡe o chɔɔbɔr chɛ kɛŋɔ ó chɛɡɛ o laala dɛ́ sɔ ne. O kah doŋa ka tel jɔmɔra.

Lewi Dea Tena 22:6

Sɔfo bɛlbwa waa leɡe a ɡɛ kon nɔ bɛlbwa la kah doŋa ka tel jɔmɔra. Waa berɛ won di saraha kwaa aa do ɡoroŋ la bɛlbwa, nemenɛ ó sɔ nee mɔɔ.

Matiu 3:11

N te, nee n kpɔ dɛɛ sɔ heyaa Korowii nee dɛ chaɡle kɛ he charɛ he liire le wechɔɡa ta. Kɛ naate waa ba n habɔɔ la te, wɛɛ kpɔ Korowii Domadɛɛɡe ne niinii sɔ heya. O ɡwaa mɛ. Maa o napaa tee kwaraa dɔ.

Mmarare 23:10

Dɛ he bini bɛl chɔɔ dɛ dee o bwara ba naa, a ɛ doŋa wa. Ó le he bini dɛ́ ka so he habɔɔ.

Mmarare 23:12

Hé kwaa bɔr bela haa baŋre he tɛnte deene dɛ so la habɔɔ, ásɛ dɛɛ bɛɡɛ dahara bela.

Hibru 10:22

Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

1 Pita 3:21

A ɡɛ nee nɔ cheɡɔ tɛ Korowii nee baa dɛ sɔ yaa aa lɛ yaa la. Korowii nee sɔe ta bwara doŋa yaɡla ɛɛ. Korowii nee sɔe munii kɛ ya soŋe Korowii ó tɛ yaa tepoŋ. A cheɡɛ Yeesu Kristo seo ta ira ta, asɛ nee sɔe la won dɛɛ lɛ yaa.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.