Mmarare 12:5 - mzwDBL

⁵ Korowii haa dɛ tomɔ nɔɔ dɛɛ ba he deene la bwa baɡla harɛ la ta, bela waa dɛ nyin kɛŋɔ he bwa kaa cheme dɛɛ tomɔ.

Mmarare 12:5 Iomraidhean Croise

1 Koranar 12:27

Dɛ n nɛra la Jerusalam dɛ ka ɛ sarahare Korowii Dea aa, baa charɛ ba liiree, dɛ́ ka teŋɛ ba dɔɔ Juda Kooro Rɛhoboam la nɛ. Baa kpo mɛɛ dɛ́ berɛ kaa Kooro Rɛhoboam be.”

1 Koranar 14:21

Kooro Solomɔn bibaa Kooro Rɛhoboam di kora Juda harɛ ta, dɛ o di bene fifraanaarɛ dɛ beŋkpoŋ. O di kora bene fi dɛ anuanɛ Jerusalam, bwɛjen Korowii aa lea le Israel deene bwɛɛre bini baa tomɔ bela la. Kooro Rɛhoboam nya sɔne Naama, Amɔn tee.

1 Koranar 8:16

‘Le awola tɔpere maa kpɔ n nɛra Israel tena le Ijipt harɛ ta la, n ta ŋɔe bá do Dea n sɔn ta Israel harɛ bwɛjen bɛlbwa ta dɛɛ tom mɛ bela. Kɛ n le hen Kooro Devid ŋɔ hɛɛ nyiŋi n nɛra Israel tena nɛ.’ ”

1 Koranar 8:20

Ate, Kooro Solomɔn ŋɔ, “Korowii teŋɛ o nyobaɡa ta. N baa chiɡ n mɛɛ Kooro Devid naa ta, dɛ berɛ ɛ Israel kooro. N do Dea Korowii yaa dɛ tomɔ la sɔn ta, ya Israel tena ɛɛ tomɔ o bini.

1 Koranar 8:27

N Naa Korowii, a ɛ kpela kɛŋɔ hɛɛ won ba so harɛ nɔ ta naa? Hale nyundua ɡba aa kanɛ tɛɛ kɛŋɔ he so. Maa lii kɛŋɔ hɛɛ won ba so Dea waa do jeɡa maa doa tɛɛ nɔ ta.

1 Koranar 8:29

Dɛɛ daah Dea nɔ chɔɔ ne jwaana, bonɔɔ he le cheɡ ŋɔ baa tomɛ. Dɛ n kpɔ sie chaɡɛ Dea nɔ ta dɛɛ soŋe naa, no n be.

2 Koranar 18:22

Asiiria nomoa la berɛ ŋɔ, “Kɛ, hɛɛ ŋɔɔ Korowii haa dɛ tomɔ la nɛɛ hɛɛ hwɛɡɛ aa? Saraha kwaa baa kpoo kwaa a ta dɛɛ tɛ Korowii la laa on Kooro Hɛsɛkea chɔɡ, dɛ ŋɔ Juda ne Jerusalam tena bwa be ŋɔ, báa tomɛ Jerusalam bonɔ ɡbo la aa?

1 Webena 22:1

Belaa Kooro Devid ŋɔ, “Korowii Dea la ne kon Israel tena aa dɛɛ fuh saraha kwaa o ta la chɛ kɛŋɔ ó che bonɔ.”

2 Webena 7:12

Korowii ba o be deera ta jwaana dɛ ba ŋɔ o be ŋɔ, “N no he wesoŋa la, n sɛoh kɛŋɔ Dea nɔ binii bá kpo kwaa ɛ sarahare dɛɛ tɛ mɛ.

Ɛsra 3:2

asɛ Josadak bibaa Jesua ne o bala sɔfore, ne Sealteɛl bibaa Sɛrobabɛl ne o bala baa ja o nɛ, pa mun dɛ berɛ kwaa ma saraha kon tɛ Korowii Israel tena aa dɛ tomɔ, dɛɛ fuh saraha kwaa o ta, ɡɛ baa chwera do Korowii bonɔɔ Mosis Mmara tɔn bini la.

Ɛsra 6:12

Korowii waa le Jerusalam cheɡ ŋɔ nɛra ba bela dɛ́ baa tomɔ la, ó ir kooro kɛɛ harɛ bɛlbwa nɛra baa vɛh waa nɔ ta teŋa, kɛɛ dɛ́ ka chɔɡ Korowii Dea nɔ la. Men Koojen Dareɔs, menee do ɡɛ mmara nɔ. Bɛlbwa nyiŋi dɛɛ teŋɛ o ta kɛrɛdɛ.”

Ɛsra 7:17

Nyiŋi kɛrɛdɛ dɛ́ kpɔ a ɡɛ suuɡa nɔ yawɛ nabala ne pebala ne pebiiri, dɛ mea sarahare ne sen sarahare, dɛ́ kpɔ ɛ saraha Korowii haa dɛ tomɔ la Dea, kon baa dɛ ɛ saraha o ta Jerusalam la ta.

