Mmarare 15:1 - mzwDBL

¹ Mosis berɔ ŋɔ, “Bene anuanɛ bɛlbwa chemaa, nomɛlbwa waa di he kem la, ɡel kɛo.

Mmarare 15:1 Iomraidhean Croise

Nehemia 10:31

Dɛ nɛŋhɔɔhra baa soɡa bar yaa yoɡ mea kɛɛ komɛlbwa tɛ yaa Ona Tɔpere kɛɛ tɔpere waa do ɡoroŋ bɛlbwa ta naa, yaa yawɛ. Bene anuanɛ bɛlbwa ta la, yaa ɡel ya harɛre ta paraa, dɛ́ kpɔ kema nɛra aa di yaa ɡe kɛ.

Kaala 21:2

He bɛlbwa yawɛ Hibru te aa, bene anumɛlee chɛ kɛ ó tomɛ. Bennuanɛ te la chɛ kɛ ó dɔ o te. O ta komɛlbwa bɔe dɔe.

Jeremia 34:14

bene anuanɛ bɛlbwa ta la, Hibru te bɛlbwa waa tomɛ o dɔɔ bene anumɛl la, a chɛ kɛ bá ɡelo ó di o nyu. Kɛ ane a bwa, he naawa ta deŋne cheɡɛ dɛ no n be.

Mmarare 15:2

Kenii chɛ kɛŋɔ he ɛ. Nomɛlbwa o dɔŋ Israel te aa kemɛ suuɡa o be la, a chɛ kɛŋɔ ó ɡel á ta. O bɛ suuɡa la lɛ kpa bwa. Korowii ɡbabirii tɛ ɡɛ ŋwɛnɛ la.

Mmarare 15:9

Dɛ benanyoa nɛn aa di he kem he ɡel a ta la dɛ tel, asɛ nomɛl ba dɛ ba kemɛ suuɡa he be naa, bɛ koh kɛŋɔ ɡɛ tɔpere la dɛ tel dɛ́ vɔmɔ. Bɛ ɡel ɡɛ liichɔɡa nɔ ba he nyu bini, ásɛ o bɛ ba wi no Korowii ta he nɛ, á ba ɛ wechɔɡa tɛɛ.

Mmarare 31:10

Mosis do ba ŋɔ, “Bene anuanɛ bɛlbwa ɡɛ he yon kpɔ nɛra baa di kema dɛɛ kɛ ba la, dɛ a telo hɛɛ ba he tɔpejen haa dɛ yerɔ Kukure Tɔpejen la dii yaa, hé kuro a le baŋ kohona a ɡɛ tɔpere la ta,