Mmarare 16:6 - mzwDBL

⁶ Nemenɛ bwɛɛ waa lea tɛ heyaa ŋɔ hɛ́ɛ tomɔ o ta la ɡbo ta. Belaa chɛ kɛŋɔ hɛ́ɛ kpoa, jɔmɔra wee aa baa jo la, ɡɛ korobie la ne tɔpere haa kpɔa dɛ le Ijipt harɛ ta la.

Mmarare 16:6 Iomraidhean Croise

Kaala 20:24

Hé kpɔ teera ma saraha kon haa lawɛ peera ne boohna ne nae dɛ́ fuah dɛɛ tɛ mɛ o ta, ásɛ dɛ berɛ ɛ deŋnesɔɔhna saraha ɡe tɛ mɛ o ta. Bela maa le tɛ heyaa ŋɔ hɛɛ tom mɛ la, mɛɛ ba he be belaa dɛ́ ba swee heyaa andɛɛɡa.

Nɛra Kura 9:11

a chɛ kɛ bá diu korobinɛɛte tɔpera fi dɛ anaarɛ ta jɔmɔra wee aa le harɛ. Bá kpɔ pebie ja papojeɡre ane aa do nyɛɡre ne paanoo baa wola iisi a ta doe ta dɛ́ di.

Nɛra Kura 9:3

A chɛ kɛ baa diu saŋ men Korowii aa lea cheɡ la ta. Korobie nɔ tɔpera fi dɛ anaarɛ jɔmɔraa wee aa dɛɛ le harɛ la, bá diu. Bá teŋɛ o we-ɛɛla bwa ta, dɛ́ diu aŋwɛnɛ ta.”

Matiu 26:20

Bɔr aa joa la, Yeesu ne o habɔteŋra la laŋɔ dɛ ka so dɛɛ di kwaa la.

Mmarare 12:5

Korowii haa dɛ tomɔ nɔɔ dɛɛ ba he deene la bwa baɡla harɛ la ta, bela waa dɛ nyin kɛŋɔ he bwa kaa cheme dɛɛ tomɔ.

Mmarare 16:5

He bɛ Galekaa kondɛɛre la kpo bwɛɛ bɛlbwa Korowii haa dɛ tomɔ aa kpɔa dɛɛ tɛ heyaa la ta.

Hibru 9:26

Dɛ bena bɛlbwaa wɛɛ jo bela dɛ kpɔ o te ɛ saraha aa, bena bɛlbwaa o fe ɛɛ ba wahala nae dɛ kpoŋe le harɛ mumpar ba le fini. Kɛ kerabeŋkpoŋ ɡboo o ba harɛ nɔ ta tɔpere tama waa kaa nɔ ta, dɛ ba kpɔ o te ɛ saraha dɛɛ laa nɛra wechɔɡa kpɔ, waa wola ɡɛɛ ɛ kpa.