Mmarare 13:5 - mzwDBL

⁵ Keame nyosonteŋni kɛɛ nɛn waa won deera mun baɡla la chɛ kpoe, o baɡle heyaa waa a ɡel he ɛ deŋnekpeɡ dɛ le Korowii haa dɛ tomɔ o le he ne somanjiri dii ta Ijipt harɛ ta la habɔɔ, dɛɛ nyin kɛŋɔ he laa he te kpɔ waa haa dɛ teŋɛ a ta la aa, hé kpoo dɛ́ le ɡɛ liichɔɡa la ne he bini.

Mmarare 13:5 Iomraidhean Croise

1 Koranar 13:19

Anomanta, o laa berɛ dɛ teŋɛ o nɛɛ ba dem, dɛ ba di kwaa dɛ nyɔ ne.

1 Koranar 18:40

Elaeja do nɛra la ŋɔ, “Hé lawɛ Baal voɡ tena la, he bɛ ɡel bɛlbwa dɔ bɔr chwa!” Ba lawɛ ba bwa asɛ Elaeja ɡel ba kpɔ ba kaa Kesɔn Fɛlembɔjen bini ka kpoo ba.

2 Webena 34:31

Kooro Josia cheɡɛ o koochebɔr pila bɛl jwɛh, o ne Korowii berɛ kwaa fɔwɛ fɔo ŋɔ wɛɛ teŋɛ Korowii nɛɛ, dɛɛ teŋɛ waa waa bola ne o Mmarare ta o bambile ne o liire bwa ne.

Jeremia 14:15

Anomanta, waa men Korowii aa dɛ bol keamere baa dɛ bol waa n sɔn ta dɛɛ teŋe nyosone laanee nɔ. N ta ban tomɛ, kɛ ba dɛ bol ŋɔ laa kɛɛ lɔr aa harɛ nɔ taa ba. Kɛ a ɡɛ keamere la, baa kpoo ba laa taa, lɔr ɡe kpo ba, ba serewe.

Jeremia 29:32

Anomanta, mɛɛ tɛr Sɛmaya ne o naanar deŋnee. O nɛmbeŋkpoŋ kwara aa ka dɛ́ do nɛra nɔ bini. Waa kondɛɛɡa maa dɛ ba kpɔe tɛ n nɛra la nae ba, dɛkalkɛ o ɛ deŋnekpeɡ o ta n waa ta teŋɛ. Men Korowiirii bola.”

Jeremia 50:6

N nɛra do kɛŋɔ peera a teɡra aa ɡela a nyoɡre ken, dɛ ɡel a do bwejena dor dɛɛ ɡaaɡe. A lɔ bwejena ne deŋɡarere ta dɛɛ ɡaaɡe, dɛ soh bela aa dɛ chɔ wa.

Jeremia 7:23

N do ba ŋɔ baa no n wa, ásɛ n ɛ Korowii baa dɛ tom mɛ, ásɛ ba ɡe ɛ n nɛra. N berɔ ŋɔ ba be ŋɔ a chɛ kɛ baa ɛ ɡɛ maa do ba la, ásɛ wobɛlbwa do wer tɛɛ ba.

Sekaria 13:3

Dɛ nomɛl dɛ teŋe nyosone ŋɔ waane ɛɛ chiɡuu kerekere aa, naate nya ne o mɛɛ ŋɔ o be ŋɔ, ‘A chɛ kɛŋɔ hé sewɛ, dɛkalkɛ he teŋe nyosone Korowii sɔn ta.’ O ta teŋɔ dɛɛ bol aa, o nya ne o mɛɛ ɡbaɡba tɔɡɔ kere kpo.

We-ɛɛla 13:8

Dɛ dobodobo te la aa nyin kɛŋɔ nomoa la no Yeesu wa, dɛɛ tɔ Banabas ne Sɔɔl ŋwɛnɛ, dɛɛ tɔŋ ba.

1 Kɔrent 5:13

Nɛra baa ɛ asɔre tena la te, heyaa chɛ kɛŋɔ hé bol ba waa dɛ́ pa bole. Korowii Tɔn baɡlɔ kɛŋɔ “Hé doŋi wechɔɡ-ɛɛ le he bini.”

Mmarare 13:10

Hé foɡro bwea kpo, dɛkalkɛŋɔ o fe tɛɡre heyaa dɛɛ le Korowii haa dɛ tomɔ o le he ne Ijipt harɛ ta he fa aa di somanjiri bela la nɔn ta.

