Mmarare 16:4 - mzwDBL

⁴ Tɔpere la telaa, nomɛlbwa waa lɔ harɛ la ta bɛ ɡel paanoo iisi aa lɔ a ta do o dea tɔpera anuanɛ. Ásɛ ol haa kpoo tɔpere waa tɔ sie jɔmɔra la, hé di o bwa awola tenten.

Mmarare 16:4 Iomraidhean Croise

Kaala 12:10

He bɛ di a ka tɔɔ per a ta. Anɔ la aa ka la bwa chɛ kɛ hé fuah.

Kaala 12:15

Hé di paanoo iisi aa wola toole a ta tɔpera anuanɛ. Tɔpere waa tɔ sie la, hé laa iisi bɛlbwa kpɔ he deene bini. Nomɛlbwa waa di paanoo iisi aa do o ta a ɡɛ tɔpera nɔ ta la, dɛ o ta n nɛra baa ɛ Israel tena la bini jae kpa.

Kaala 12:6

Hé nyiŋa dɛ ka tel korobie nɔ tɔpera fi dɛ anaarɛ ta, a ɡɛ saŋee Israel tena ɛɛ ba a kpoora jɔmɔra.

Kaala 12:8

Awola jwaana la tenten la, bá wɔɔ ola la, dɛ́ kpɔ papooni aa kpela ne paanoo baa wola iisi a ta doe la ja a ta dɛ́ di.

Kaala 13:7

Hé di paanoo iisi aa wola toole a ta tɔpera anuanɛ la ta. He bɛ ɡel komɛlbwa iisi aa lɔ o ta do he be. Hale he harɛ jwɛh ta bobɛlbwa kwara.

Kaala 23:18

He bɛ komɛlbwa baa kpo ɛ saraha chal kpɔ ja komɛlbwa iisi aa lɔ o ta tɛ mɛ. Ola baa kpoora n tɔpejena ta noorare ta chɛ kɛŋɔ hé cheɡa tɔɔ per a ta.

Kaala 34:25

Hé dɛ ba kon kpoe ɛ saraha tɛ mɛ naa, he bɛ komɛlbwa iisi aa koo o ta kpɔ ja. He bɛ ɡel Galekaa kondikwaa haa kpɔa ba ɛ saraha la ka tɔɔ per a ta.

Matiu 13:33

Yeesu kpɔ sɛɡla bol waa chaɡ ba ja dɛ ŋɔ, “Kenii Korowii Kora la do. O do kɛŋɔ haah bɛl aa ira dɛ kpɔ iisi tama ka koo men loɡbaa del ta, asɛ a won ɡel men la bwa uɡe.”

Mmarare 16:5

He bɛ Galekaa kondɛɛre la kpo bwɛɛ bɛlbwa Korowii haa dɛ tomɔ aa kpɔa dɛɛ tɛ heyaa la ta.