Kpɔ ola bwa soo siwi maa wola an kie bele anuanɛ, a bini bɛlbwa onnee ne bal kaa daka la bini, ásɛ ola bwa soo siwi maa kia ɡe bɛlbwa beŋkpoŋ, onnee ne ombal.
Ba dɛ la bwebɔɔne bini ne lala huɡribɔr, dɛ ka yerɛ lala jwaana, dɛ́ ka so ŋwama ta dɛɛ were. Ba dɛ chwe parakoo ola, dɛɛ di dɛɛ nyɔ ola baa kpoora tɛ voɡa dɔr, ne kwaa maa kia.
Asɛ men Ɛsekeɛl ŋɔ, “Akai Nemenɛ Korowii, le n bechale saŋ ba le fini, n ta konlale kɛɛ kon olchɔɡa aa kpoo kpɔe leɡe n nyoa bwa. Kondikwaa aa ɛ kii kwaa ta n nyoa joɛ bwa.”
Anomanta, hé pere ola ne jumbii aa wera dɛ chɛ kɛ he dia le anɔ la aa wola were ne dii ta. He bɛ ol bɛlbwa kɛɛ jumbie kɛɛ anɔ la aa dɛ tuuɡi tea ta, ne anɔ la aa dɛ huuh harɛ nɔ ta n lea cheɡ ŋɔ aa were ne dii la ba di dɛ́ kah doŋa.
Pɛɛ n ne n Dɔɔ Yeesu aa pɛa nɔ ɡelɔ n jemɛ kaih kɛŋɔ, kondikwaa bɛlbwa toole dɛ ɛ kondikondoŋa. Kɛ dɛ nomɛl lii o nyu bini kɛŋɔ kondikwaa ane ɛ kondikondoŋa aa, dɛ a ɛ doŋa dɛ tɛo.
Kɛ dɛ nomɛl ŋɔ he be ŋɔ voɡee ba kwaa, a kondikwaa yaa, naate waa baɡle ɡɛ waa nɔ ŋɔ he bɛ di la nyu bini liire nomanta, bɛ di, ásɛ o bɛ ba lii kɛŋɔ he ɛ wechɔɡa.
He tea too waa, komɛlbwa wer tɛɛ, haa an kondoŋa lii. Kɛ nɛra wechɔɡa aa lɔ ba nɛɛ baa wola yarada la, komɛlbwa ɛ kondoŋ tɛɛ ba. Ba liire ne ba bambile bwa doŋo.
