Mmarare 13:6 - mzwDBL

⁶ He bini bɛlbwa dɔɔ kɛɛ o nime pɔrɔdɔ, kɛɛ o bibaa kɛɛ bihaah, hale o haah kwara kɛɛ o dansom lɔɡɔ ŋɔ, ó berɛ ka tomɛ voɡa he ne he naawa aa wola an tomɛ bwa,

Mmarare 13:6 Iomraidhean Croise

Mumpar 16:5

Anee Sarai ŋɔ Abram be ŋɔ, “Henee ɡela Heeɡa dɛɛ ɛɛ mɛ la. Menee lawɛ n tolo tɛɛ, kɛ taraken waa bera jemɛ kɛŋɔ o kpoŋe tea la, o siwi aa men tɔɡɛ kpa. Korowiirii dɛ́ baɡle n ne hen naate waa ɛ wechɔɡa.”

2 Samoɛl 1:26

N wio dɛɛ tɛɛ, n nime Jonatan, dɛ n fa dɛ nyin he waa taeh. He nyina he fa aa dɔa tɛ mɛ dɔ nyokpoa, a ɡwaa ɡɛ haah naa dɛ nyin o bii kɛɛ o jaa kwara.

1 Koranar 18:40

Elaeja do nɛra la ŋɔ, “Hé lawɛ Baal voɡ tena la, he bɛ ɡel bɛlbwa dɔ bɔr chwa!” Ba lawɛ ba bwa asɛ Elaeja ɡel ba kpɔ ba kaa Kesɔn Fɛlembɔjen bini ka kpoo ba.

2 Koranar 11:18

Harɛ la ta nɛra bwa la voɡ Baal dea, dɛ ka paɡre kwaa baa kpoo kwaa a ta dɛ ɛ saraha dɛɛ tɛo, ne voɡare aa lɔ dea la bini bwa kwaraa. Dɛ lawɛ o kerekpoŋri baa dɛ yerɔ Matan, dɛ kpoo kon baa dɛ ɛ saraha o ta la sie. Asɛ sɔfo Jehoiada ɡel nɛra baa dɛ daah la ka che dɛɛ daah Korowii Dea la.

2 Webena 15:13

Nomɛlbwa, bechala kɛɛ nomoa, haah kɛɛ baa waa wola Korowii Israel tena aa dɛ tomɛ la nɛɛ teŋɛ la, a chɛ kɛ bá kpoo.

2 Webena 23:17

Ate, harɛ la ta nɛra bwa la voɡ Baal dea, dɛ ka paɡre kwaa baa kpoo kwaa a ta dɛ ɛ saraha dɛɛ tɛo, ne voɡare aa lɔ dea la bini bwa, dɛ paɡre o dea la bwa ɡe kwaraa. Dɛ lawɛ o kerekpoŋri baa dɛ yerɔ Matan, dɛ kpoo kwaa ba fa aa dɛ ɛ sarahare o ta la sie.

Job Tɔn 31:27

a ta wone ɡel n liire berɛ kɛ n sɔh dɛ́ toma, n ta ɡuŋe dɛ kpɔ duure tɛa aa,

Kaala 13:3

Belaa Mosis ŋɔ nɛra la be ŋɔ, “Hɛ́ɛ lii a ɡɛ tɔpere nɔ haa kpɔa le Ijipt harɛ he fa aa dɛ di somanjiri o ta la, dɛkalkɛ Korowii kpeɡri ne o bokpeɡaa o kpɔ lɛ heya. He bɛ paanoo iisi aa lɔ o ta di.

Kaala 32:27

Asɛ o ŋɔ ba be ŋɔ Korowii Israel tena aa dɛ tomɔ la ŋɔ, “He bini bɛlbwa kpɔ tokobi sɛɡle o te, ásɛ dɛ valɛ bela haa soɡa la, dɛ́ la tia ba tia dɛɛ kpoo he nimanar ne dɔɔranar ne daamanar dɛ he dɔŋa.”

