Mmarare 13:1 - mzwDBL

¹ Mosis berɔ ŋɔ, “Dɛ keame nyosonteŋni bɛl kɛɛ nɛn waa won deera mun baɡla ba he be dɛ ba bol nyokpowaa bɛlbwa he be,

Mmarare 13:1 Iomraidhean Croise

1 Koranar 13:18

Ate, Korowii keame banjena la chaŋe ŋɔ, “N ɡe ɛ Korowii keame kɛ hen. Korowii ɡelɔ nyundua torome ba ŋɔ n be ŋɔ ń ba kpɔe kaa dem, dɛ ka tɛɛ kondikwaa ne nee he nyɔ.” Kɛ dɛ neɡraa wɛɛ neɡro.

1 Koranar 13:19

Anomanta, o laa berɛ dɛ teŋɛ o nɛɛ ba dem, dɛ ba di kwaa dɛ nyɔ ne.

Sɛɡla 30:6

Bɛ waa Korowii aa wola bolɛ la kpɔ ja o waa ta, ásɛ o ba kaeh dɛ́ yerɛ nyosonteŋni.”

Aesaya 9:15

Nomonome ne nɛra baa dɔ jirima laanee daa la nyu, asɛ Korowii keamere baa dɛ teŋe nyosone o waa la ta la, ɡee daa la harɛbɔr.

Jeremia 23:11

Korowii ŋɔ, “Keamere la ne sɔfore bwa aa men duu, hale n Dea bela, ba dɛ ɛ wechɔɡa.

Jeremia 23:32

Anomanta, n ne nɛra baa cheɡɛ chaahna ta, dɛ teŋe nyosone dɛɛ maŋkura ba te la dɔɔ. Ba bola dɛ ɡel n nɛra ɛɛ nyoɡre, dɛ n ɡe laa tom ba. Ba waa la aa nɛra nɔ cha tama bɛlbwa. Men Korowiirii bola.”

Jeremia 27:9

Anomanta, he bɛ he keamere kɛɛ nɛra baa dɛ lii kɛŋɔ baa won baɡle waa aa dɛ ba wona chiɡ kerekere, dɛ che deera kɛɛ lala yera kɛɛ dobodobo we-ɛɛla ta be dɛɛ no. Ba bwa dɛ bol he be ŋɔ he bɛ he te kpɔ do Babelɔn Kooro Nebukadnesa lɔɡa.

Jeremia 29:24

Koranar Bwa Kooro, Israel tena aa dɛ tomɔ la kpɔ kala tɛ men Jeremia n kpɔ tɛ Nehelam te Sɛmaya

Jeremia 29:26

“Korowii lee sɔfo he ba chiɡ Jehoiada naa ta, dɛɛ nyiŋi o Dea la ta. Henee chɛ kɛ he nyiŋi dɛ́ lawɛ nomɛlbwa waa dɛ we choɡla, dɛɛ ɛ o te kɛ Korowii keamee on la, dɛ́ doo bune jɔɡrɔre ne bune kwaa o baŋa ta.

Jeremia 29:8

Men Koranar Bwa Kooro, Israel tena aa dɛ tom mɛ dɛ́ kah heyaa ásɛ he bɛ ɡel keame nyosonteŋna ne voɡra baa soɡe he bini la ɛɛ neɡre heya. He bɛ wepila baa ŋɔa ba dɛ na la yarada.

Jeremia 6:13

Bechale ne nomonome bwa cheɡɛ sibeɡra ŋwɛnɛ ta dɛɛ nyin kwa, hale n keamere ne sɔfore dɛ teŋe nyosone.

Ɛsekeɛl 13:23

Haa wepila ne nyosonwaa aa dɛ ba bala laanee na kpa. Mɛɛ lɛ n nɛraa le he nɔn ta, ásɛ he jemɛ kɛŋɔ menee Korowii.’ ”

Sekaria 10:2

Voɡa dɛ teŋe nyosone, voɡra waa baa dɛ na ɛ nyosone, deera mun baa dɛ baɡle la ta kasinteŋ ɛɛ, bolarawa baa kpɔa dɛɛ tɛ nɛra ɛ wesale. Anomanta, ba ɡelɔ nɛra nyoɡre kɛŋɔ peera aa wola teɡre dɔe, asɛ nɛra ɛɛ fiɡ ba.

