Mmarare 20:1 - mzwDBL

¹ Mosis berɔ ŋɔ, “Dɛ he kaa cheme he dɔma laa ta, asɛ dɛ na kɛŋɔ dɔma la torɔɡore baa vɔwɛ jaɡre pɛla la warɔ ɡwaa heya aa, he bɛ ban ɔmɛ. Dɛkalkɛŋɔ Korowii haa dɛ tomɔ o le he ne Ijipt harɛ ta la ɛɛ che he mun taa.

Mmarare 20:1 Iomraidhean Croise

Mumpar 26:3

So bonɔ tama. Mɛɛ che he mun taa dɛ́ tɛɛ hɛɛra, dɛkalkɛŋɔ he ne he naanaree mɛɛ ba ń kpɔ harɛ nɔ bwa tɛ, ɡel n nyoa maa baɡɛ he mɛɛ Abraham la che kɛrɛdɛ.

2 Webena 14:10

Ate, Kooro Asa le, dɛ ka puu yo, bɛlbwa ne o laa tena cheɡɛ ba chebɔra Sɛfata Fɛlembɔjen bini, o bɛne Maresa.

2 Webena 14:11

Asɛ Kooro Asa yerɛ Korowii waa dɛ tomɔ dɛ ŋɔ, “N Naa Korowii, nomɛlbwa toole dɛ́ won cha nɛra baa wola kpeɡri bɛlbwa dɔe, bá won ka yo nɛra baa kpeɡa kɛ hen. N Naa Korowii yaa dɛ tomɛ, cha yaa, he nɛɛ ya kpɔ ya te dawɛ. He sɔn taa ya ba, dɛɛ ba ba yo laa tena baa wara nɔ la. Bɛ ɡel nɛwɛnyini pɔ he nɛ.”

2 Webena 20:12

Henee Korowii yaa dɛ tomɛ. Tɛr ba deŋne, dɛkalkɛ ya ta kpeɡri dɔe dɛ́ won che laa tena baa wara dɛɛ ba ya nɛɛ nɔ sie. Yaa jemɛ ɡɛ yaa ɛ, he siwi taa yaa nyiŋi.”

2 Webena 20:15

Anee Jahaseɛl ŋɔ, “N naa kooro, ne nɛra haa lɔ Juda ne Jerusalam bwa, hé no. Waa Korowii aa dɛ bol he be laanee nɔ, ‘He bɛ ɔmɛ, he bɛ ɡel he bwara yɔr laa tena baa wara nɔ wa. Korowiirii dɛ́ yo tɛ heya.

Yela 118:6

Korowii ja n nɛ, maa ɔmɛ. Ɛrɛɛ nɛwɛnyini ɛɛ ba wona ɛɛ mɛ nɔ?

Yela 20:7

Nɛra bane dɛ hwɛɡɛ kwaa aa do kɛŋɔ torɔɡore ta, bane ɡee hwɛɡɛ ba jaɡre nɛ, kɛ ya te, Korowii yaa dɛ tomɔ la nɛɛ yaa hwɛɡɛ.

Yela 23:4

Hale n dɛ valɛ biro tenten bini kwaraa naa, maa ɔmɛ, dɛkalkɛ he ja n nɛ, he daŋɡbala haa kpɔa dɛɛ teɡɛ peera laanee dɛɛ tɛ mɛ bosɔɔhna.

Yela 46:11

Nemenɛ Korowii ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Yela 46:7

Korowii waa ɛ Koranar Bwa Kooro ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Yela 46:8

Hé ba dɛ́ ba na toma Korowii aa ɛa, nyokpowaa waa ɛa a do ɔma ya harɛ nɔ ta.

Kaala 20:2

“Menee Korowii haa dɛ tom mɛ n le he ne Ijipt harɛ ta somanjiri dii ta la.

Aesaya 31:1

Banɔ la baa la Ijipt harɛ ta dɛ́ kaa nyin kɛŋɔ ba cha ba la, bá bwɛɛlɛ! Ba kpɔ hwɛɡa do torɔɡore aa wara, baa vɔwa pɛl jaɡre dɛɛ che a bini, ne bokpeɡa tena baa so jaɡre ta nɛ, dɛ laa sie kpɔ Korowii Israel Nɛŋɡoroŋ la nɛ. Baa o bɔr nyin ó cha ba.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 43:2

He dɛ ɡale vile aa, ń ja he nɛ, haa morɛ, wobɛlbwa aa heyaa ɛ. He jo nii ta naa, haa fuh. Aa heyaa nyaa, á ba ɛ kɛŋɔ hɛɛ fuuh.

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Jeremia 16:14

Anomanta, Korowii ŋɔ, “Saŋ bɛl dɛ ba, ásɛ nɛra aa n sɔn taa dɛɛ ŋwɛɛ ŋɔ men Korowii maa lole saŋ bɛlbwa laanee fa lawɛ Israel tena le Ijipt harɛ ta kpa.