Sɛɡla 18:24

Chamene tena kpɔe kohona dɛ chɔɡe, kɛ damsom bɛl ɡwaa lole.

Sɛɡla 5:20

N bie, bɔkwaa ɡela he berɛ kpɔ he te tɛ hanfale bɛl jaɔ? Bɔkwaa ɡela hɛɛ sewɛ he dɔŋ bɛl haah nɛɛ jaɔ?

Jeremia 28:15

Belaa men Jeremia ŋɔ Hanania be ŋɔ, “Dɛɛ no, Hanania! Korowii laa tomɛ, asɛ he teŋe nyosone dɛɛ baɡle nɛra nɔ ba ɡe ɛɛ yarada la.

Jeremia 28:16

Anomanta, Korowii dɛ ba he kpoe le harɛ nɔ ta. Benanyoa ne chema dɛ he sewɔ, dɛkalkɛ he ɡelɔ nɛra nɔ berɛ habɔɔ kpoo. Gɛɛ Korowii ŋɔ.”

Jeremia 44:3

dɛkalkɛ nɛra baa lɔ a ta ɛɛ mɛ wechɔɡa dɛ ɡel n baah di. Ba ɛ sarahare tɛ voɡare ane dɛɛ toma, voɡare ba ɡbabir kɛɛ hen kɛɛ he naawa aa wola an tomɛ.

Sekaria 13:3

Dɛ nomɛl dɛ teŋe nyosone ŋɔ waane ɛɛ chiɡuu kerekere aa, naate nya ne o mɛɛ ŋɔ o be ŋɔ, ‘A chɛ kɛŋɔ hé sewɛ, dɛkalkɛ he teŋe nyosone Korowii sɔn ta.’ O ta teŋɔ dɛɛ bol aa, o nya ne o mɛɛ ɡbaɡba tɔɡɔ kere kpo.

2 Kɔrent 5:16

Anomanta, fini habɔɔ, yaa nɛra nyiŋi ɡɛ nɛwɛnyina aa dɛ nyiŋ ba la. Ya fa dɛ nyiŋi Yeesu Kristo ɡba ɡɛ, kɛ yaa on ɡɛ nyiŋi kpa.

Galaasia 2:4

Dɛ nɛra la bane tea bini laa ɡɛ baa ɡel Taetos la. Dɛ a ɡɛ nɛra nɔ dɛ ɛ ba te kɛŋɔ asɔre tenaa ban ken dɛ sɔh jo ya bini, dɛ baa nyiŋi dɛ́ jemɛ ya asɔre tena dɔe yaa dɔ ya te Mosis Mmara aa wola yaa vɔrɔwe la bini, dɛkalkɛŋɔ Yeesu Kristo toma nomanta, ya ne o ɛ beŋkpoŋ. Dɛ ba dɛ nyin ba hɛ yaa yá berɛ dɛɛ ɛ waa yaa vɛah la.

Ɛfesos 4:14

A taa aa ba cheɡa nɛra aa wola won neɡre yaa kɛŋɔ bechale. Dɛ ya ta kpeɡe kɛrɛdɛ o nɛɛ teŋa ta naa, bane ɛɛ ba baɡle yaa waa aa koraa, ya den sɛh warane dɛɛ tɛɛ ba kɛŋɔ peu yon ɡɔɔ kon ir nyundua dɛ kpɔ ka ta bobɛlbwa la. Nɛra bane won ba liire kpɔe dɛ́ teŋe nyosone á do kɛŋɔ kpelaa ken, dɛ́ won neɡre nɛra.

Mmarare 11:32

hé nyiŋi kɛrɛdɛ dɛɛ teŋɛ mmarare la bwa maa kpɔa dɛɛ tɛ heyaa fini nɔ ta.”

