Mmarare 15:6 - mzwDBL

⁶ Korowii haa dɛ tomɔ nɔ ɛɛ swee heyaa andɛɛɡaa, ɡɛ waa baɡɛ heyaa nyoa la. Harɛre nɛra ɛɛ baa kemɛ suuɡa he bee, kɛ he te aa ba bee la ka kemɛ bwa. Gɛ ɡee hɛɛ ba kpeɡri dii harɛre ɡalɡa nɛra nɛ, harɛ bɛlbwa nɛra te aa won di kpeɡri he nɛɛ bwa.

Mmarare 15:6 Iomraidhean Croise

1 Koranar 4:21

Kooro Solomɔn harɛ waa di kora o ta la le Yufretis Moo ta, dɛ kaa Filisti tena harɛ, dɛ ka le Ijipt harɛ jwɛh ta. Dɛ ɡɛ harɛre la bwa nɛra kpɔ harɛ la ta kwaa baa tɛo, dɛ kpɔ ba te do o lɔɡa ɡɛ saŋ waa di kora bwa.

1 Koranar 4:24

Yufretis Moo wee cholibɔr harɛ bwa taa Solomɔn di kora. Le Tifsa teŋe kaa wee cholibɔr ka tel Bwɛjen Gasa, dɛ deŋnesɔɔhna lɔ harɛ la bwa ta.

1 Webena 17:27

N dɛ soŋe kɛ he swee n naanar andɛɛɡa, ásɛ baa di he laworomɛ saŋ bɛlbwa. Hen N Naa Korowiirii sweera tɛ n naanar a do le saŋ bɛlbwa dɛɛ la.”

2 Webena 9:26

Dɛ onee nomoa koranar baa le Yufretis Moo ta kaa Filisti tena harɛ ta, dɛ ba le Ijipt harɛ jwɛh ta bwa nɛ.

Ɛsra 4:20

Koranar baa kpeɡa Jerusalam di kora dɛ nyiŋi harɛ waa chɔ Yufretis Moo wee cholibɔr baŋ le bwa ta, dɛ ɡel ba bɔ toɔre dɛ lɛ harɛ la kwaa baa tɛɛ ba.

Nehemia 9:27

Anomanta, he ɡelɔ ba dɔma yoo ba, dɛ pɔ ba nɛɛ dɛ fiɡ ba. Kɛ ba wenaale ta la, ba wio noe asɛ he no le nyundua dɛ cha ba. He cheɡɛ tedoma haa dɔa kohona ta dɛ le nomonome tɛɛ ba, ba ba lɛɛ ba le ba dɔma nɔn ta.

Yela 112:5

Nomɛlbwa waa ta tea dɛɛ kemɛ o bala suuɡa dɛɛ di kasinteŋ o toma ta la, o na som.

Yela 37:21

Nyubinikpeɡ tena kemɛ kon aa, ba dɛ vɛh bɔe, kɛ nɛra ba wa aa toɡra te aa nɛra kwaa tɛɛ ɡel bwa.

Yela 37:26

Ba won kwaa kɛɛ, dɛɛ kemɛ ba bala ja, ba bii ɛɛ dɔ andɛɛɡa.

Sɛɡla 22:7

Gɛ suuɡate aa dɛ di kpeɡri nyaa nɛɛ la, ɡɛɛ nɛn waa di kem la ɛ nɛn waa kemɔ suuɡa la bonɔɔ.

Amanesoma Luk Aa Chwera Tɔn 6:35

Hɛ́ɛ nyin he dɔma wa, dɛ́ ɛ wedɛɛɡa dɛɛ tɛɛ ba. He dɛ kemɛ nɛra kwa aa, he bɛ a lɛɛ waa dɛɛ lii. Dɛ he dɛ ɛ ɡɛ naa, anee hɛɛ ba kembɔr dɔe kohona dɛ́ ɛ he Mɛɛ Nemenɛ Korowii la bii. O te dɛ nyiŋi wechɔɡ-ɛɛra ne boniayɛ tena bwa.

Mmarare 15:5

Dɛ hɛɛ no Korowii deŋna waa kɛrɛdɛ dɛ́ teŋɛ ɡɛ waa nɔ maa kpɔa dɛɛ tɛ heyaa fini nɔ ta tenaa.

Mmarare 28:44

Baa dɔ suuɡaa ásɛ he kaa kemɛ, kɛ he te aa anee dɔ dɛ kem ba bwa, ba den ɛ he nomonome dɛɛ nyiŋi he nɛ.