Mmarare 2:32 - mzwDBL

³² Ate, Kooro Sihon ne o laa tena bwa le dɛɛ ba ba yo yaa bobɛl baa dɛ yerɔ Jahas.

Mmarare 2:32 Iomraidhean Croise

Nehemia 9:22

He ɡelɔ ba yo dɛ pɔ koranar ne harɛre nɛra nɛ, harɛre aa lɔ ba jwɛh ta. Ba yo Hɛsbɔn Kooro Sihon, ne Basan Kooro Ɔɡ, dɛ pɔ ba nɛ, dɛ lɛ ba harɛre.

Yela 120:7

N dɛ nyin deŋnesɔɔhna, kɛ n bol wa aa, dɛ a berɛ naɡra ba be.

Yela 135:11

Banee, Amɔre tena Kooro Sihon ne Basan Kooro Ɔɡ, dɛ Keenan harɛ koranar bwa,

Yela 136:19

O kpo Amɔre tena Kooro Sihon. O nyina lole saŋ bɛlbwa dɛɛ la.

Mmarare 2:31

Korowii ŋɔ n be ŋɔ, ‘N kpɔ Kooro Sihon ne o harɛ nɛra bwa do he nɔn ta. Hé pu sie yoo ba dɛ́ lɛ harɛ la.’

Mmarare 2:33

Asɛ Korowii yaa dɛ tomɔ laa nɔn kpɔ o nɛɛ ya kpoo o ne o bibaala ne nɛra baa ja o nɛɛ la bwa.

Mmarare 3:1

Mosis berɔ ŋɔ, “Ate, ya laa berɛ, dɛ kpɔ sie pa Basan harɛ dɛɛ kaa, belaa Basan Kooro Ɔɡ kpɔ o laa tena bwa dɛ ba yo yaa. Dɛ ya dɛ tel Edrei.

Josua 12:1

Koranar Israel tena aa yoo ba dɛ pɔ ba nɛɛ dɛ lɛ ba harɛre laanee nɔ. Harɛre la le Jɔɔdan Moo wee leebɔr, dɛ le Aanɔn Fɛlembɔjen dɛ kaa Jɔɔdan Fɛlembɔjen ta, dɛ kpoŋe kaa Hɛmɔn Bwejen weekaŋle nyundua. Koranar banɛɛ ba yo dɛ pɔ ba nɛ.