Mmarare 13:2

asɛ waa waa bola la ɛ kpela, asɛ o ŋɔ he be ŋɔ, ‘Hé ɡel ya tomɛ voɡfala’ aa,

Mmarare 13:7

nɛra baa bar heyaa nɔ voɡa oo, hale banɔ nɔ baa bɛne heyaa kɛɛ bojaŋa tena voɡa oo,

Mmarare 17:12

Dɛ nomɛl baah suu o ta waa nɛn waa dɛ pa bole kɛɛ sɔfo waa cheɡɛ Korowii haa dɛ tomɔ la naa ta waa ta teŋaa, kpoe chɛ kɛŋɔ bá kpoo. Gɛ ŋwɛnɛ nɔ taa hɛɛ ba cheɡa, dɛ́ le ɡɛ wechɔɡa la ne Israel harɛ ta.

Mmarare 18:20

Dɛ keame bɛl ɡe baah suu ŋɔ wɛɛ che n sɔn taa dɛ́ bol waa maa wola on a ta doe, kɛɛ keame waa che voɡ bɛlbwa sɔn ta, dɛ́ bol waane la chɛ kɛŋɔ bá kpoo.’

Mmarare 19:19

ate hé ɛ dansewea te la ɡɛ o fe aa dɛ nyin kɛ ba ɛ o dɔŋ la, ásɛ dɛ laa wechɔɡa la kpɔ le he bini.

Mmarare 21:21

Ásɛ bwɛɛ la baala foɡro bwea kpo, dɛ́ le ɡɛ wechɔɡa la le he bini. Ásɛ Israel tena bwa no dɛ́ ɔmɛ.”

Mmarare 22:21

ate bá lawɛ haah la ka so o mɛɛ dem doonyoa, ásɛ o bwɛɛ baala foɡro bwea kpo, dɛ́ le ɡɛ wechɔɡa la ne Israel harɛ ta. O ɛ sihihwa kɛŋɔ waa soɡe o mɛɛ dem dɛ bɔ jwamane la.

Mmarare 24:7

Nomɛlbwa waa lawɛ o dɔŋ bokpeɡa ne, dɛ ɛo o yom kɛɛ dɛ yoɡu he na la, o chɛ kɛŋɔ hé kpoo, ásɛ ɡɛ wechɔɡa la le Israel harɛ ta.

Mmarare 28:54

Ásɛ nɛn waa jemɛ waa dɛ do pwɛre aa tedomaa dɔ tɛ o ɡbaɡba nime, kɛɛ o dɔɔ kɛɛ o haah kɛɛ o bii baa kaa.

Mmarare 29:18

Hé nyiŋi kɛrɛdɛ kɛŋɔ he nɛra haa cheɡɛ bonɔ fini nɔ, baa kɛɛ haah kɛɛ lolanar, kɛɛ dea bɛl tena aa Korowii yaa dɛ tomɔ nɔ tomaa ɡel dɛ́ ka tomɛ harɛ bɛl voɡa. Ásɛ a ba ɛ kɛŋɔ daa lur aa pama le dɛ nɔnɛ nɔnchɔɡa dɛ he diu waa he sewɛ la.

Mmarare 8:14

he bɛ he te maŋkura dɛ́ ba soh Korowii haa dɛ tomɔ o lawɛ heyaa le Ijipt harɛ ta somanjiri dii ta la wa.

Kolosi 2:4

N dɛ baɡle heyaa ásɛ nomɛlbwa bɛ won kpɔ nyotor neɡre heya.

Josua 7:13

Ir la nɛra la be, dɛ́ ka sɔ ba doŋa bɛlbwa aa lɔ ba nɛɛ ta. Ŋɔ ba be ŋɔ bá sɔ ba doŋa ta dɛɛ kpa kere. Ŋɔ men Korowii Israel tena aa dɛ tom mɛ la ŋɔ, kwaa maa ŋɔa he le cheɡ mɛ la lɔ he be. Haa won che he dɔma sie dɛ he ta a ne leɛ.

