Mmarare 16:2 - mzwDBL

² He bɛlbwa lawɛ o pee kɛɛ nao le o kondɛɛra bini, ásɛ dɛ kpɔ la bela Korowii aa lea tɛ heyaa ŋɔ hɛɛ tomɔ la, dɛ́ kpɔ ɛ Galekaa Tɔpejen saraha tɛ Korowii o sɔn ta.

Mmarare 16:2 Iomraidhean Croise

2 Koranar 23:21

Kooro Josia do harɛ la ta bwa nɛra ŋɔ, “Hé di Galekaa Tɔpejen la Korowii haa dɛ tomɔ sɔn ta, ɡɛ baa chwera do Korowii Ne Nɛwɛnyina Fɔo Tɔn bini la.”

2 Webena 35:7

Kooro Josia lawɛ peera ne boohna kaɡboŋa fifraatoro, dɛ nae kaɡboŋa atoro tɛ nɛmpɛɛne la ŋɔ bá kpɔ ɛ Galekaa sarahare.

Nɛra Kura 9:2

“Ŋɔ Israel tena la be baa di Galekaa Tɔpejen la o saŋ ta.

Matiu 26:17

Paanoo Iisi Aa Wola Toole a ta tɔpeloɡle la taa, Yeesu habɔteŋra la ba o be dɛ ba bɔɔro ŋɔ, “Leperaa hɛɛ nyin kɛŋɔ ya ka ɛ Galekaa kondikwaa la tɛɛ he dio?”

Matiu 26:2

“Gɛ haa jema la, kerele ɡbosoroo baa di Galekaa Tɔpejen kondikwaa la. A taa baa ba Men Nɛn Bie lee tɛ nɛra bá kpaa mɛ pɛl daɡaɡre ta, dɛ́ kpo mɛ.”

Amanesoma Mak Aa Chwera Tɔn 14:12

Paanoo Iisi Aa Wola Toole a ta tɔpeloɡle la taa, baa kpoo Galekaa pebiiri dɛ ɛ nawee we-ɛɛla. Awola tɔpere la, Yeesu habɔteŋra la bɔɔro ŋɔ, “Leperaa hɛɛ nyin kɛŋɔ ya ka ɛ Galekaa kondikwaa la tɛɛ he dio?”

Amanesoma Luk Aa Chwera Tɔn 22:15

Belaa Yeesu ŋɔ o habɔteŋra la be ŋɔ, “A ɡɛ Galekaa kondikwaa nɔ waa fa lɔ n bambile bini wubwa, asɛ mɛɛ nyin kɛ n ne he dia mɔɔ ba ɛɛ mɛ hɔhɔrɔwa.

Amanesoma Luk Aa Chwera Tɔn 22:8

Yeesu tomɛ Pita ne Jɔn dɛ ŋɔ ba be ŋɔ, “Hé kaa dɛ́ ka ɛ Galekaa kondikwaa ásɛ ya ba di.”

1 Kɔrent 5:7

Anomanta, hé laa ɡɛ wechɔɡ-ɛɛ la kpɔ he bini, ásɛ o wechɔɡa aa do kɛŋɔ iisi la bɛ heyaa bu, ásɛ he do wer kɛŋɔ paanoo baa wola iisi a ta doe, dɛ di Galekaa Tɔpejen la. He do ɡɛ kpela. Yeesu Kristo koh ya waa dɛ sewɛ kɛŋɔ baa kpo peebie Galekaa tɔpere ta la.

Mmarare 12:11

Korowii haa dɛ tomɔ nɔ ɛɛ baɡle heyaa bobeŋkpoŋ bela he bwa aa ka cheme dɛɛ tomɔ. Belaa chɛ kɛŋɔ hé kpɔ saraha kwaa haa fuh dɛ́ kpɔ dɛɛ jaamo, ne kwaa haa kpoa dɛɛ tɛo, ne he komɛlbwa haa dɔa bɔre fi bini bɔrbeŋkpoŋ, ne he koŋkɛɛla kpɔe tɛo, ne he nyobaɡa kwaa ɡɛ maa ŋɔ he be saŋ bɛlbwa dɛɛ la.

Mmarare 12:14

Hé kpɔa ba bela Korowii aa le tɛ heya dɛ le he deene la bɛl harɛ ta la, belaa chɛ kɛ hé ɛ wobɛlbwa maa dɛ do heyaa a ta nɔ.

Mmarare 12:18

He ne he bibaala ne bihaahna ne bonɔɔna ne toli, dɛ Lewi dea tena baa lɔ he bwɛɛre ta bwa chɛ kɛŋɔ hɛ́ɛ di a ɡɛ saraha kwaa nɔ Korowii haa dɛ tomɔ sie, bobeŋkpoŋ waa le tɛ heyaa la, dɛ́ ɡel he sie lɛ wobɛlbwa haa ɛa ta.

Mmarare 12:26

Saraha kwaa ne nyobaɡa kwaa la te, hé kpɔa la bela Korowii aa le cheɡ tɛ heyaa la.

Mmarare 12:5

Korowii haa dɛ tomɔ nɔɔ dɛɛ ba he deene la bwa baɡla harɛ la ta, bela waa dɛ nyin kɛŋɔ he bwa kaa cheme dɛɛ tomɔ.

Mmarare 15:20

Bela Korowii aa lea tɛ heyaa ŋɔ hɛɛ tomɔ la, belaa chɛ kɛŋɔ hé ne he haahna ne bii la ane bena bɛlbwa, dɛ́ ka kpoora dɛ́ dia Korowii sie.

Mmarare 16:1

Mosis berɔ ŋɔ, “Hɛ́ɛ di Galekaa Tɔpejen la Abib korobie la ta Korowii sɔn ta, dɛkalkɛŋɔ ɡɛ korobie la taa o lɛ heyaa le Ijipt harɛ jwaana bɛl.

Mmarare 16:3

He bɛ paanoo baa do iisi a ta la kpɔ ja Galekaa ol la ta dɛ́ di. Hé di paanoo baa wola iisi a ta doe la teŋɛ dɔŋa nɛɛ tɔpera anuanɛ, ɡɛ haa ɛa Ijipt harɛ a ba kɛ he le bela wɔrɔbe nɛɛ la. Hɛ́ɛ yerɔ wahala paanoo, ásɛ dɛ kpɔ dɛɛ lii he soɡa bini bwa tɔpere haa le Ijipt harɛ ta la.