Mmarare 16:11 - mzwDBL

¹¹ Hé ne he bii, ne he bonɔɔna, ne toli ne Lewi dea tena, ne hɔɔhra ne bilalbii, dɛ luhaahna baa lɔ he bwɛɛre la ta bwa pɛ, dɛ́ lɛ sie bela Korowii aa lea tɛ heyaa ŋɔ hɛɛ tomɔ la.

Mmarare 16:11 Iomraidhean Croise

Kaala 20:24

Hé kpɔ teera ma saraha kon haa lawɛ peera ne boohna ne nae dɛ́ fuah dɛɛ tɛ mɛ o ta, ásɛ dɛ berɛ ɛ deŋnesɔɔhna saraha ɡe tɛ mɛ o ta. Bela maa le tɛ heyaa ŋɔ hɛɛ tom mɛ la, mɛɛ ba he be belaa dɛ́ ba swee heyaa andɛɛɡa.

Aesaya 64:5

He dɛ lɛ banɔ la baa kpɔ silɛɛ ɛ waa aa toɡra, ne ɡɛ haa dɛ nyin kɛŋɔ baa ɛ. He bandia kohona habɔɔ, ya ta teŋɔ dɛɛ ɛ wechɔɡa le saŋ la bwa.

Joel 1:16

Ya kondikwaare dɛ chɔɡ yaa wola won ɛ wobɛlbwa, silɛɛ bɛlbwa toole Korowii Dea kpa.

Habakuk 3:18

Korowii nomanta, mɛɛ hɛɡroo, n sie lɛ Korowii waa ɛ n Lɛɛ la nɛ.

Tɔn Pɔɔl Aa Chwerɛ Rom Tena 5:11

A ɡbo laa. Ya sie lɛ Korowii nɛɛ kohona ya Dɔɔ Yeesu Kristo nomanta. O nɛɛ a che ya ne Korowii pɛ.

2 Kɔrent 1:24

Kpeɡri laa yaa baɡle heyaa he Korowii yaradae ta. Yaa ɡɛ lii kwaraa. Ya jemɔ kɛ he cheɡɔ kiŋkiŋ he yarada ta. Ya dɛ nyin kɛ ya cha heyaa ásɛ he sie lɛ.

Mmarare 12:12

Belaa he ne he bibaala ne bihaahna ne bonɔɔna, dɛ he toli sie ɛɛ ba lɛɛ Korowii haa dɛ tomɔ nɔ sie, ne Lewi dea tena baa soɡe he bwɛɛre ta ba ɡbaɡba aa wola harɛ dɔe la.

Mmarare 12:18

He ne he bibaala ne bihaahna ne bonɔɔna ne toli, dɛ Lewi dea tena baa lɔ he bwɛɛre ta bwa chɛ kɛŋɔ hɛ́ɛ di a ɡɛ saraha kwaa nɔ Korowii haa dɛ tomɔ sie, bobeŋkpoŋ waa le tɛ heyaa la, dɛ́ ɡel he sie lɛ wobɛlbwa haa ɛa ta.

Mmarare 12:5

Korowii haa dɛ tomɔ nɔɔ dɛɛ ba he deene la bwa baɡla harɛ la ta, bela waa dɛ nyin kɛŋɔ he bwa kaa cheme dɛɛ tomɔ.

Mmarare 12:7

Korowii sie belaa he ne he dem tena ɛɛ ba kwaa dii, dɛ́ɛ lɛ sie toma haa dɛ tomɔ nɔ wa.

Mmarare 14:29

Lewi dea tena la ta harɛ dɔe dɛ́ di o ta, anomanta, ɡɛ kondikwaa la ɛ ba ne hɔɔhra ne bilalbii ne luhaahna baa lɔ he baah ta la kwa. Anee ba ɡee ba dii dɛ vaɡɛ, ásɛ Korowii haa dɛ tomɔ nɔ swee heyaa andɛɛɡa he toma haa dɛ ɛa ta.”

Mmarare 16:10

Ásɛ dɛ di Koo Kondikwaa Koma Tɔpejen Korowii haa dɛ tomɔ nɔ sɔn ta. Hé kpɔ kwaa he bambile aa lawa ba ɛ saraha tɛ Korowii. Andɛɛɡa waa ɡela he dɔ la taa chɛ kɛŋɔ hé nyiŋi dɛ́ ba kwaa la ne.

Mmarare 16:14

Hé ne he bii, ne he bonɔɔna ne toli, dɛ Lewi dea tena ne hɔɔhra, ne bilalbii, dɛ luhaahna baa lɔ he bwɛɛre la ta bwa pɛ, dɛ́ di lɛ he sie.

Mmarare 26:11

Ásɛ he ne Lewi dea tena ne hɔɔhra baa lɔ he baah la sie lɛ kondɛɛɡa Korowii haa dɛ tomɔ nɔ aa kpɔa tɛ he ne he dem tena la wa.

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.