Mmarare 19:6 - mzwDBL

⁶ Dɛ he le bwɛjen beŋkpoŋ ɡbo aa, a baah la ɛɛ do jaŋnee, ásɛ nɛn waa sewa la nɛra won ti naate waa wola saahnɛ kpo o dɔŋ la, dɛ́ kpɔ bandia ka kpoo, kɛ dɛ o ta chɛ kɛ bá kpoo.

Mmarare 19:6 Iomraidhean Croise

2 Samoɛl 14:7

Anomanta, dea bii la bwa cheɡɛ he tolo nɛɛ ŋɔ, ‘Le he bie la waa lɔ o dɔŋ kpo la tɛ yaa ásɛ ya kpoo, o dɔŋ la waa kpoo la wa.’ Ba ɛ ken aa, maa bie bɛlbwaa dɔ kpa. N hwɛɡa bwa ɡe dɛ ba tona, ásɛ n jaa ɡe aa bibaa bɛlbwaa dɔ o sɔn den he kwaraa.”

Nɛra Kura 35:12

Gɛ bwɛɛre laanee dɛ́ lɛ nɛn nyu le nɛn waa kpoo la nɛra nɔn ta, ásɛ ba bɛ won dɔ bɔr kpoo bɔ kem dɛ nɛra ta cheme dɛ bol o wa.

Mmarare 19:5

A kaa ba kɛŋɔ, dɛ nomɛl ne o dɔŋ la kɔr bini dɛ ka teŋe da, asɛ kpanfɛbii la fome le o daa ta dɛ ka ŋwɛnɛ o dɔŋ la o sewɛ aa, onɔ la chwa kaa ɡɛ bwɛjen la bɛl ta, dɛ́ dɔ o nyu.

Mmarare 19:7

A ɡɛ waa nɔ waa n doe ŋɔ he le bwɛjena atoro cheɡ la.

Mmarare 21:22

Anee Mosis berɛ ŋɔ, “Dɛ nomɛl ɛ wechɔɡa a chɛ kɛŋɔ bá kpoo, asɛ ba kpoo dɛ kpɔɔ ka saɡɛ daa ta naa,

Josua 20:5

Naate waa dɛ nyin dɛ́ kpoo bɔ kem la tiu la bela aa, bwɛjen la tena bɛ nɛn baa lɛo so la le tɛo, saahna waa wola saahnɛ dɛ kpo o dɔŋ la wa.