Mmarare 17:12 - mzwDBL

¹² Dɛ nomɛl baah suu o ta waa nɛn waa dɛ pa bole kɛɛ sɔfo waa cheɡɛ Korowii haa dɛ tomɔ la naa ta waa ta teŋaa, kpoe chɛ kɛŋɔ bá kpoo. Gɛ ŋwɛnɛ nɔ taa hɛɛ ba cheɡa, dɛ́ le ɡɛ wechɔɡa la ne Israel harɛ ta.

Mmarare 17:12 Iomraidhean Croise

Ɛsra 10:8

Nomɛlbwa waa vɛh a ɡɛ chema nɔ mun bala ka tel tɔpera atoro la, wɛɛ paŋɛ kwaa waa dɔa bwaa, ɡɛ nomonome aa bola la, ásɛ ba berɛ doŋu le o harɛ waa soɡe o ta la ta.

Yela 19:13

Lɛɛ mɛ le wechɔɡa maa saahna ɛ ta, bɛ ɡel a lɛ n liire. Anee dɛ́ ɡel n waa do wer, ásɛ n dɔ n te le wechɔɡa ɛɛ ta.

Sɛɡla 21:11

Bammuɡli nɛn dɔ deŋnetɛra aa, ɡɛne hweli waa dɛɛ le a ta, ɡɛɛ ba baɡle wejereme wa aa, wɛɛ jemɛ wa.

Hosia 4:4

Korowii berɔ ŋɔ, “Bɛlbwa ne o dɔŋ bɛ dɔ, bɛlbwa bɛ o dɔŋ pwah. He do kɛŋɔ nɛra baa dɛ pwah sɔfore.

Sekaria 3:7

Koranar Bwa Kooro ŋɔ, “Hɛɛ dɛɛ teŋɛ n waa taa, dɛɛ ɛ waa maa dɛ nyin tenaa, mɛɛ kpɔ n Dea wobɛlbwaa do he nɔn ta, ásɛ hɛɛ nyiŋi o dembaahna bwa ta. Mɛɛ no he wesoŋaa, ɡɛ maa dɛ no nyundua toroma baa cheɡɛ he sie nɔ wesoŋa.

Nɛra Kura 15:30

Kɛ nomɛlbwa saahnɔ ɛ wechɔɡa aa, bwɛɛlembie yo, hɔɔhree yo, naate ɛ Korowii nɛnhɛla. Gɛ nɛn la ta chɛ kɛŋɔ bá kuro ja o nɛra bini.

Nɛra Kura 15:31

Waa ɛ Korowii nɛnhɛla dɛ chɔɡ o Mmarare nomanta, naate ta chɛ kɛ bá kuro ja o nɛra bini kpa. O wechɔɡa dawɛ o nɛ.”

Matiu 10:14

Dɛ dem bɛl kɛɛ bwɛɛ bɛl tena ŋɔ baa heyaa lɛ, baa he waa la ɡee no aa, hé pee he nakpale teera ta bela, ásɛ a baɡle kɛŋɔ he kpɔ Korowii Waa ba ba be ba vɛah, ásɛ dɛ le bela.

Amanesoma Luk Aa Chwera Tɔn 10:16

Yeesu ŋɔ ba be ŋɔ, “Nomɛlbwa waa ka no he be la, n bee o no, asɛ nomɛlbwa waa ka vɛh he waa la, n waa o vɛh. Nomɛlbwa waa vɛh n waa la, naate waa tom mɛ la waa o vɛh.”

Amanesoma Jɔn Aa Chwera Tɔn 12:48

Kɛ nɛn waa vɛh n ne n waa maa dɛ bol la ɛɛ di bolchɔɡee. N waa maa dɛ bol nɔɔ dɛ́ pao bolchɔɡe tɔpere bwa jaɡa wee.

Amanesoma Jɔn Aa Chwera Tɔn 20:23

Dɛ he ŋɔ Korowii kpɔ nɛra wechɔɡa kɛ ba aa, wɛɛ kpɔɔ kɛ ba, kɛ dɛ he ŋɔ Korowii bɛ nɛra wechɔɡa kpɔ kɛ ba aa, aa do ba nɛɛ.”

1 Kɔrent 5:13

Nɛra baa ɛ asɔre tena la te, heyaa chɛ kɛŋɔ hé bol ba waa dɛ́ pa bole. Korowii Tɔn baɡlɔ kɛŋɔ “Hé doŋi wechɔɡ-ɛɛ le he bini.”

Mmarare 1:43

N bol he be he ɛ lwɛmkpeɡ he ta Korowii waa waa bola la ta teŋɛ dɛ teeh kaa deŋɡarere la ta.

