Mmarare 16:10 - mzwDBL

¹⁰ Ásɛ dɛ di Koo Kondikwaa Koma Tɔpejen Korowii haa dɛ tomɔ nɔ sɔn ta. Hé kpɔ kwaa he bambile aa lawa ba ɛ saraha tɛ Korowii. Andɛɛɡa waa ɡela he dɔ la taa chɛ kɛŋɔ hé nyiŋi dɛ́ ba kwaa la ne.

Mmarare 16:10 Iomraidhean Croise

1 Webena 29:14

Menee ume, n ne n nɛra nɔ bwa, kɛŋɔ ya ɡe won dɔ kwaa nɔ bwa dɔŋa ŋɔ ya kpɔɔ dɛɛ kɛɛ nɔ? Anɔ bwa yaa dɔa le he be laanee ya berɛ kpɔ baa tɛɛ la.

2 Webena 31:14

Lewi dea te Imna bibaa Koree ba le wɛɛ nyiŋi Korowii Dea wee leebɔr doonyoa la ta, dɛ chɔ sarahare koŋkɛɛla aa le nɛra bambile ta ba kpɔ baa tɛ Korowii ne a bɔna nyoa.

Kaala 35:29

Israel tena haahna ne baala bwaa le ba bambile ta dɛ kpɔ saraha kwaa ba cha Korowii toma ɡɛ waa cheɡɛ Mosis nɛɛ dɛ bol ba be la.

Sɛɡla 10:22

Korowii swee andɛɛɡa tɛɛ naa, a dɛ ba kondɔɔh ne, wenaale bɛlbwa aa a ta ja.

Joel 2:14

O ken ɛɛ na ya sumii dɛ́ charɛ o liire, dɛ́ swee yaa andɛɛɡa, ásɛ ya dɔ mea ne sen kohona dɛ́ kpɔ ba ɛ sarahare tɛo.

Lewi Dea Tena 12:8

Dɛ haah la aa won dɔ pebie aa, ó nyin borɔnomare anɛ kɛɛ kulukukure anɛ dɛ́ kpɔ bɛl ɛ saraha baa fuh tɛ mɛ, dɛ́ berɛ kpɔ onɔ la ɡe ɛ wechɔɡa kpɔe dɛ kɛ saraha. Gɛɛ sɔfo la ɛɛ ba ɛɛ dɛ́ soŋe naate wechɔɡa n be, ásɛ o doŋa bwa le o nɛ.”

Lewi Dea Tena 23:15

Hé kure yawanyoa anuanɛ dɛ́ le awola sɔfore la aa ka kpɔ mea vɔwa del ba ɡɔɔra nyundua dɛ́ viiɡa ɛ saraha tɛ mɛ la ta.

Lewi Dea Tena 25:26

Naate la ta lole bɛlbwa dɔe o yawɛ kon la dɛ berɛ ba dɔ suuɡa aa, ó kpɔ kon la ɛ o ɡbabir kon.

Lewi Dea Tena 5:7

Dɛ waa pee laanee dɔ aa, ó nyin kulukuku bii anɛ kɛɛ borɔnoma bii anɛ, dɛ́ kpɔ ba ɛ saraha bɔ o wechɔɡa la kem. Beŋkpoŋ che tɛ wechɔɡa kpɔe dɛ kɛ saraha, ásɛ beŋkpoŋ ɡe che tɛ saraha baa fuah dɛɛ tɛ mɛ la.

Nɛra Kura 28:26

Awola haa kpɔ mefala dɛɛ ba dɛ́ ba tɛ Korowii la, a ɡɛ Koo Kondikwaa Koma Tɔpejen la dii ta, hé cheme dɛ́ tomɛ Korowii dɛ bɛ toma bɛlbwa ɛ.

Nɛra Kura 31:28

Banɔ la baa kaa yo kwaa baa dɔa la, hé lɛa ba be cheɡ tɛ men Korowii. Hale nɛra kɛɛ nae kɛɛ keeɡore kɛɛ peera kɛɛ boohna oo, lafraanue bɛlbwa la hé lɛ bɔrbeŋkpoŋ.

Nɛra Kura 31:37

asɛ Korowii kwaa lɔ peera lafraanumɛl fifraanuanɛ dɛ anue.

1 Kɔrent 16:2

Kwasiara bɛlbwa, hé bini bɛlbwa ɛɛ kpɔ suuɡa, ɡɛ bɛlbwa waa wona dɛ le anɔ la Korowii aa chao o dɔ la ta, dɛ́ kpɔ cheɡ. Hɛ́ɛ ɛ ɡɛ, ásɛ n balaa, he bɛ suuɡa dɛɛ ta kpa.

2 Kɔrent 8:10

Gɛ n te aa naa kɛŋɔ hé den tonɛ waa haa pa a mun bena ken la. Heyaa tɔ sie dɛ baɡle kɛŋɔ he dɛ nyin nɛra chae.

2 Kɔrent 8:12

Dɛ he bambile lawɔ kɛ hɛɛ tɛ suuɡaa yaa, ɡɛ bwa haa dɔa dɛ tɛ la, aa su Korowii siwii. Waa ŋɔ hé tɛ ɡwaa ɡɛ haa dɔa.

Mmarare 16:11

Hé ne he bii, ne he bonɔɔna, ne toli ne Lewi dea tena, ne hɔɔhra ne bilalbii, dɛ luhaahna baa lɔ he bwɛɛre la ta bwa pɛ, dɛ́ lɛ sie bela Korowii aa lea tɛ heyaa ŋɔ hɛɛ tomɔ la.

Mmarare 16:9

Mosis berɛ ŋɔ, “Hé kure yawanyoa anuanɛ le awola tɔpere haa pa mun komɛ mea la.