Nehemia 1:9

kɛ dɛ he berɔ ba n be dɛ ba teŋɛ waa maa dɛ do heyaa a ta tenaa, hale dɛ ba lawɛ heyaa laa ta kaa bojaŋ harɛ jaɡa kwaraa naa, mɛɛ boa he nyoaa, dɛ́ lawɛ heyaa ba bela maa lea cheɡ ŋɔ baa tom mɛ la.’

Yela 78:68

Kɛ Juda dea nɛraa o le, ne Saayɔn Bwejen waa dɛ nyin bela kohona la.

Kaala 15:2

Korowiirii n bokpeɡa, o sɔn ber mɛ yel mɛɛ ɡo, onee n Lɛɛ, onee mɛɛ tomɛ dɛɛ kpɛɛro, Korowii n naa wa aa tomɔ laanee on, o sɔnee mɛɛ ba yera dɛɛ tomɔ.

Kaala 20:24

Hé kpɔ teera ma saraha kon haa lawɛ peera ne boohna ne nae dɛ́ fuah dɛɛ tɛ mɛ o ta, ásɛ dɛ berɛ ɛ deŋnesɔɔhna saraha ɡe tɛ mɛ o ta. Bela maa le tɛ heyaa ŋɔ hɛɛ tom mɛ la, mɛɛ ba he be belaa dɛ́ ba swee heyaa andɛɛɡa.

Kaala 25:22

N ne he Danseɛ Daka la doa Kerobim la baah taa mɛɛ ba he chema, dɛ́ kpɔ me Mmarare bwa tɛɛ hé kpɔ tɛ Israel tena.

Jeremia 26:2

“Ir ka che n Dea dembaah, dɛ́ bol waa bwa maa doe ŋɔ he bol baɡle nɛra baa le Juda bwɛɛre ta dɛ baa tom mɛ bela la. Bɛ webeŋkpoŋ kwaraa ta, bol a bwa.

Jeremia 7:12

Hé la Silo bela n fa aa tɔ sie le cheɡ ŋɔ hɛɛ tom mɛ la, dɛ́ ka na waa maa ɛa bela, n nɛra Israel tena wechɔɡa baa ɛa la wa.

Jeremia 7:14

Anomanta, ɡɛ maa ɛ Silo laanee mɛɛ ba n Dea maa lea cheɡ ŋɔ hɛɛ tom mɛ o bini, dɛɛ hwɛɡɛ o ta la ɛɛ. Dea nɔ maa kpɔa tɛ he ne he naawa nɔ ɛɛ doo kɛŋɔ maa ɛ Silo la.

Lewi Dea Tena 17:4

dɛ o ta kpɔe ba n Dea Cheremibɔr la doonyoa, dɛ ba kpo ɛ saraha n sie tɛ mɛ naa, dɛ o fuɡe chal ta dɛ di bolchɔɡe. Maa naate laanee kure ja n nɛra nɛɛ kpa.

Nɛra Kura 7:89

Saŋ bɛlbwa Mosis aa jo Korowii Dea Cheremibɔr bela, o ne Korowii bol waa la, o dɛ no taa la dɛɛ le Kerobim la baah ta. Ba sɛah chɔŋɛ Korowii Ne Nɛwɛnyina Fɔo Daka tɔ la doa. Belaa Korowii do dɛ bol waa o be.

Mmarare 12:11

Korowii haa dɛ tomɔ nɔ ɛɛ baɡle heyaa bobeŋkpoŋ bela he bwa aa ka cheme dɛɛ tomɔ. Belaa chɛ kɛŋɔ hé kpɔ saraha kwaa haa fuh dɛ́ kpɔ dɛɛ jaamo, ne kwaa haa kpoa dɛɛ tɛo, ne he komɛlbwa haa dɔa bɔre fi bini bɔrbeŋkpoŋ, ne he koŋkɛɛla kpɔe tɛo, ne he nyobaɡa kwaa ɡɛ maa ŋɔ he be saŋ bɛlbwa dɛɛ la.

Mmarare 12:13

Hé nyiŋi kɛrɛdɛ dɛ bɛ saraha kwaa haa kpo dɛ́ fuah tɛ Korowii la dɛɛ ɛ bobɛlbwa haa dɛ nyin.

Mmarare 12:18

He ne he bibaala ne bihaahna ne bonɔɔna ne toli, dɛ Lewi dea tena baa lɔ he bwɛɛre ta bwa chɛ kɛŋɔ hɛ́ɛ di a ɡɛ saraha kwaa nɔ Korowii haa dɛ tomɔ sie, bobeŋkpoŋ waa le tɛ heyaa la, dɛ́ ɡel he sie lɛ wobɛlbwa haa ɛa ta.

Mmarare 12:4

He bɛ Korowii haa dɛ tomɛ nɔ dɛɛ tomɛ ŋwɛnɛ baa kpɔ o ta dɛɛ tomɛ ba voɡa la.