Mmarare 10:8

Gɛ saŋee Korowii le Lewi dea tena ŋɔ baa nyiŋi O Ne Nɛwɛnyina Fɔo Daka la ta, dɛ́ berɛ ɛ sɔfore dɛ́ che o sɔn ta dɛɛ swee andɛɛɡa dɛɛ tɛ nɛra. A ta chɔ ɡɛ ba le fini.

Mmarare 13:11

Ásɛ Israel tena bwa no dɛ́ ɔmɛ, ásɛ bɛlbwa bɛ a ɡɛ wechɔɡa ŋwɛnɛ nɔ ta ba kpɔ kpa.

Mmarare 13:5

Keame nyosonteŋni kɛɛ nɛn waa won deera mun baɡla la chɛ kpoe, o baɡle heyaa waa a ɡel he ɛ deŋnekpeɡ dɛ le Korowii haa dɛ tomɔ o le he ne somanjiri dii ta Ijipt harɛ ta la habɔɔ, dɛɛ nyin kɛŋɔ he laa he te kpɔ waa haa dɛ teŋɛ a ta la aa, hé kpoo dɛ́ le ɡɛ liichɔɡa la ne he bini.

Mmarare 13:6

He bini bɛlbwa dɔɔ kɛɛ o nime pɔrɔdɔ, kɛɛ o bibaa kɛɛ bihaah, hale o haah kwara kɛɛ o dansom lɔɡɔ ŋɔ, ó berɛ ka tomɛ voɡa he ne he naawa aa wola an tomɛ bwa,

Mmarare 17:13

Ásɛ nomɛlbwa no dɛ́ ɔmɛ dɛ bɛ bansua waa aa do ɡɛ la dɔŋa ba ɛ kpa.”

Mmarare 17:7

Dɛ a ba ɡɛ naa, danseɛ tena la tɔ sie kpɔ bwea foɡro mɔɔ nomɛlbwa teŋɛ. Gɛ ŋwɛnɛ nɔ taa hɛɛ ba wona laa ɡɛ wechɔɡa nɔ kpɔ he bini.

Mmarare 18:20

Dɛ keame bɛl ɡe baah suu ŋɔ wɛɛ che n sɔn taa dɛ́ bol waa maa wola on a ta doe, kɛɛ keame waa che voɡ bɛlbwa sɔn ta, dɛ́ bol waane la chɛ kɛŋɔ bá kpoo.’

Mmarare 18:5

dɛkalkɛŋɔ ba ne ba naanaree Korowii haa dɛ tomɔ le he deene la bwa bini ŋɔ bá che o sɔn ta, dɛ́ɛ ɛ o toma saŋ bɛlbwa.

Mmarare 18:7

ásɛ dɛ ɛ sɔfo dɛɛ ɛ Korowii toma kɛŋɔ ɡɛ ba bala Lewi dea tena la aa dɛ ɛ bela la.

1 Tesalonika 4:2

He jemɛ waa yaa cheɡɛ ya Dɔɔ Yeesu nɛɛ dɛ bol baɡle heyaa la.

1 Tesalonika 4:8

Nomɛlbwa waa wola a ɡɛ waa nɔ ta teŋɛ la, dɛ nɛwɛnyini waa laa o vɛh, dɛ Korowii waa tɛ heyaa o Domadɛɛɡe la waa o vɛh.

1 Timoti 5:20

Dɛ bɛl ɛ wechɔɡa aa, yerɔ cheme asɔre tena la bwa sie dɛ́ kaoh. He ɛ ɡɛ naa, nɛra baa lɔ bela dɛ na la ɛɛ ɔmɔɔ dɛ laa ba te dɛɛ kpɔ wechɔɡa ta.

Josua 1:18

Nomɛlbwa waa ɛ deŋnekpeɡ waa wola he waa taa teŋɛ la, kpoe yaa ba o kpoe. He te che kiŋkiŋ, dɔ bambile!”

Sitɔɔla 20:13

Hé le Gebea nɛnchɔɡa nɔ tɛ yaa yá kpoo ba, ásɛ ɡɛ wedoŋa nɔ le Israel harɛ ta.” Kɛ Bɛnjamen dea tena la ta ba bala Israel tena waa la mun noɛ,

1 Samoɛl 3:13

N tɔ sie ɡel o jemɛ kɛŋɔ mɛɛ tɛr o ne o dem tena deŋnee o bibaala waa baa bola yaɡ mɛ la wa, dɛkalkɛ o ta ban kasinteŋ dii.