Ba dɛ la bwebɔɔne bini ne lala huɡribɔr, dɛ ka yerɛ lala jwaana, dɛ́ ka so ŋwama ta dɛɛ were. Ba dɛ chwe parakoo ola, dɛɛ di dɛɛ nyɔ ola baa kpoora tɛ voɡa dɔr, ne kwaa maa kia.
Korowii ŋɔ, “Saŋ telo kɛŋɔ n kpoo banɔ la baa laa doŋa kpɔ ba nɛɛ dɛɛ la voɡa ta daa mune, ne banɔ la baa dɛ chwe parakoo ne mari, dɛ kondikwaa bwa soo siwi maa kia la.
Gɛ nɛra la dɛ ɛ waa aa too ba tea. Ba kpo nao ɛ saraha tɛ mɛ naa, a do kɛŋɔ baa kpo nɛn ken, a do kɛŋɔ baa kpo nyoate. Gɛɛ nomɛlbwa waa ɛ mea saraha la, a do kɛŋɔ parakoo chal, bɛlbwa fuh daawiile ɡe aa, a do kɛŋɔ waa dɛ tu voɡa. Kwaa maa kia la taa ba sie ɛɛ lɛ.
Dɛ nomɛlbwa berɔ leɡe ol waa wola chɛɛ kɛŋɔ ba diu lale, dɛ kpɔɡ bini ol kɛɛ dem kon, ne anɔ la aa dɛ tuuɡi tea ta ne anɔ la aa dɛ huuh bɛlbwa dɛ o ta nae yaa, o kah doŋa dɛ di bolchɔɡe.
Ola a nafikoko baah aa wola pere kɛɛ aa wola uɡe dɛɛ chwe la te, hɛ́ɛ berɛ a dii. Anomanta, hɛ́ɛ berɛ nyoɡma, ne chooma ne aah di. A lole kɛŋɔ a uɡo dɛɛ chwe te, kɛ a nafikoko baah ta pere, aa were ne dii.
Ba waa nɔ ɡelɔ sɛɡla baa sɛɡla Korowii Tɔn bini la ɛ kasinteŋ. Ba sɛɡlɔ ŋɔ, “Nyoate uɡaa, ɡɛɛ o berɛ dia,” dɛ sɛɡle ŋɔ, “He sɔ parakoo ne aa, wɛɛ berɔɔ ka ɡbili o kpechɛɡre ta.”