Mmarare 16:16 - mzwDBL

¹⁶ Benanyoa bɛlbwa, a chɛ kɛŋɔ baa bɛlbwa la bela Korowii aa lea tɛ heyaa ŋɔ hɛɛ tomɔ la, dɛ́ ka tomɔ kera atoro. Paanoo Iisi Aa Wola Toole a ta Tɔpejen la ne Koo Kondikwaa Koma Tɔpejen ne Kukure Tɔpejen la ta. Nomɛlbwa bɛ nɔŋɡbayeeɡa ne bela la,

Mmarare 16:16 Iomraidhean Croise

1 Koranar 9:25

Kooro Solomɔn dɛ ɛ sarahare kera atoro bena bɛlbwa, saraha kon waa ɛa tɛ Korowii la ta. Sarahare baa dɛ fuah ne deŋnesɔɔhna sarahare bwaa o ɛ. O fuh daawiile a sɔɔh aa soma ja a ta Korowii sie. Gɛɛ a do o tonɛ Korowii Dea la doe.

2 Webena 8:13

ɡɛ Mosis aa doa ŋɔ baa ɛ sarahare tɔpere bɛlbwa, Ona Tɔpera ne Korobifala Tɔpejena. Dɛ Tɔpejena atoro ane kɛŋɔ, Paanoo Iisi Aa Wola Toole A Ta Tɔpejen, ne Koo Kondikwaa Koma Tɔpejen, dɛ Kukure Tɔpejen dii ta la.

Ɛsra 3:1

Korobie anuanɛ ta la, Israel tena bwa kaa so ba bwɛɛre ta. Asɛ ba bwa pɛ ka cheme Jerusalam,

Nehemia 8:15

dɛ ŋɔ, bá kpɔ Korowii waa la perɛ ba bwɛɛre ne Jerusalam bwa, dɛ ŋɔ, “Hé la deŋɡarere harɛ ta, dɛ́ ka teŋni dadɛɛɡa, ne ɔleve daa kpala, dɛ bambie ne daa bwa soo siwi kpala, ne a papooni, dɛ́ kpɔ ba ɛ kukure ɡɛ baa chwera do Mmara Tɔn bini la.”

Yela 122:4

Belaa Israel deene bwa ɛɛ cheme dɛɛ kpɛɛ Korowii, ɡɛ waa do ba la.

Yela 84:7

Ba dɔ bokpeɡa saŋ bɛlbwa dɛɛ la, ka tel kɛ baa na Korowii o kpeɡri aa ɡwaa voɡa bwa, Saayɔn Bwejen doa la.

Yela 84:8

Korowii Waa Ɛ Koranar Bwa Kooro, no n wesoŋa, Korowii Jekɔb aa dɛ tomɛ, no n be!

Yela 96:8

Hé kpɛɛ Korowii, dɛ́ kpɔ jirima aa chɛ o sɔn la tɛo. Hé kpɔ saraha kwaa ba tɛo o Dea.

Kaala 34:20

Kɛ dɛ keeɡo bie yaa, hé nyin pebie chiɡ o naa ta. He ta bɛl dɔe dɛ chiɡ o naa ta naa, hé ku keeɡo la baŋa. Hé charɛ bibanloɡle bɛlbwa ɡe nyu. Nomɛlbwa bɛ n sie ba nɔŋɡbala ne.

Kaala 34:24

Mɛɛ doŋi harɛre nɛra baa lɔ he siee, dɛ́ kpɔ ba harɛre ja he kon ta o berɛ do kan. Hé iro dɛɛ ba men Korowii sie kera atoro la aa, nomɛlbwa aa lii kɛŋɔ wɛɛ ba yo heyaa dɛ́ lɛ he harɛ.

Aesaya 23:18

Ba tɔnɔ baa dɔ ne ba suuɡa baa dɔa la, baa a taa tɔ. Baa kwaaraa cheɡ á ɛ Korowii kwa, ásɛ nɛra baa dɛ tomɔ la kpɔ yawɛ kondikwaa kohona dɛ́ di dɛ́ yawɛ ba bwara laaladɛɛɡa baa dɛ nyin bwa.

