Mmarare 12:6 - mzwDBL

⁶ Belaa chɛ kɛŋɔ hé kpɔ saraha kwaa haa fuh ne anɔ la haa kpoo tɛo, ne komɛlbwa haa dɔa bɔre fi bini bɔrbeŋkpoŋ ne he koŋkɛɛla ne deŋnesɔɔhna sarahare, ne he ɡbaɡba bambile bini kwa, ne he nae dɛ peera biloɡla dɛɛ la kaa tɛo.

Mmarare 12:6 Iomraidhean Croise

2 Webena 31:14

Lewi dea te Imna bibaa Koree ba le wɛɛ nyiŋi Korowii Dea wee leebɔr doonyoa la ta, dɛ chɔ sarahare koŋkɛɛla aa le nɛra bambile ta ba kpɔ baa tɛ Korowii ne a bɔna nyoa.

2 Webena 7:12

Korowii ba o be deera ta jwaana dɛ ba ŋɔ o be ŋɔ, “N no he wesoŋa la, n sɛoh kɛŋɔ Dea nɔ binii bá kpo kwaa ɛ sarahare dɛɛ tɛ mɛ.

Ɛsra 3:2

asɛ Josadak bibaa Jesua ne o bala sɔfore, ne Sealteɛl bibaa Sɛrobabɛl ne o bala baa ja o nɛ, pa mun dɛ berɛ kwaa ma saraha kon tɛ Korowii Israel tena aa dɛ tomɔ, dɛɛ fuh saraha kwaa o ta, ɡɛ baa chwera do Korowii bonɔɔ Mosis Mmara tɔn bini la.

Nehemia 10:36

Yaa kpɔ ya bibanloɡla ne nae biloɡla, ne ya boohna ne peera biloɡlaa ba Korowii yaa dɛ tomɔ la Dea ba tɛ sɔfore baa dɛ ɛ toma bela la, ɡɛ baa chwera do Korowii Mmara Tɔn bini la.

Nehemia 10:39

Israel tena ne Lewi dea tena la kpɔ ba mea ne senfala, dɛ ɔleve noo la kaa dejeɡre baa dɛ cheɡ laala baa kpɔa dɛɛ ɛ toma Korowii Dea la bini, bela sɔfore baa dɛ ɛ toma ne nɛra baa dɛ daah doonyoo dɛ yelɡoola aa dɛ so la. Yaa Korowii yaa dɛ tomɔ la Dea vɛh.

Yela 116:17

Mɛɛ kpo kwaa ɛ jam sarahaa tɛɛ, dɛ́ kpɔ n wesoŋa bil he sie.

Ɛsekeɛl 20:40

Saayɔn Bwejen waa do ɡoroŋ dɛ do Jerusalam la taa he Israel tena la bwa ɛɛ ba men toma. Belaa mɛɛ ba he saraha kwaa aa do ɡoroŋ, ne anɔ la aa le he bambile ta he kpɔ dɛɛ ba ba tɛ mɛ la lɛɛ. Men Korowiirii bola.

Lewi Dea Tena 1:3

Dɛ nawee wɛɛ ba kpɔe dɛ ɛ saraha baa fuh tɛ mɛ naa, ó lawɛ ombal waa wola kirihiah bɛlbwa dii. N Dea Cheremibɔr doonyoa belaa ó che dɛ́ kpɔ ba tɛ mɛ ásɛ n lɛ.

Malakae 3:10

Kwaa haa bɔne a bini bɔre fi la, hé kpɔ bɔrbeŋkpoŋ ba tɛ men Korowii n Dea, ásɛ kondikwaa warɛ n Dea bela. Hé daah mɛ ɡɛ waa nɔ ta dɛ́ na, ásɛ n ɡel bwaala nɛ kohona, dɛ́ swee heyaa andɛɛɡa, dɛ́ ɡel kondikwaa warɛ he deremi kohona.

Malakae 3:8

N dɛ bɔɔ heyaa ŋɔ a wer kɛŋɔ nɛn ŋwɛ men Korowii aa? Kɛ he dɛ ŋwɛɛ mɛ. He dɛ bɔɔ ŋɔ, ‘Bɔkwa taa yaa ŋwɛɛ nɔ?’ Kwaa haa bɔne a bini bɔre fi, dɛ kpɔ bɔrbeŋkpoŋ baa tɛ mɛ, ne saraha kwaa taa hɛɛ ŋwɛɛ mɛ.

Amanesoma Luk Aa Chwera Tɔn 11:42

He Farisii tena, hé bwɛɛlɛ kɛ haa dɛ tɛ Korowii o bɔr he par nyoa kondikonjeɡre kwaraa ta, kɛ dɛ vɛh kasinteŋ ne Korowii nyina te la. Anɔ nɔɔ chɛ kɛ hɛ́ɛ ɛ, kɛ he bɛ anɔ la aa jaa la ɡel.

Amanesoma Luk Aa Chwera Tɔn 18:12

N dɛ vɔwɛ nyoa tɔpera anɛ yawanyoa bɛlbwa ta, dɛɛ bɔne kwaa maa dɛ dɔ bwa bini bɔre fi dɛ kpɔ beŋkpoŋ dɛ baa tɛ hen Korowii.’

Mmarare 12:17

Komɛlbwa haa wola kpɔe tɛ Korowii la, hé dia bela haa soɡa, nemenɛ he mea bɔre fi bini bɔrbeŋkpoŋ, he sen bɔre fi bini bɔrbeŋkpoŋ, ɔleve noo bɔre fi bini bɔrbeŋkpoŋ, ne he nae ne peera biloɡla, dɛ he nyobaɡa kwaa ne he bambile bini kwa, dɛ saraha bɛlbwa aa jaa.

Mmarare 26:2

hé bini bɛlbwa do kwaa waa para harɛ la ta konloɡla wɛɡrɛ del, dɛ́ kpɔ la bela Korowii haa dɛ tomɔ nɔ aa le tɛ heyaa ŋɔ hɛɛ tomɔ la.

Josua 22:27

Akai! Ya mao kɛŋɔ ó ɛ ya ne heya ne ya naanar baa ka ba la danseɛ kɛŋɔ yaa tomɛ Korowii o Dea la ta, dɛ́ kpɔ saraha kwaa baa fuah ne kwaa baa kpoora ne sarahare dɛɛ ba o sie. Gɛ aa ɛ kerekere he naanar bɛ ba ŋɔ ya naanar ne Korowii toole wobɛlbwa bini.

1 Samoɛl 1:21

Bena bɛl telo ja kɛŋɔ Ɛlkana ne o haahna ne bii kaa bwɛjen Silo ka ɛ benanyoa saraha tɛ Korowii, ásɛ dɛ ka chuɡri o nyobaɡa la ɡe.

1 Samoɛl 1:24

Hana aa teŋe bie la el la, o lawɛ nabal waa di bene atoro, dɛ ɛ men aa kpera kɛrɛdɛ kuruware fi, dɛ sen oltɔn pur del, asɛ o ne o jaa kpɔ bie la ja kaa Korowii Dea waa lɔ Silo la.