Sekaria 10:5

Ba bwa ɛɛ doo kɛŋɔ banyoola, dɛ́ɛ tiɡri ba dɔma nɛɛ fɔɡbaahna laa ta. Men Korowii ja ba nɛɛ nomanta, baa yoo dɛ́ pɔ ba dɔma baa soɡe jaɡre ta, laa ta nɛ.

Nɛra Kura 10:9

Dɛ ba kaa jo ba harɛ ta, asɛ ba dɔma ba puu ba dɛɛ yo aa, bá hoh bɛle la. Men Korowii baa dɛ tom mɛ la ɛɛ lii ba waa, dɛ́ lɛɛ ba le ba dɔma nɔn ta.

Nɛra Kura 23:21

N ta wahala bɛlbwa nae Israel tena nɛ. N ta tebinichɔɡ nae ba bini. Korowii baa dɛ tomɔ ja ba nɛ. Ba kooroo on baa kpɛɛro.

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Mmarare 1:29

Anee men Mosis ŋɔ, ‘He bɛ ɡel he bwara yɔr.

Mmarare 2:7

Korowii swee heyaa andɛɛɡa toma haa ɛa bwa ta. Onee nyiŋi he nɛɛ he vala ta pua hɛŋle ɡbo harɛ waa do kan kohona ta la. Korowii ja he nɛɛ bene fifraanaarɛ nɔ bwa ta, o ta ɡelɛ komɛlbwa paŋɛ heya.

Mmarare 20:2

Dɛ he dɛ ba laa yoi yaa, sɔfo ba che he laa tena la sie, dɛ́ bol waa baɡ ba ŋɔ,

Mmarare 20:3

‘Israel tena, fini he ne he dɔma dɛ ba yoi, anomanta, he bɛ ɡel he bwara yɔr, he bɛ ɡel he bwara ɛɛ sa, he bɛ ban ɔmɛ.

Mmarare 31:6

Hé che kiŋkiŋ, he bɛ ɔmɛ. Korowii haa dɛ tomɔ nɔ ɡbaɡba ɛɛ che he mun taa. Waa he jwɛɛh le, waa heyaa ta.”

Mmarare 31:8

Korowii ɛɛ tɔ he siee dɛ́ ja he nɛ, anomanta, bɛ ɡel he bwara hwah, bɛ ɔmɛ.”

Mmarare 7:1

Mosis berɔ ŋɔ Israel tena la be ŋɔ, “Korowii haa dɛ tomɔ dɛ la he ne harɛ haa dɛ la ka so o ta ó ɛ he kon la ta naa, wɛɛ doŋi wobobele anuanɛ bwa nɛra baa kana dɛ do kpeɡri ɡwaa heyaa le ba harɛre ta tɛ heya. Banee Hiti ne Girɡasi ne Amɔre tena, ne Keenan ne Pɛrɛs ne Hivi dɛ Jebus tena.

Mmarare 7:18

He bɛ ban ɔmɛ, hé lii ɡɛ Korowii haa dɛ tomɔ aa ɛ Ijipt kooro ne o harɛ nɛra bwa la.

Mmarare 7:21

Anomanta, he bɛ ban ɔmɛ. Korowii haa dɛ tomɔ nɔ lɔ he baah ta, o kan o waa do ɔma kohona.

Mmarare 9:3

Kɛ he te, hé jemɛ kpela kɛŋɔ fini Korowii haa dɛ tomɔ laanee dɛ́ tɔ he sie le moo la baŋ. O do kɛŋɔ nii naa dɛ chɔɡ kwaa la, dɛ́ pɔ ba nɛ. Hɛ́ɛ doŋ baa le, dɛ́ kpoo ba warane ɡɛ waa baɡɛ heyaa nyoa la.

Josua 1:5

Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”

Josua 11:9

Josua ɛ ɡɛ Korowii aa doo la. O ɡelɔ ba chaa ba jaɡre la nadɛɛne, dɛ fuh torɔɡore baa vɔwa pɛl jaɡre la.

Sitɔɔla 6:12

Korowii nyundua torome la kpɔ o te baɡle Gedeɔn, dɛ ŋɔ o be ŋɔ, “Banyoo, Korowii ja he nɛ.”

Sitɔɔla 6:16

Asɛ Korowii ŋɔ, “Mɛɛ ja he nɛɛ ásɛ he kpoo Midian tena bwa, kɛŋɔ haa yo nɛmbeŋkpoŋ ken.”

1 Samoɛl 17:32

Asɛ Devid ŋɔ Kooro Sɔɔl be ŋɔ, “Bɛlbwa bɛ ɡel o bambile chɔɡ Filisti te nɔ wa, men maa ɛ he bonɔɔ nɔ ɛɛ lao dɛ́ ka yoo.”