Mmarare 15:10 - mzwDBL

¹⁰ Bɛ on nyubinikpeɡ ɛ, ta tea dɛ́ kpɔ tɛo pɛɛpɛɛ, ásɛ Korowii ɡel he dɔ andɛɛɡa wobɛlbwa haa dɛ ɛ ta.

Mmarare 15:10 Iomraidhean Croise

Sɛɡla 22:9

Nɛn waa dɔ tesom dɛɛ tɛ nyaara kondikwa la, Korowii ɡelɔ wɛɛ na som.

Wejereme 11:1

Kpɔ he paanoo ta nee sie, tɔpera ane habɔɔ la, wɛɛ berɔ ba he be.

Aesaya 32:8

Nɛn waa dɔ jirima te, o dɛ maɡle waa aa dɔ jirima dɛ́ ɛ, ásɛ a che a ta wɛɛ do kɛrɛdɛ.

Aesaya 58:10

dɛ tɛ nɛn waa chɔ lɔr kondikwa, dɛ tɛ nɛn waa dɛ na wahala o konnyini aa, ate, biro ɛɛ berɛ bochaahnee tɛ heya.

Matiu 25:40

Ásɛ n ŋɔ ba be ŋɔ, ‘Kasinteŋ, ɡɛ haa cha n nimanar baa ɛ nɛŋɡwɛɡra waa nɔ dɔŋa puu ba la, menee he cha la.’

We-ɛɛla 20:35

N cheɡɛ n we-ɛɛla ta dɛ baɡle heyaa kɛŋɔ a chɛ kɛ ya swɛɛ siwi ɛ toma ken, ásɛ dɛ won dɛɛ cha nɛra baa wola kpeɡe la. A chɛ kɛ yaa lii waa ya Dɔɔ Yeesu ɡbaɡba aa bola ŋɔ, ‘Nɛn waa dɛ kɛ nɛra kwaa la, o dɛ na som o bwara ɛɛ sɔɔhno, dɛ ɡwaa nɛn baa dɛ kɛo kwaa’ la.”

Tɔn Pɔɔl Aa Chwerɛ Rom Tena 12:8

Dɛ nɛra ɡbemba doe kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ dɔŋa kwaa kɛɛ kpeɡrii o tɛɛ naa, a chɛ kɛ hɛɛ ɛa bambile bwa ne. Dɛ waa sie tɔe kpeɡrii o tɛɛ naa, a chɛ kɛ hɛɛ ɛa tea bwa ne. Dɛ wedɛɛɡa ɛɛ kpeɡrii o tɛɛ naa, a chɛ kɛ hɛɛ ɛa tepoŋ ne.

Mmarare 14:19

Koŋɡaahla aa dɛ ɡah te bɛlbwa aa were, he bɛ an di.

Mmarare 14:29

Lewi dea tena la ta harɛ dɔe dɛ́ di o ta, anomanta, ɡɛ kondikwaa la ɛ ba ne hɔɔhra ne bilalbii ne luhaahna baa lɔ he baah ta la kwa. Anee ba ɡee ba dii dɛ vaɡɛ, ásɛ Korowii haa dɛ tomɔ nɔ swee heyaa andɛɛɡa he toma haa dɛ ɛa ta.”

Mmarare 15:18

Bɛ ɡel á do kpeɡri tɛ heyaa kɛ haa dɛ ta he yoma ŋwɛnɛ ba kpɔ ba te kaa. Dɛkalkɛŋɔ ba toma baa ɛa tɛ heyaa bene anumɛl la do kɛŋɔ paa tena banɛ toma. Korowii haa dɛ tomɔ nɔ ɛɛ swee andɛɛɡaa tɛ heyaa he wobɛlbwa haa dɛ ɛ la ta.”

Mmarare 15:4

Korowii haa dɛ tomɔ nɔ ɛɛ swee heyaa andɛɛɡa kohonaa, he bini bɛlbwa aa wola nya bwa, harɛ waa kpɔa dɛɛ tɛ heyaa la ta.

Mmarare 23:20

He dɔ ŋwɛnɛ kɛ he lɛ hɔɔh te kon haa kpɔa kemɔ la ne. Kɛ he dɔŋ Israel tee yaa, ŋwɛnɛ toole kɛ he lɛ, ásɛ Korowii haa dɛ tomɔ nɔ sweere andɛɛɡa komɛlbwa haa ɛ harɛ haa dɛ la ka so o ta la ta.

Mmarare 24:19

Dɛ he komɛ koo kondikwa dɛ soh ane waa bela aa, he bɛ ka kpɔ kpa. Hé ɡela tɛ nɛŋhɔɔhra ne bilalbii ne luhaahna, ásɛ Korowii haa dɛ tomɔ nɔ swee heyaa andɛɛɡa wobɛlbwa haa dɛ ɛ ta.

Mmarare 28:8

Korowii haa dɛ tomɔ nɔ ɛɛ cha heyaa he toma taa, ásɛ he dɔndɔŋre su mea. Wɛɛ cha heyaa harɛ waa kpɔa dɛɛ tɛ heyaa nɔ taa.

Hibru 13:16

He bɛ dɔŋa wedɛɛɡa ɛɛ ne dɔŋa chae waa soh, dɛkalkɛŋɔ a ɡɛ waa nɔ ɛ saraha a waa aa dɛ lɛ Korowii sie.

1 Pita 4:11

Nomɛlbwa Korowii aa chao o won dɛɛ bol o Waa la, wɛ́ɛ bola dɛ jemɛ kɛŋɔ Korowii Waa wɛɛ bol la. Nomɛlbwa Korowii aa chao o won dɛɛ tomɛ o dɔŋ la, wɛ́ɛ tomɔ bokpeɡa Korowii aa tɛo bwa ne, ásɛ wobɛlbwa ta la, Korowii che Yeesu Kristo nɛɛ dɛ́ dɔ sɔn. On chɛ kpeɡri ne jirima aa wola jaɡa dɔe bwa. Aamen.