Aesaya 33:20

Hé nyiŋi Saayɔn, bwɛjen yaa dɛ di tɔpejena o ta la. Hɛɛ nao kɛŋɔ Jerusalam dɔ deŋnesɔɔhna ne soɡa, kɛŋɔ tɛnte dea waa cheɡɛ o buɡ ta, saŋ bɛlbwa, o daa baa kpaara do harɛ dɛ kpɔ baŋro la aa fome kpa bwa, ɡɛɛ o ɡboɡbie ɡe aa wola chaa.

Ɛsekeɛl 36:38

Baa warɔɔ kɛŋɔ peera baa teɡa dɛɛ kaa dɛ́ ka kpoo ɛ saraha Jerusalam tɔpejena dii ta ken. Bwɛjena a fa aa paɡra la, nɛra ɛɛ ba su a binii, ásɛ ba jemɛ kɛŋɔ menee Korowii.”

Lewi Dea Tena 23:34

“Korobie anuanɛ la tɔpera fi dɛ anue taa Kukure Tɔpejen dii ɛɛ pa mun. Tɔpera anuanɛɛ baa diu.

Haɡae 1:9

He soɡo dɛɛ hwɛɡɛ kɛŋɔ hɛɛ dɔ koo kwaa taeh, kɛ a berɔ ba do tamaa ken. Anɔ la haa ba a ne dem la, ń chɔɡa. Bɔkwa waa a ba ɡɛ nɔ? Gela haa ɡel n Dea o chɔ kɛŋɔ dimɡbee he sie beɡre he kwaa ta la waa.

Matiu 2:11

Ba jo dem bela, dɛ ka na bie la ne o nya Mɛɛre. Ba kaa ɡuŋi bie la, dɛ duuru dɛ pur ba bone, dɛ kpɔ suuɡaswɛm ne daawiile ane a sɔɔh aa soma baa yera fraŋkensɛns ne korobo tɛ bie la.

Amanesoma Mak Aa Chwera Tɔn 12:3

Bonɔɔ la aa laŋa la, nɛra la lawɔ dɛ lɔɔro dɛ doŋu o kaa. Ba ta on komɛlbwa tɛɛ o kaa.

Amanesoma Jɔn Aa Chwera Tɔn 7:2

Gɛ saŋ la dɛ a ka tama Juu tena Kukure Tɔpejen ba yon dɛɛ do kukure dɛɛ so a bini tɔpera anuatoro la telo bá di.

Mmarare 16:15

Hɛ́ɛ di tɔpejen nɔ tɔpera anuanɛ bela Korowii aa lea tɛ heyaa ŋɔ hé cheme dɛ́ɛ tomɔ la o sɔn ta. Hé ɡel he sie lɛ kɛŋɔ waa ɡela he kondikwaa ne he tomare do wer.

Mmarare 16:17

nomɛlbwa nyiŋi ɡɛ Korowii aa swee andɛɛɡa tɛo o dɔ la ta dɛ́ tɛ.”

Mmarare 31:11

ɡɛ saŋ Israel tena nɔ bwa aa ba cheme bela Korowii aa lea tɛɛ ba ŋɔ baa tomɔ la.

1 Samoɛl 1:3

Bena bɛlbwaa Ɛlkana yon le o bwɛɛ Rama kaa bwɛjen Silo, dɛ́ ka tomɛ Korowii Waa Ɛ Koranar Bwa Kooro dɛ kpoo kwaa ɛ saraha tɛo. Dɛ Eli ɛ sɔfo, dɛ dɔ bibaala banɛ bane ba ɡe aa ɛ sɔfore. Bɛl sɔne Hofni nɛɛte ɡe Fenehas.

1 Samoɛl 6:3

Anee ba chaŋe ŋɔ, “Hé kpɔ Korowii Israel tena aa dɛ tomɔ, Ne Nɛwɛnyina Fɔo Daka la berɛ dɛɛ kaa o buɡ ta tenaa, he bɛ o ne kaa pɛɛpɛɛ. Hé kpɔ bolchɔɡe dii saraha kwaa ja ka tɛ Korowii. Anee dɛɛ ba ɡela he dɔ chaeh, ásɛ he jemɛ he deŋnetɛra mun.”