Mmarare 13:15

hé kpoo ɡɛ bwɛɛ la tena bwa, dɛ́ chɔɡ bwɛɛ la bwa kwara, hale kondɛɛra aa lɔ bela bwa.

Mmarare 13:9

A chɛ kɛ hé kpoo! Tɔ sie ta bwe forɔ mɔɔ nomɛlbwa ɡe forɔ.

Mmarare 17:5

Hé lawɛ ɡɛ nɛn la le bwɛɛ la dahara, dɛ́ ka foɡro bwea kpo.

Mmarare 17:7

Dɛ a ba ɡɛ naa, danseɛ tena la tɔ sie kpɔ bwea foɡro mɔɔ nomɛlbwa teŋɛ. Gɛ ŋwɛnɛ nɔ taa hɛɛ ba wona laa ɡɛ wechɔɡa nɔ kpɔ he bini.

Mmarare 18:20

Dɛ keame bɛl ɡe baah suu ŋɔ wɛɛ che n sɔn taa dɛ́ bol waa maa wola on a ta doe, kɛɛ keame waa che voɡ bɛlbwa sɔn ta, dɛ́ bol waane la chɛ kɛŋɔ bá kpoo.’

Mmarare 19:19

ate hé ɛ dansewea te la ɡɛ o fe aa dɛ nyin kɛ ba ɛ o dɔŋ la, ásɛ dɛ laa wechɔɡa la kpɔ le he bini.

Mmarare 22:21

ate bá lawɛ haah la ka so o mɛɛ dem doonyoa, ásɛ o bwɛɛ baala foɡro bwea kpo, dɛ́ le ɡɛ wechɔɡa la ne Israel harɛ ta. O ɛ sihihwa kɛŋɔ waa soɡe o mɛɛ dem dɛ bɔ jwamane la.

Mmarare 22:24

hé kpɔ ba nɛra banɛ la bwa kaa bwɛɛ la doonyoa dɛ́ ka foɡ ba bwea kpo. Haah la kpoe munii kɛŋɔ, o ta lɔŋɔre doe soŋe lɛɛ, bwɛɛ bini ɡee. Baa la kwaa munii kɛŋɔ, o chɔɡ o dɔŋ haah. Gɛɛ dɛ́ le ɡɛ wechɔɡa la ne Israel harɛ ta.

Mmarare 24:7

Nomɛlbwa waa lawɛ o dɔŋ bokpeɡa ne, dɛ ɛo o yom kɛɛ dɛ yoɡu he na la, o chɛ kɛŋɔ hé kpoo, ásɛ ɡɛ wechɔɡa la le Israel harɛ ta.

Mmarare 26:14

Gɛ saŋ maa lɔ lwe ta dɛɛ wi la n ta bɔrbeŋkpoŋ kpɔe, ɡɛɛ maa wola ane kpɔe dɛ kah doŋa. N ta ane bɛlbwa ɡe kpɔe ɛ wobɛlbwa tɛ lala. N no Korowii maa dɛ tomɔ nɔ wa.

Mmarare 4:19

He bɛ ɡel he pɛla ba lawɛ kwaa aa lɔ nyundua kɛŋɔ wee ne korobie ne weweela, ásɛ he ba duura dɛ́ toma. Harɛre ane nɛraa Korowii ŋɔ baa toma, he te laa.

Mmarare 6:13

Hɛ́ɛ duu Korowii dɛ́ɛ tomɛ o ɡbo, dɛɛ baɡɛ nyoa o sɔn ta.

Mmarare 7:4

Gɛ laa aa, baa berɛ he bii liiree baa wola Korowii nɛɛ teŋɛ, dɛ́ kaa tomɛ voɡa, ásɛ o baah di he nɛɛ dɛ́ den kpoo heyaa warane.

Josua 23:8

Hé kpɔ he te pɛl Korowii haa dɛ tomɔ la kiŋkiŋ, ɡɛ haa ɛa dɛ ba le fini nɔ.

Wepila 19:20

Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.

Sitɔɔla 20:13

Hé le Gebea nɛnchɔɡa nɔ tɛ yaa yá kpoo ba, ásɛ ɡɛ wedoŋa nɔ le Israel harɛ ta.” Kɛ Bɛnjamen dea tena la ta ba bala Israel tena waa la mun noɛ,

1 Samoɛl 12:14

Dɛ he dɛ ɔmɛ Korowii dɛɛ tomɔ dɛɛ teŋɛ o Mmarare ta, hale he ne he kooro bwa naa, he wobɛlbwa ɛɛ do werii tɛ heya.