Mmarare 17:8 - mzwDBL

⁸ Dɛ waane bole pae baa do kpeɡri tɛ nɛra baa bol waa dɛɛ pa bole he bwɛɛre la ta, kɛŋɔ nomɛl aa saahna kpo o dɔŋ kɛɛ waa wola saahnɛ, kɛɛ laala ane wa aa lɔ bɛl ne o dɔŋ baah ta, kɛɛ nomɛl aa saahna do o dɔŋ bol kɛɛ waa wola saahnaa, hé kpɔ la bela Korowii haa dɛ tomɔ aa lea tɛ heyaa la,

Mmarare 17:8 Iomraidhean Croise

2 Samoɛl 15:2

Absalɔm yon fel ir chɔmbibi, dɛ́ ka che ŋwɛnɛ waa chɔa kaa bwɛjen la doonyoa la keŋkeŋ. Dɛ nomɛl ba waa ne dɛɛ nyin kooro nyiŋi a ta tɛo waa, o yon yerɛ naate dɛ́ bɔɔro bela waa lea. Dɛ naate chaŋo ŋɔ o le Israel deene la bɛl bini naa,

1 Webena 26:29

Isiha naanar bini, Kenania ne o bibaalaa ba kpɔ toma aa wola Korowii Dea bela ta jae tɛ, dɛ ɛɛ ba nomonome baa bol nɛra ne ba bala baah ta wa Israel harɛ ta.

Kaala 18:15

Asɛ Mosis chaŋe ŋɔ, “Nɛra la ba n be dɛ́ ba hweli waa Korowii aa dɛ nyin.

Kaala 18:26

Banee chɔ ba bala nyoo dɛɛ bol ba waa saŋ bɛlbwa. A bini ane baa do kpeɡri aa, bá kpɔ ba Mosis be, anɔ la aa wola kpeɡe ɡe la, ba ɡbabir bola.

Kaala 21:20

Nomɛlbwa waa dɔ yombaa kɛɛ yomhaah, dɛ kpɔ daa lɔɔ o sewɛ buɡ ta la chɛ kɛ bá tɛr o deŋne.

Kaala 21:22

A balɔ kɛŋɔ baala banɛ dɛ yo, asɛ bɛl koni ka lɔ tekpoŋri o piɡri lolɛ dɛ waane ta a habɔɔ balaa, naate la chɛ kɛŋɔ haah la jaa yoɡu ɡɛ bwa waa dɛ nyin, ne ɡɛ nɛra baa bol waa dɛɛ pa bole la ɡe aa tɛ ŋwɛnɛ.

Kaala 21:28

Dɛ nabal chuɡe baa kɛɛ haah o sewaa, a chɛ kɛ bá foɡre nao la bwea kpo. A ta chɛ kɛ bá chwe o ol, nao te la ɡe ta chɛ kɛ bá tɛr o deŋne.

Kaala 22:2

Ba lawɛ ŋwɛɛ wɛɛ ku bobɛl dɛ́ ka ŋwɛ asɛ ba lɔɔ o sewaa, naate waa lɔɔ la ta bolchɔɡe dii.

Kaala 22:8

Kɛ dɛ ba ta ŋwɛɛ la lawaa, dem te la chɛ kɛŋɔ bá la o ne nɛra baa bol waa dɛɛ pa bole sie, dɛ́ ka nyiŋi a ta kɛŋɔ o ɡbaɡba bee a ka kɛɛ.

Ɛsekeɛl 44:24

Nomɛl ne o dɔŋ dɔ waane aa, sɔfore laanee dɛ́ nyiŋi a ta, dɛ́ bola, ɡɛ aa lɔ me Mmarare ta la. A chɛ kɛ baa teŋɛ me Mmarare ne n waa maa kpɔa tɛɛ ba bwa ta, n tɔpejena maa lea cheɡ bwa, ásɛ dɛɛ di n Ona Tɔpera la, dɛ́ ɡel a do ɡoroŋ.

Haɡae 2:11

“Bɔɔ sɔfore la ɡɛ Mmara la aa dɛ baɡle waa maa dɛ ba he bɔɔra nɔ.

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.

Nɛra Kura 35:11

hé le bwɛɛre ane cheɡ, ásɛ dɛ nomɛl ta saahnɛ kpo o dɔŋ aa, ó chwa ka so bɛl ta dɛ́ dɔ o nyu.

Nɛra Kura 35:16

Dɛ nomɛl kpɔ buni kon lɔ o dɔŋ o sewaa, naate kpo nɛn. Kpoe chɛ kɛŋɔ bá kpo o ɡe.

Mmarare 1:17

he bɛ nɛra siebɔr dɛɛ nyiŋi. Hɛ́ɛ no nomɛlbwa waa kɛrɛdɛ. Bechale ne nomonome bwa, hé nyiŋi ba bwa waa bini kɛrɛdɛ. He bɛ nomɛlbwa siebɔr ɔmɛ, Korowii ɛɛ che he nɛɛ dɛ́ pa bole. Dɛ waane bola kpeɡri tɛ heya aa, bá ba a ne n sie ásɛ n bola.’

Mmarare 12:11

Korowii haa dɛ tomɔ nɔ ɛɛ baɡle heyaa bobeŋkpoŋ bela he bwa aa ka cheme dɛɛ tomɔ. Belaa chɛ kɛŋɔ hé kpɔ saraha kwaa haa fuh dɛ́ kpɔ dɛɛ jaamo, ne kwaa haa kpoa dɛɛ tɛo, ne he komɛlbwa haa dɔa bɔre fi bini bɔrbeŋkpoŋ, ne he koŋkɛɛla kpɔe tɛo, ne he nyobaɡa kwaa ɡɛ maa ŋɔ he be saŋ bɛlbwa dɛɛ la.

Mmarare 12:14

Hé kpɔa ba bela Korowii aa le tɛ heya dɛ le he deene la bɛl harɛ ta la, belaa chɛ kɛ hé ɛ wobɛlbwa maa dɛ do heyaa a ta nɔ.

Mmarare 12:5

Korowii haa dɛ tomɔ nɔɔ dɛɛ ba he deene la bwa baɡla harɛ la ta, bela waa dɛ nyin kɛŋɔ he bwa kaa cheme dɛɛ tomɔ.

Mmarare 19:17

ate hé kpɔ nɛra banɛ waa la aa lɔ ba baah ta la la Korowii sie, sɔfore ne nɛra baa bol waa dɛɛ pa bole dɛ do le ɡɛ saŋ la be,

Mmarare 19:4

Dɛ nomɛl dɔm laa o dɔŋ asɛ o koni kpoo ɡe aa, ó chwa kaa bwɛjen la bɛlbwa ta, ásɛ dɛ dɔ o nyu.

Mmarare 21:5

Lewi dea tena baa ɛ sɔfore la tɔ sie, dɛkalkɛŋɔ Korowii haa dɛ tomɔ nɔɔ lee ba ŋɔ baa ɛ o toma dɛ́ soŋe andɛɛɡa dɛɛ tɛ nɛra o sɔn ta. Ba nyoa wobol taa bá che dɛ́ bol wobɛlbwa aa lɔ nɛra baah ta, ne dɔŋa lɔɔra waa bɛlbwa ta.

Mmarare 25:1

Mosis berɔ ŋɔ, “Dɛ waane chiɡ baala banɛ baah ta naa, hé kpɔ la kɔɔto ásɛ nɛn waa bol waa dɛɛ pa bole la ka pa onɔ la waa di boldɛɛɡe la bole, dɛ́ pa onɔ la ɡe bolchɔɡe.