Mmarare 12:3 - mzwDBL

³ Hé kuuɡi bela baa kpoo kwaa dɛɛ tɛ ba voɡare, dɛ́ paɡre bwea baa paaɡa dɛɛ duura la. Dɛ́ berɛ fuh ba voɡhaah Asera dajaŋa, dɛ́ huɡri voɡa baa ɛa cheɡ dɛɛ toma la, dɛ́ chɔɡ a bwa le bela a waa bwa le kwara.

Mmarare 12:3 Iomraidhean Croise

1 Koranar 14:15

Korowii ɛɛ tɛr Israel tena deŋnee, ba do kɛŋɔ kpɔɡa aa pa nee ta dɛɛ yiiɡi la ken. Wɛɛ chuɡri baa le harɛdɛɛɡe nɔ waa kpɔa tɛ ba naawa nɔ taa, dɛ́ lɔ ba peɡre Yufretis Moo baŋ le. Ba kpɔ voɡhaah Asera dajaŋa paaɡe dɛ kpɔ muɡli o baah.

1 Koranar 15:13

O ir o naa Maaka haŋkora ta, dɛkalkɛŋɔ, o ɛ voɡ Asera daa aa ɛ kii kwaa la. Kooro Asa teŋni daa la dɛ fuah Kedrɔn Fɛlembɔjen ta.

2 Koranar 11:18

Harɛ la ta nɛra bwa la voɡ Baal dea, dɛ ka paɡre kwaa baa kpoo kwaa a ta dɛ ɛ saraha dɛɛ tɛo, ne voɡare aa lɔ dea la bini bwa kwaraa. Dɛ lawɛ o kerekpoŋri baa dɛ yerɔ Matan, dɛ kpoo kon baa dɛ ɛ saraha o ta la sie. Asɛ sɔfo Jehoiada ɡel nɛra baa dɛ daah la ka che dɛɛ daah Korowii Dea la.

2 Koranar 18:4

O chɔɡ bɔra baa dɛ tomɛ voɡare, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. O kuuɡi ayaawa Mosis fa aa kpɔa ɛ harɛkon baa yerɔ Nehustan la. Dɛ ba tel ɡɛ saŋ la, dɛ Israel tena dɛ fuh daawiile dɛɛ tɛ harɛkon la.

2 Koranar 23:14

Kooro Josia ɡelɔ ba paɡre bwea baa paaɡa dɛɛ duura, dɛ kuuɡi voɡ Asera dajaŋa ta, dɛ pa nɛra hoɡa bil a buɡ ta.

2 Webena 14:2

Kooro Asa ɛ waa aa wera dɛ toɡre, Korowii waa dɛ tomɔ la be.

2 Webena 14:3

O le harɛre ane kwaa baa dɛ ɛ saraha a ta, ne bela baa dɛ tomɛ voɡa deŋɡarere ta bwa ne. O paɡre bwea baa paaɡa dɛɛ duura, dɛ teŋe voɡhaah Asera dajaŋa ta.

2 Webena 19:3

Kɛ he ɛ wedɛɛɡa tama ane, dɛkalkɛ he teŋni voɡ Asera daa nɛra aa dɛ tomɛ le he harɛ ta, dɛɛ teŋɛ waa Korowii aa dɛ nyin ta.”

2 Webena 31:1

Baa di tɔpejen la tonɛ la, Israel tena baa lɔ bela la jo Juda harɛ bwɛɛre ta, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. Ba chɔɡ bɔra baa dɛ tomɛ voɡare deŋɡarere ta, ne kwaa baa dɛ ɛ sarahare a ta, Juda harɛ ne Bɛnjamen ne Efrem, dɛ Manasɛ harɛre deene ta bwa. Baa chɔɡ a bwa tonɛ la, asɛ ba bwa berɛ kaa ba bwɛɛre.

2 Webena 34:3

Kooro Josia aa di kora bene anuatoro la, dɛ o ta ɛ bonɔmbi, asɛ o pa mun dɛɛ tomɛ Korowii o nabaa Kooro Devid aa tomɔ la. Bene fi dɛ anɛ ta la, o pa mun dɛɛ chɔɡ bela Juda harɛ ne Jerusalam tena aa dɛ tomɛ voɡa, ne voɡ Asera dajaŋa ne voɡare baa sɛah ne anɔ la bwa aa jaa.

