Mmarare 22:8 - mzwDBL

⁸ Dɛ he do dea aa, ɛ kon bar sal la nyoa, ásɛ a bɛ ba kɛŋɔ nomɛl teeh sal la, dɛ́ le nyundua bela dɛ́ ba le harɛ sewɛ, dɛ́ kpɔ waa do he nyoa.

Mmarare 22:8 Iomraidhean Croise

2 Samoɛl 11:2

Awola jɔmɔra bɛl, kooro iro le o chɔɔbɔr dɛ baa valɛ saldoa koodem bela. O cheɡɛ bela na haah bɛl waa dɛ sɔ ne. Dɛ o wer tolo taeh,

Kaala 22:6

Dɛ nɛn do nii o koo ta asɛ a fuh ka jo nomɛl koo ta, dɛ fuh mea baa koma bil kɛɛ anɔ la a taa cheɡa kɛɛ dɛ koo la bwa sekwaraa naa, nɛn waa do nii la chɛ kɛŋɔ ó bɔ a bwa kem.

Aesaya 22:1

Waa aa chiɡ Chaahna Fɛlembɔjen ta, Korowii bol baɡle Aesaya chaahna ta laanee nɔ. Bɔkwaa waa bala ɔ? Ɛrɛɛ bwɛjen nɔ nɛra bwa ɛɛ lɛ ba sie saldor nɔɔ?

Jeremia 19:13

Jerusalam deene bini ne Juda koranar deene, ne saldor baa fuh daawiile dɛɛ tɛ weweela, dɛ bela baa fuɡe sen ɛ saraha dɛɛ tɛ voɡare bwa ɛɛ kah doŋaa kɛŋɔ Tɔfɛt ken.”

Ɛsekeɛl 3:18

Dɛ n ŋɔ wechɔɡ-ɛɛ be ŋɔ wɛɛ sewɛ o wechɔɡa taa, dɛ he ta on kaeh, o ɡel o wechɔɡa la dɛ dɔ o nyu aa, wɛɛ sewɛ o wechɔɡa taa. Ate, mɛɛ pɛɛre a waa.

Ɛsekeɛl 3:20

Dɛ nɛn o wa aa toɡra la le o wetoɡra ta dɛ ɛ wechɔɡa aa, mɛɛ kpɔ kon waa dɛ ba ɡela o lɔ naa bil o sie. Haa wola on kaeh nomanta, wɛɛ sewɛ o wechɔɡa taa. Maa waa waa ɛa a toɡre laanee lii, mɛɛ pɛɛre o seo waa.

Matiu 10:27

Waa maa dɛ bol he be biro ta la, hé bola webaŋa, ásɛ waa maa sɔah bol he be la, hé bola nɛnlaa baah.

Amanesoma Mak Aa Chwera Tɔn 2:4

Bɔr aa fara la, ba ta wone kpɔ baa la ba o be. Anee ba teeh dea la dɛ forɛ sal la bela Yeesu aa cheɡa la, dɛ kpɔ baa la ne o kalaŋ waa chɔ o ta la dɛ che bela dɛ kpɔɔ bil Yeesu sie.

We-ɛɛla 10:9

Tɔ aa pera baa kaa dɛ ka tel bwɛjen Jopa la, Pita teeh sal dea webaŋa dɛɛ ba Korowii soŋa. Dɛ wee cheɡɛ nyufala.

Tɔn Pɔɔl Aa Chwerɛ Rom Tena 14:13

Aa do ɡɛ nɔ, yá ɡel dɔŋa pwaeh. Waa aa chɛ kɛ yaa ɛ laanee kɛŋɔ ya ɛ ya liire kɛŋɔ waa aa ɡel ya dɔŋa lɔ naa dɛ chole kɛɛ ba ɛ wechɔɡa la, yaa ɡel a ɛɛ.

1 Kɔrent 10:32

He bɛ ɡel nomɛlbwa daŋre he ne dɛ́ ba nyoɡre. Juu tee yoo, Grik tee yoo, asɔre tee yoo, he bɛ ba bini bɛlbwa ɡɛ ɛ.

Mmarare 22:7

Pa o bii la dɛ́ ɡel o nya la te o kaa, ásɛ a chiɡ heyaa kɛrɛdɛ hé dɔ mkpajaŋ.

Mmarare 22:9

Bɛ komɛlbwa du ja daa haa kpɔ a nɔna dɛɛ ɛ sen la ta koo beŋkpoŋ ta. He ɛ ɡɛ naa, haa won di kwaa la bɛlbwa.

Felepae 1:10

ásɛ dɛ won jemɛ waa aa wera kohona. Anee dɛ́ ɡel he won do kaih, nomɛlbwa aa wola he wechɔɡa dɔe ba dɛ bol ka tel awola Yeesu Kristo aa ba la.

1 Tesalonika 5:22

Hé laa he te kpɔ wechɔɡa bɛlbwa ta.

1 Samoɛl 9:25

Baa le saraha bɔr bela dɛ ba bwɛɛ la ta la, Samoɛl ɡelɔ ba pa kalaŋ tɛ Sɔɔl o chɔ o saldoa, asɛ o la o ne o ka bol wa.