2 Pita 2:1

A saŋ la, nɛra bane teŋe nyosone ŋɔ Korowii keameree ban Israel tena bini. Gɛɛ nɛra ɛɛ ba bala dɛ ba teŋe nyosone ŋɔ ban dɛɛ chaɡle nɛra waa he bini. Baa dɛɛ chaɡle waa aa wola kasinteŋ ɛɛ, dɛ́ ɡel nɛra nyoɡre. Gɛ ba wechaɡla aa doa la, haa won jemɛ kɛŋɔ a ta kasinteŋ ɛɛ. Baa vɛh ba Dɔɔ waa bɔ ba wechɔɡa kem la waa, dɛ́ ɡel Korowii chɔɡ ba, ba sewɛ seopiɡri.

Wepila 12:9

asɛ Korowii kpɔ kontuuɡi damanta waa ɛ harɛkon la yaa jemɛ o waa mumpar bwa, baa yerɔ Baradeɛre Te ne Bɔnsam, wɛɛ neɡre nɛra bwa baa nyoɡre la, ne o bala bwa ta harɛ.

Wepila 13:14

Waa cheɡɛ loɡle olchɔɡe la naa ta dɛɛ ɛ wejena la nomanta, o wono neɡre nɛra baa lɔ harɛ nɔ ta dɛ ŋɔ bá ma komɛl kɛŋɔ olchɔɡe la ba fa aa kpɔ kere doo bol o sewɛ dɛ ir la.

Wepila 20:3

dɛ kpɔɔ ka ta Bɔnsam Bɔluŋ la bini, dɛ laa tɔ, dɛ karɔ kiŋkiŋ o bɛ nɛra baa lɔ harɛ ta neɡre ka tel kɛŋɔ bene kaɡboŋ la aa tela. Dɛ tɔpere la telaa, baa puruu o le tama.

Sitɔɔla 10:6

Israel tena ɛ wechɔɡa dɛ jo Korowii nɛɛ ja. Dɛ voɡa Baalre aa ɛ baala ne voɡhaahna Astɔrɛt, ne voɡa aa lɔ Aram ne Sidon, ne Moab ne Amɔn harɛre, dɛ voɡa Filisti tena aa dɛ tomɛ laanee baa tomɛ. Baa laa sie kpɔ Korowii nɛɛ dɛ vɛh o toma la,

Sitɔɔla 2:13

ɡɛ baa vɛh o toma dɛ kaa tomɛ voɡa Baalre ne voɡhaah Astɔrɛt la wa.

Sitɔɔla 20:13

Hé le Gebea nɛnchɔɡa nɔ tɛ yaa yá kpoo ba, ásɛ ɡɛ wedoŋa nɔ le Israel harɛ ta.” Kɛ Bɛnjamen dea tena la ta ba bala Israel tena waa la mun noɛ,

Sitɔɔla 5:8

Gɛ saŋ Israel tena aa dɛ tomɛ voɡa la, laa ba bwɛɛre la ta. Baala kaɡboŋa fifraanaarɛ baa lɔ harɛ la ta, bɛlbwa ta lampea kɛɛ dɔmkon bɛlbwa kpoŋe.

1 Samoɛl 18:1

Devid ne Kooro Sɔɔl baa bol waa tonɛ, asɛ Jonatan sie lɛ Devid nɛ, asɛ o ne o kpɔ darame wɛɛ nyinu kɛ o ɡbaɡba ken.

1 Samoɛl 18:3

Jonatan ne Devid vɔwɛ darame fɔo, dɛkalkɛŋɔ dɛ o dɛ nyin o waa kɛ o ɡbaɡba.

1 Samoɛl 20:17

Jonatan ɡelɔ Devid berɛ kwaa baɡɛ nyoa kɛ wɛɛ dɛɛ nyin o waa kohonaa, dɛkalkɛŋɔ o dɛ nyin Devid waa kɛŋɔ o ɡbaɡba ken.