Mmarare 18:8 - mzwDBL

⁸ Gɛ del ba bala la aa dɛ dɔ la, ɡɛ tentenee chɛ kɛŋɔ ó ɡe dɔ, hale dɛ suuɡaa o dɔ le o mɛɛ kɛɛ o nya kwaa waa yoɡa ta noo.”

Mmarare 18:8 Iomraidhean Croise

2 Webena 31:4

Kooro berɔ ŋɔ Jerusalam tena be ŋɔ, bá kpɔ saraha kwaa aa chɛ sɔfore ne Lewi dea tena la dɛɛ tɛɛ ba, ɡɛ aa ɛ, ásɛ ba won kpɔ ba te tɛ kɛrɛdɛ, dɛɛ teŋɛ ɡɛ Korowii Mmara la aa dɛ baɡle.

Nehemia 12:44

Gɛ saŋ la, ba le baala bane baa nyiŋi deene baa lɛ kwaa dɛ kpɔ baa cheɡ a bini Korowii Dea la ta. Kondikonloɡla ne kwaa baa bɔne a bini bɔre fi, dɛ kpɔ a bini bɔrbeŋkpoŋa dɛɛ ba ne. Ba lɛa le kooni aa bar bwɛɛre ta ba cheɡ deene la bini, ɡɛ Mmara aa chaɡla kɛŋɔ, anee chɛ sɔfore ne Lewi dea tena la. Dɛkalkɛ, dɛ Juda tena bwa sie lɛ ba ne Lewi dea tena la nɛ.

Nehemia 12:47

Anomanta, le Sɛrobabɛl ne Nehemia bere saŋ bwaa Israel tena le, dɛɛ tɛ yelɡoola ne nɛra baa dɛ daah Korowii Dea kwa tɔpere bɛlbwa. Ba kpɔ saraha kwaa aa do ɡoroŋ dɛɛ tɛ Lewi dea tena, ásɛ ba ɡe kpɔ anɔ la aa chɛ sɔfore baa ɛ Arɔn naanar kwaa tɛɛ ba.

Lewi Dea Tena 27:30

Kondikwaa bɛlbwa aa le harɛ la ta dɛ ɛ mea kɛɛ daa nɔna la, a chɛ kɛ he bɔne a bɛlbwa bini bɔre fi, dɛ́ kpɔ bɔrbeŋkpoŋa ba tɛ men Korowii. A ɛ kwaa aa do ɡoroŋ dɛ tɛ mɛ.

Lewi Dea Tena 7:14

Naate la kpɔ kwaa la bɛlbwa bini beŋkpoŋ aa chɛ kɛŋɔ ó kpɔ ba tɛ men Korowii la ba ɛ saraha tɛ mɛ. Sɔfo la waa kpɔ deŋnesɔɔhna saraha chal merɛ laanee dɔa.

Nɛra Kura 18:21

Lewi dea tena te, Israel tena kwaa baa bɔne a bini bɔre fi dɛ kpɔ bɔrbeŋkpoŋ baa tɛ mɛ laanee n kpɔ tɛɛ ba kɛŋɔ ba kapɛrɛ, toma baa dɛ ɛ n Dea Cheremibɔr bela nomanta.

Amanesoma Luk Aa Chwera Tɔn 10:7

Hé so a ɡɛ dem la ta, dɛɛ di ba kondikwaa baa dɛ di dɛ tɛ heyaa la ane, dɛkalkɛŋɔ tom-ɛɛ kembɔr chɛo. A ɡɛ dem la te habɔɔ, he bɛ le ka so dem bɛlbwa ta kpa.

Mmarare 18:7

ásɛ dɛ ɛ sɔfo dɛɛ ɛ Korowii toma kɛŋɔ ɡɛ ba bala Lewi dea tena la aa dɛ ɛ bela la.