Mmarare 17:5 - mzwDBL

⁵ Hé lawɛ ɡɛ nɛn la le bwɛɛ la dahara, dɛ́ ka foɡro bwea kpo.

Mmarare 17:5 Iomraidhean Croise

Job Tɔn 31:28

a ɡe fe ɛ wechɔɡa Korowii be ó bol dɛ́ pa bole, n fe ɛ nɛn n wa aa wola kasinteŋ dɔe, Korowii waa lɔ nyundua be.

Kaala 22:19

Nomɛlbwa waa lawɛ kondɛɛre chɔ kɛ baa ne haah la chɛ kɛ bá kpoo.

Lewi Dea Tena 20:2

ó bol Israel tena be ŋɔ, “He bini bɛlbwa kɛɛ hɔɔh bɛlbwa waa soɡe he bini, dɛ lawɛ o bie bɛlbwa ɛ saraha ba kpo tɛ voɡ Molɛk la chɛ kɛ bwɛɛ la ta tena foɡro bwea kpo.

Lewi Dea Tena 24:14

“Hé lawɛ baa waa bol nɛnhɛlwobol la le kaa bela haa soɡa la dahara. Nomɛlbwa waa noa kɛŋɔ o bol mɛ nɛnhɛlwobol la, bá kpɔ nɔn dawɛ o nyu ta, ásɛ nɛra la bwa foɡro bwea kpo.

Lewi Dea Tena 24:16

A chɛ kɛ bá kpo nomɛlbwa waa bol men Korowii nɛnhɛlwobol la. Israel tee kɛɛ nɛŋhɔɔhree yoo, a chɛ kɛŋɔ nɛra la bwa foɡre naate bwea kpo.

Mmarare 13:5

Keame nyosonteŋni kɛɛ nɛn waa won deera mun baɡla la chɛ kpoe, o baɡle heyaa waa a ɡel he ɛ deŋnekpeɡ dɛ le Korowii haa dɛ tomɔ o le he ne somanjiri dii ta Ijipt harɛ ta la habɔɔ, dɛɛ nyin kɛŋɔ he laa he te kpɔ waa haa dɛ teŋɛ a ta la aa, hé kpoo dɛ́ le ɡɛ liichɔɡa la ne he bini.

Mmarare 17:4

Dɛ he baa no ɡɛ waa nɔ naa, hé nyiŋi a bini kɛrɛdɛ. Dɛ a ɛ kasinteŋ kɛŋɔ ɡɛ wechɔɡa la chiɡ Israel harɛ ta naa, ba kii.

Mmarare 21:21

Ásɛ bwɛɛ la baala foɡro bwea kpo, dɛ́ le ɡɛ wechɔɡa la le he bini. Ásɛ Israel tena bwa no dɛ́ ɔmɛ.”

Mmarare 22:21

ate bá lawɛ haah la ka so o mɛɛ dem doonyoa, ásɛ o bwɛɛ baala foɡro bwea kpo, dɛ́ le ɡɛ wechɔɡa la ne Israel harɛ ta. O ɛ sihihwa kɛŋɔ waa soɡe o mɛɛ dem dɛ bɔ jwamane la.

Mmarare 22:24

hé kpɔ ba nɛra banɛ la bwa kaa bwɛɛ la doonyoa dɛ́ ka foɡ ba bwea kpo. Haah la kpoe munii kɛŋɔ, o ta lɔŋɔre doe soŋe lɛɛ, bwɛɛ bini ɡee. Baa la kwaa munii kɛŋɔ, o chɔɡ o dɔŋ haah. Gɛɛ dɛ́ le ɡɛ wechɔɡa la ne Israel harɛ ta.

Josua 7:25

Asɛ Josua bɔɔro ŋɔ, “Ɛrɛɛ he tɛ yaa waa ken? Fini he ne Korowii ɛɛ dɔɔ taeh.” Israel tena bwa foɡro bwea dɛ kpoo, dɛ foɡre ba kabora, dɛ pɛ fuh ba bwa.

Sitɔɔla 6:31

Kɛ Joas chaŋe baala baa wura ba o be bandia ne la ŋɔ, “Hé dɛ nyin kɛ he lɛ voɡ Baal waa bol kɛɛ? Hé dɛ nyin hé yo lɛo waa? Naate waa ŋɔ wɛɛ yoo dɛ́ lɛo la, chɔmbibii baa ba o kpoe. Dɛ Baal ɛ voɡ kasinteŋ aa, baa dɛ kuuɡi o saraha kon la, o fe wono yo lɛ o te.”