Sekaria 13:4

Awola tɔpere la, sihiih ɛɛ kpo keame bɛlbwa waa ŋɔa o dɛ na chaahnaa. Waa keamere batakaaree do dɛ́ neɡre nɛra kpa.

Matiu 24:11

Ásɛ nɛra ir dɛ́ teŋe nyosone kɛŋɔ ba ɛ Korowii keamere, dɛ́ neɡre nɛra kɛrɛdɛ.

Matiu 24:24

dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe teŋe nyosone ŋɔ Korowii keameree ban. Baa ɛ wejena ne nyokpowaa, dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.

Matiu 7:15

Hɛ́ɛ nyiŋi nyosonteŋna baa ŋɔa Korowii keameree ban la kɛrɛdɛ. He na ba aa, ba pwɛre kɛŋɔ peera ken. Kɛ ba bini te, ba sie beɡre kwaa kɛ ɡboli ken.

Amanesoma Mak Aa Chwera Tɔn 13:22

dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe ŋɔ Korowii keameree ban. Baa ɛ bebeewaa ne nyokpowaa dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.

Amanesoma Luk Aa Chwera Tɔn 6:26

He banɔ la nɛra aa dɛ bol he bwara wedɛɛɡe nɔ, hé bwɛɛlɛ! Gɛ tentenee ba naawa kpɛɛ keame nyosonteŋna baa wola Korowii nyoa waa bolɛ la.”

Mmarare 18:20

Dɛ keame bɛl ɡe baah suu ŋɔ wɛɛ che n sɔn taa dɛ́ bol waa maa wola on a ta doe, kɛɛ keame waa che voɡ bɛlbwa sɔn ta, dɛ́ bol waane la chɛ kɛŋɔ bá kpoo.’

Mmarare 4:1

Ate, Mosis ŋɔ Israel tena la be ŋɔ, “Hé no Mmarare bwa maa dɛ ba heyaa baɡla nɔ. Hé teŋɛ a ta dɛ́ dɔ he nyu ásɛ dɛ ka kpɔ harɛ Korowii he naawa aa tomɔ aa kpɔa dɛɛ tɛ heyaa la.

Mmarare 4:2

He bɛ wobɛlbwa kpɔ ja waa maa do heyaa a ta la ta, he bɛ ane ɡe laa kpɔ. Hé lawɛ Korowii haa dɛ tomɔ waa maa kpɔa dɛɛ tɛ heyaa nɔ bini.

2 Tesalonika 2:9

Gɛ saŋ waa ba mɔɔ Yeesu ba kpoo la, Bɔnsam ɛɛ do o nɛɛ dɛɛ chao kɛrɛdɛ o won dɔ kpeɡri kohona, dɛ́ won dɛɛ ɛ nyokpowaa ne wejena, dɛɛ neɡre nɛra kɛŋɔ Korowiirii tɛo kpeɡri ken,

2 Pita 2:1

A saŋ la, nɛra bane teŋe nyosone ŋɔ Korowii keameree ban Israel tena bini. Gɛɛ nɛra ɛɛ ba bala dɛ ba teŋe nyosone ŋɔ ban dɛɛ chaɡle nɛra waa he bini. Baa dɛɛ chaɡle waa aa wola kasinteŋ ɛɛ, dɛ́ ɡel nɛra nyoɡre. Gɛ ba wechaɡla aa doa la, haa won jemɛ kɛŋɔ a ta kasinteŋ ɛɛ. Baa vɛh ba Dɔɔ waa bɔ ba wechɔɡa kem la waa, dɛ́ ɡel Korowii chɔɡ ba, ba sewɛ seopiɡri.

1 Jɔn 4:1

Yabala, he bɛ nɛra baa ŋɔa ba dɔ Korowii Domadɛɛɡe la, dɛ che o ta dɛɛ baɡle waa la dɛɛ yarada warawara. Hé pese ba, dɛ́ na kɛŋɔ kpeɡri baa dɔa la le Korowii Domadɛɛɡe la be kɛɛ? Dɛkalkɛŋɔ nɛra baa dɛ neɡre nɛra kɛŋɔ ba ɛ Korowii keamere ba harɛ nɔ ta bobɛlbwa pirim.