Mmarare 14:23

Hé kpɔ he mea ne sen ne ɔleve noo haa bɔne a bini bɔre fi la bɔrbeŋkpoŋ, ne nao ne pee dɛ booh biloɡla kaa bela Korowii aa lea tɛ heyaa ŋɔ he tomɔ la, ásɛ dɛ ka dia o sie bela. Hɛ́ɛ ɛ ɡɛ dɛ́ che a ta dɛ́ɛ duu Korowii saŋ bɛlbwa.

Mmarare 14:24

Dɛ bela ne he dem jaŋne kohona haa won che kwaa Korowii aa chae he dɔ la kaa bela aa,

Mmarare 15:20

Bela Korowii aa lea tɛ heyaa ŋɔ hɛɛ tomɔ la, belaa chɛ kɛŋɔ hé ne he haahna ne bii la ane bena bɛlbwa, dɛ́ ka kpoora dɛ́ dia Korowii sie.

Mmarare 16:11

Hé ne he bii, ne he bonɔɔna, ne toli ne Lewi dea tena, ne hɔɔhra ne bilalbii, dɛ luhaahna baa lɔ he bwɛɛre la ta bwa pɛ, dɛ́ lɛ sie bela Korowii aa lea tɛ heyaa ŋɔ hɛɛ tomɔ la.

Mmarare 16:15

Hɛ́ɛ di tɔpejen nɔ tɔpera anuanɛ bela Korowii aa lea tɛ heyaa ŋɔ hé cheme dɛ́ɛ tomɔ la o sɔn ta. Hé ɡel he sie lɛ kɛŋɔ waa ɡela he kondikwaa ne he tomare do wer.

Mmarare 16:2

He bɛlbwa lawɛ o pee kɛɛ nao le o kondɛɛra bini, ásɛ dɛ kpɔ la bela Korowii aa lea tɛ heyaa ŋɔ hɛɛ tomɔ la, dɛ́ kpɔ ɛ Galekaa Tɔpejen saraha tɛ Korowii o sɔn ta.

Mmarare 16:6

Nemenɛ bwɛɛ waa lea tɛ heyaa ŋɔ hɛ́ɛ tomɔ o ta la ɡbo ta. Belaa chɛ kɛŋɔ hɛ́ɛ kpoa, jɔmɔra wee aa baa jo la, ɡɛ korobie la ne tɔpere haa kpɔa dɛ le Ijipt harɛ ta la.

Mmarare 16:7

Hé daa ol la, dɛ́ so bela haa dɛ tomɛ Korowii la dɛ́ chwe, ásɛ tɔɔ perɔ chɔa he kaa bela haa soɡa.

Mmarare 17:8

Dɛ waane bole pae baa do kpeɡri tɛ nɛra baa bol waa dɛɛ pa bole he bwɛɛre la ta, kɛŋɔ nomɛl aa saahna kpo o dɔŋ kɛɛ waa wola saahnɛ, kɛɛ laala ane wa aa lɔ bɛl ne o dɔŋ baah ta, kɛɛ nomɛl aa saahna do o dɔŋ bol kɛɛ waa wola saahnaa, hé kpɔ la bela Korowii haa dɛ tomɔ aa lea tɛ heyaa la,

Mmarare 18:6

Lewi dea te bɛlbwa waa so Israel harɛ bwɛɛ bɛlbwa ta dɛ nyin aa, wɛɛ won ba bela Korowii aa lea cheɡ ŋɔ hɛɛ tomɔ bela la,

Mmarare 26:2

hé bini bɛlbwa do kwaa waa para harɛ la ta konloɡla wɛɡrɛ del, dɛ́ kpɔ la bela Korowii haa dɛ tomɔ nɔ aa le tɛ heyaa ŋɔ hɛɛ tomɔ la.

Mmarare 31:11

ɡɛ saŋ Israel tena nɔ bwa aa ba cheme bela Korowii aa lea tɛɛ ba ŋɔ baa tomɔ la.

Kolosi 2:9

Yeesu Kristo ɛ Korowii ɡbaɡba. O ba harɛ nɔ ta dɛ ba berɛ nɛwɛnyini.

Hibru 12:22

He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba.

Josua 18:1

Israel tena aa yo harɛ la tonɛ la, ba bwa kaa cheme bwɛjen Silo ta, belaa sɔfore la ne ba bala baŋre Korowii Dea Cheremibɔr,

Josua 22:11

Israel tena kabora la aa noa kɛŋɔ Rubin ne Gad, dɛ Manasɛ dea pera deene la ma kon baa ɛ saraha o ta tɛ Korowii Gelilɔt ba harɛ ta la,

Josua 9:27

Le awola tɔpere la ba le fini, ɡɛɛ Gebeɔn tena ɛɛ teŋni daa, dɛ che nee dɛɛ tɛ Israel tena, dɛ kpɔ ane dɛɛ la saraha kon la ta bobɛlbwa Korowii aa baɡ ba.

Wepila 14:1

Belaa n nyiŋi dɛ na Pebie la cheɡa Saayɔn Bwejen doa. Asɛ nɛra kaɡboŋa lafa fifraanaarɛ dɛ banaarɛ baa chwerɛ o ne o Mɛɛ la sɔna ba tili ta la che o be.