Yela 16:4

Nɛra baa dɛ tomɛ voɡa la nyin waa dɛɛ dawɛ ba nɛ. Maa ba nɛɛ ja kpoo kwaa tɛ ba voɡare bwa, maa ba voɡaree tomɛ bwa!

Kaala 23:13

Hé do sie dɛ́ ɛ wobɛlbwa maa bol he be nɔ. He bɛ voɡare dɛɛ tomɛ. He bɛ ɡel ba no a sɔna kwaraa he nyoo.

Kaala 23:24

He bɛ ba voɡare dɛɛ tomɛ a ba ɛ kɛŋɔ hɛɛ dɛɛ teŋɛ ba we-ɛɛla taa. Hé paɡre a ne ba bwea baa paaɡa dɛɛ duura la bwa burbur ken.

Kaala 34:13

Hé paɡre bela baa kpoo kwaa dɛɛ tɛ ba voɡare, ne bwea baa paaɡa dɛɛ duura dɛ voɡhaah Asera dajaŋa la.

Aesaya 27:9

Dɛ Korowii ɛɛ kpɔ Israel tena wechɔɡaa kɛ ba aa, atane baa kuuɡi kwaa baa kpoo kwaa a ta ɛ saraha dɛɛ tɛ ba voɡare la buruburu kɛŋɔ fula ken, dɛ́ teŋni ba voɡhaah Asera dajaŋa, ne bwea baa paaɡa dɛ fuh daawiile dɛɛ tɛo a ta la bwa ta.

Jeremia 17:2

He nɛra laŋɔ kaa tomɛ kwaa haa dɛ ɛ sarahare a ta, ne voɡhaah Asera dajaŋa baa paaɡa dajena mune ne deŋɡarere,

Hosia 2:17

Maa ɡel ó yerɛ voɡa Baalre sɔna, waa a waa bol kpa.

Maeka 5:14

Mɛɛ fuɡri voɡhaah Asera dajaŋaa le he bini, dɛ́ paɡre he bwɛjena.

Sekaria 13:2

Mɛɛ le voɡa aa lɔ harɛ la ta la nee awola, baa wola a sɔnaa lii kpa. Mɛɛ le keame nyosonteŋna la nee, ásɛ dɛ ɡel ba pɛla le voɡa toma ta.

Nɛra Kura 33:52

hé doŋi bela tena baa lɔ harɛ la ta bwa le. Hé chɔɡ ba voɡa baa sɛah ne anɔ la baa loɡa, dɛ́ chɔɡ bela baa chema dɛɛ toma bwa.

Mmarare 12:4

He bɛ Korowii haa dɛ tomɛ nɔ dɛɛ tomɛ ŋwɛnɛ baa kpɔ o ta dɛɛ tomɛ ba voɡa la.

Mmarare 7:25

Hé fuh ba voɡare, he bɛ ɡel he pɛla lawɛ suuɡapoŋa ne suuɡaswɛm aa lɔ a ta la ásɛ dɛ ba kpɔa, dɛkalkɛŋɔ a do kɛŋɔ bela, dɛ́ won lawɛ heya. Korowii haa dɛ tomɔ nɔ kii.

Mmarare 7:5

Waa aa chɛ kɛŋɔ hé ɛɛ ba laanee kɛŋɔ, hé paɡre bela baa kpoo kwaa dɛ fuah dɛɛ tɛ ba voɡare, dɛ́ kuuɡi bwea baa paaɡa dɛɛ duura la, dɛ́ teŋni voɡhaah Asera dajaŋa la ta, dɛ́ fuh ba voɡare.

Wepila 13:1

A habɔɔ la, n na olchɔɡe bɛl wɛɛ le mpo ta. O dɔ nyuune anuanɛ dɛ nyeɡlare fi. Kooɡbɛrɛ pi o nyeɡlare la bɛlbwa ta, ba chwerɛ sɔnchɔɡe ɡe dawɛ nyuune la bɛlbwa ta, a ɛ chɛɡa tɛ Korowii.

Sitɔɔla 2:2

N ŋɔ he ne nɛra baa lɔ harɛ la ta la bɛ fɔo bɛlbwa fɔwɛ, dɛ́ kuuɡi kwaa baa dɛ ɛ saraha a ta dɛɛ tɛ ba voɡa la. Kɛ he ta waa maa do heyaa a ta la noɛ. Ɛrɛɛ he ɛ ɡɛ nɔɔ?