Mmarare 2:9 - mzwDBL

⁹ Bela ɡe la, Korowii ŋɔ n be ŋɔ, ‘He bɛ Moab tena baa ɛ Lɔt naanar nɔ baah muɡli he ba yo. N kpɔ bwɛjen Ar tɛɛ ba ŋɔ ó ɛ ba kon baa di o kpeɡri. Anomanta, maa heyaa ba harɛ nɔ peraa tɛ hé di o kpeɡri.’ ”

Mmarare 2:9 Iomraidhean Croise

2 Webena 20:10

Taraken, Amɔn ne Moab ne Edom tena balɔ dɛ́ ba yo yaa. Ya naawa fa aa le Ijipt harɛ ta dɛɛ ba la, he ta ɡelɛ ba jo ɡɛ harɛre la ta. Ba valɔ dɛ bar ba, dɛ ɡel ba kpoora.

Yela 83:8

Hale Asiiria tena kpɔ ba bokpeɡa ba ja ba nɛ, dɛ́ ba cha Amɔn ne Moab tena baa ɛ Lɔt naanar la.

Aesaya 15:1

Waa aa chiɡ Moab harɛ ta Korowii bol baɡle Aesaya chaahna ta laanee nɔ, Moab harɛ ta bwɛjena Ar ne Kir chɔɡɔ. Jwaana beŋkpoŋii ba chɔɡa.

Nɛra Kura 21:15

ne o felembɔjena aa le Moab tena jwɛh ta, dɛ wili kaa bwɛɛ bɛl baa dɛ yerɔ Ar.’

Nɛra Kura 21:28

Kooro Sihon laa tena le Hɛsbɔn kɛ nii ken, kɛŋɔ ninlao dɛ le Kooro Sihon bwɛjen ta, dɛ ba chɔɡ Moab harɛ bwɛjen Ar, dɛ ka chɔɡ nɛra baa lɔ Aanɔn Moo deŋɡarere ta.

Nɛra Kura 22:4

Belaa Moab tena ka ŋɔ Midian nomonome be ŋɔ, “Nɛnlaa tenten dɛ́ ba dɛ́ ba chɔɡ ya ne ya komɛlbwa kwaraa kɛŋɔ nao aa dɛ chwe kpɔɡa.” Ate, Sepɔ bibaa Kooro Balak

Mmarare 2:29

ɡɛɛ Esɔ naanar baa soɡe Sɛɛ, ne Moab tena baa soɡe Ar ɛ yaa. Ya dɛ kaa ka le Jɔɔdan Moo dɛ kaa harɛ Korowii aa kpɔa tɛ yaa la ta.’

Mmarare 2:5

He bɛ yoi kpɔ puu ba, maa ɡel he dɔ ba harɛ la naɡale del ɡba. N dɔɔ kpɔ bela tɛ Esɔ naanar.

Sitɔɔla 11:15

“Israel tena ta Moab kɛɛ Amɔn harɛre lɛɛ.

Sitɔɔla 11:17

Israel tena tomɛ nɛra Edom kooro be ŋɔ ó tɛɛ ba ŋwɛnɛ ba kpɔ o harɛ ta, kɛ Edom kooro vɛoh. Ba tomɛ nɛra Moab kooro ɡe be, asɛ o ɡe vɛh. Anomanta, ba soɡe Kades bela.

Sitɔɔla 11:18

Ba berɔ valɛ kpɔ pua hɛŋle ɡbo harɛ ta dɛ fɛre Edom ne Moab harɛre la, dɛ kpɔ ka le Moab wee leebɔr pera dɛ ka so Aanɔn Moo baŋ bɛl. Ba ta Moab harɛ la ta joɛ, dɛkalkɛ Aanɔn Moo ɛ ba jwɛh.