Mmarare 21:5 - mzwDBL

⁵ Lewi dea tena baa ɛ sɔfore la tɔ sie, dɛkalkɛŋɔ Korowii haa dɛ tomɔ nɔɔ lee ba ŋɔ baa ɛ o toma dɛ́ soŋe andɛɛɡa dɛɛ tɛ nɛra o sɔn ta. Ba nyoa wobol taa bá che dɛ́ bol wobɛlbwa aa lɔ nɛra baah ta, ne dɔŋa lɔɔra waa bɛlbwa ta.

Mmarare 21:5 Iomraidhean Croise

1 Webena 23:13

Amram ɡe bibaalaa, Arɔn ne Mosis. Ba le Arɔn cheɡ, asɛ o ne o naanar ɛɛ nyiŋi kwaa baa lea cheɡ tɛ Korowii a do ɡoroŋ kohona ta. Asɛ ba kpɔ saraha kwaa dɛɛ la Korowii sie, dɛɛ ɛ toma o sie dɛ che o sɔn ta swee andɛɛɡa tɛ nɛra saŋ bɛlbwa dɛɛ la.

2 Webena 19:10

He bini bɛlbwa le bwɛjena nɔ ta, dɛ ba waa aa ɛ nɛŋkpoa kɛɛ Korowii Mmara la bini bɛlbwa ne naa, hé kah ba ŋɔ ba bɛ wechɔɡa ɛ dɛ́ jo Korowii nɛ, ásɛ o bandia bɛ he nɛɛ ba. He ɛ ɡɛ naa, haa bolchɔɡee di.

Ɛsekeɛl 42:13

Baa la ŋɔ men Ɛsekeɛl be ŋɔ, “Deene aa lɔ weekaŋle nyunduabɔr, ne anɔ la aa lɔ weekaŋle harɛbɔr a sie chaɡɛ Korowii Dea dembaah bela la, ɛ sɔfore deene. Belaa sɔfore baa dɛ ba men Korowii sie la ɛɛ ba saraha kwaa aa do ɡoroŋ kohona la dɛɛ dii. Deene la aa do ɡoroŋ kohona nomanta, a binii baa ba saraha kwaa aa do ɡoroŋ kohona kɛŋɔ mea sarahare, ne wechɔɡa kpɔe dɛ kɛ sarahare, dɛ bolchɔɡe dii saraha kwaa kpɔe dɛɛ cheɡ.

Ɛsekeɛl 44:24

Nomɛl ne o dɔŋ dɔ waane aa, sɔfore laanee dɛ́ nyiŋi a ta, dɛ́ bola, ɡɛ aa lɔ me Mmarare ta la. A chɛ kɛ baa teŋɛ me Mmarare ne n waa maa kpɔa tɛɛ ba bwa ta, n tɔpejena maa lea cheɡ bwa, ásɛ dɛɛ di n Ona Tɔpera la, dɛ́ ɡel a do ɡoroŋ.

Lewi Dea Tena 9:22

Asɛ Arɔn ɡɔɔ o nɔɔra dɛ soŋe andɛɛɡa tɛɛ ba. Waa ɛ wechɔɡa kpɔe dɛ kɛ saraha ne saraha kwaa baa dɛ fuah ne deŋnesɔɔhna saraha la tonɛ la, asɛ o tu ba harɛ.

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.

Mmarare 10:8

Gɛ saŋee Korowii le Lewi dea tena ŋɔ baa nyiŋi O Ne Nɛwɛnyina Fɔo Daka la ta, dɛ́ berɛ ɛ sɔfore dɛ́ che o sɔn ta dɛɛ swee andɛɛɡa dɛɛ tɛ nɛra. A ta chɔ ɡɛ ba le fini.

Mmarare 18:5

dɛkalkɛŋɔ ba ne ba naanaree Korowii haa dɛ tomɔ le he deene la bwa bini ŋɔ bá che o sɔn ta, dɛ́ɛ ɛ o toma saŋ bɛlbwa.

Mmarare 19:17

ate hé kpɔ nɛra banɛ waa la aa lɔ ba baah ta la la Korowii sie, sɔfore ne nɛra baa bol waa dɛɛ pa bole dɛ do le ɡɛ saŋ la be,

Mmarare 21:4

dɛ́ kpɔ ɡɛ nao la la nenabɔɔ waa wola hweeh nyoa, baa wola bela parɛ bwa la, dɛ́ ka laa nao la baŋa ku bela.