Mmarare 16:3 - mzwDBL

³ He bɛ paanoo baa do iisi a ta la kpɔ ja Galekaa ol la ta dɛ́ di. Hé di paanoo baa wola iisi a ta doe la teŋɛ dɔŋa nɛɛ tɔpera anuanɛ, ɡɛ haa ɛa Ijipt harɛ a ba kɛ he le bela wɔrɔbe nɛɛ la. Hɛ́ɛ yerɔ wahala paanoo, ásɛ dɛ kpɔ dɛɛ lii he soɡa bini bwa tɔpere haa le Ijipt harɛ ta la.

Mmarare 16:3 Iomraidhean Croise

1 Koranar 22:27

dɛ́ ka ŋɔ ba be ŋɔ, n ŋɔ bá lawɔ do dea, dɛɛ tɛo paanoo ne nee ɡbo ka tel kɛŋɔ maa ba jo sɔnɔnɔɔ.”

Yela 102:9

Tɔɔ ber mɛ kondikwa, siniire koo nee ta mɛɛ nyɔ,

Yela 111:4

O ɡelɔ yaa lii nyokpowaa waa ɛa, Korowii dɔ tedoma tɛ yaa dɛɛ na ya sum.

Yela 127:2

A ɛ wepuu kɛ nɛwɛnyini le chɔɔ ɛ toma ka tel jɔmɔra, kondikwaa waa di ɡbo wa, dɛkalkɛ nɛra Korowii aa dɛ nyin ba la, ba chɔ dom kwara naa, o dɛ tɛɛ ba ba konnyina.

Kaala 12:11

Gɛ haa dia laanee nɔ. Hé bini bɛlbwa kpɔ o batakaarejaŋ dɛ́ kpɔ kiriso vɔwɛ o ta, dɛ́ do naŋɡawa ásɛ dɛ kpoŋe o daŋɡbala kɛŋɔ waa dɛ ba ŋwɛnɛ bɛl kaala. Warane ɡee chɛ kɛŋɔ hé dia. Anee ɛ Galekaa kondikwa haa dɛ ba dii n sɔn ta.

Kaala 12:17

Hɛ́ɛ di Paanoo Iisi Aa Wola Toole a ta Tɔpejen la dɛ́ kpɔ lii men Korowii, dɛkalkɛ a ɡɛ tɔpere la taa n lawɛ heyaa le Ijipt harɛ ta denaa ta. Hé ɡel tɔpere nɔ chɔ le tɛ he ne he naanar baa ka ba saŋ bɛlbwa dɛɛ la.

Kaala 12:39

Ba kpɔ men baa ɛa dɛ le ane Ijipt la ɛ paanoo iisi aa wola toole a ta. Dɛkalkɛ baa doŋ ba le bela la, ba ta bɔr dɔe dɛ́ ɛ ba kondikwa bɛlbwa.

Kaala 12:8

Awola jwaana la tenten la, bá wɔɔ ola la, dɛ́ kpɔ papooni aa kpela ne paanoo baa wola iisi a ta doe la ja a ta dɛ́ di.

Kaala 34:18

Hé di Paanoo Iisi Aa Wola Toole a ta Tɔpejen la. Tɔpera anuanɛɛ chɛ kɛŋɔ hé dia ɡɛ maa do heyaa la. Hé dia benanyoa bɛlbwa tɔpera maa lea cheɡ Solchɛɡɛ korobie ta dɛkalkɛ o taa he le Ijipt harɛ ta.

Aesaya 52:12

Toola ne laa hɛɛ ba lee, kɛɛ chwae laa hɛɛ ba chwae le, dɛ́ dɔ he nyu. Korowii haa dɛ tomɔ la ɛɛ tɔ he siee, wɛɛ berɔ teŋɛ he nɛɛ dɛ́ daah heya.

Lewi Dea Tena 23:6

A ɡɛ korobie nɔ tenten ta tɔpera fi dɛ anue ta la, hé pa Paanoo Baa Wola Iisi A Ta Do Tɔpejen dii la mun. Hé di paanoo iisi aa wola toole a ta tɔpera anuanɛ.

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Nɛra Kura 28:17

Korobie la tenten tɔpera fi dɛ anue la ɛ tɔpejen haa lɛ sie o ta. Hé di paanoo iisi aa wola toole a ta la tɔpera anuanɛ.

Nɛra Kura 9:11

a chɛ kɛ bá diu korobinɛɛte tɔpera fi dɛ anaarɛ ta jɔmɔra wee aa le harɛ. Bá kpɔ pebie ja papojeɡre ane aa do nyɛɡre ne paanoo baa wola iisi a ta doe ta dɛ́ di.

Amanesoma Luk Aa Chwera Tɔn 22:19

Asɛ o berɛ kpɔ paanoo dɛ jam Korowii o wa, asɛ dɛ mɔne tɛɛ ba, dɛ ŋɔ, “Anɔ cheɡɔ tɛ n bo-ol maa kpɔa dɛ tɛ heya. Hɛ́ɛ ɛ ɡɛ dɛ́ kpɔ dɛɛ lii mɛ.”

1 Kɔrent 5:8

Anomanta, hé ɡel ya kpɔ ya te kɛŋɔ yaa dɛ ba Galekaa kondikwaa dii ken, anee kɛŋɔ yá laa meesɔɔh ne wechɔɡa bɛlbwa soo siwi kpɔ ya bini, ɡɛ baa laa iisi kpɔ paanoo baa kpɔa dɛɛ di Galekaa ta la. Hé ɡel ya kpɔ kasinteŋ ne tepoŋ dɛ́ teŋɛ Korowii nɛ.

Mmarare 16:2

He bɛlbwa lawɛ o pee kɛɛ nao le o kondɛɛra bini, ásɛ dɛ kpɔ la bela Korowii aa lea tɛ heyaa ŋɔ hɛɛ tomɔ la, dɛ́ kpɔ ɛ Galekaa Tɔpejen saraha tɛ Korowii o sɔn ta.

Mmarare 4:9

A bwaa kɛŋɔ hé nyiŋi kɛrɛdɛ dɛ́ ɡel he sie chɔ harɛ, hɛɛ berɛ waa haa naa la soeh. Hé bola baɡle he bii ne he naanar.

1 Tesalonika 1:6

Hé nyiŋi yaa dɛ́ kpɔ ya ne ya Dɔɔ da la. Haa no Korowii Waa la dɛ yaradaa la, he na wahala ɡa, kɛ he wono lɛ Korowii Waa la silɛɛ aa le Korowii Domadɛɛɡe la be ne.

Josua 4:7

ásɛ he ŋɔ ba be ŋɔ, ‘A cheɡɔ dɛ tɛ saŋ bɛl baa kpɔ Korowii Ne Nɛwɛnyina Fɔo Daka la le Jɔɔdan Moo dɛ ba bonɔ la, moo la teŋo ba valɛ o baah harɛpɛɛ ta dɛ le.’ Anomanta, bwea nɔɔ ya Israel tena kpɔ dɛɛ lii ɡɛ waa nɔ á chɔ le saŋ bɛlbwa dɛɛ la.”