Mmarare 12:1 - mzwDBL

¹ Mosis berɔ ŋɔ, “Dɛ hé baa tel harɛ Korowii he naawa aa tomɔ aa kpɔa tɛ heyaa ŋɔ hé so o ta la aa, Mmarare aa chɛ kɛŋɔ hé teŋɛ a ta laanee kɛŋɔ,

Mmarare 12:1 Iomraidhean Croise

1 Koranar 8:40

Anee dɛ́ ɡel ya ɔmɛ, dɛɛ tomɛ saŋ bɛlbwa harɛ la haa kpɔa tɛ ya naawa la ta.

Job Tɔn 7:1

Job berɔ ŋɔ, “Nɛwɛnyini soɡa bini, tomkpeɡaa chɔ le dɛ tɛo, kɛŋɔ paate waa dɛ ɛ toma la.

Yela 104:33

Mɛɛ ɡo yelaa kpɛɛ Korowii n soɡa bini bwa, n ta soɡe le tenaa, mɛɛ ɡo yelaa dɛ́ kpɛɛ Korowii maa dɛ tomɔ.

Yela 119:5

N dɛ nyin kɛ n waa fe dɔ kasinteŋ, mɛɛ teŋɛ he waa ta!

Yela 146:2

Mɛɛ kpɛɛro n soɡa bini bwaa, dɛ́ ɡo yela ɡe kpɛɛ Korowii maa dɛ tomɔ saŋ bɛlbwa.

Ɛsekeɛl 20:19

Menee Korowii haa dɛ tom mɛ la, hɛɛ teŋɛ n waa ne me Mmarare maa kpɔa tɛ heyaa la ta kɛrɛdɛ.

Mmarare 11:32

hé nyiŋi kɛrɛdɛ dɛɛ teŋɛ mmarare la bwa maa kpɔa dɛɛ tɛ heyaa fini nɔ ta.”

Mmarare 12:19

Hé nyiŋi kɛrɛdɛ dɛ bɛ Lewi dea tena la ba ta he soɡa bini bwa harɛ la ta.

Mmarare 3:18

N ŋɔ ba be ɡɛ saŋ ŋɔ, ‘Korowii haa dɛ tomɔ laanee tɛ heyaa harɛ nɔ ŋɔ hé so o ta. Kɛ he laa tena la vɔwɛ ntoa dɛ́ le Jɔɔdan Moo baŋ, dɛ́ tɔ he bala Israel tena sie dɛ́ ka cha ba ba ɡe dɔ ba harɛ.

Mmarare 4:19

He bɛ ɡel he pɛla ba lawɛ kwaa aa lɔ nyundua kɛŋɔ wee ne korobie ne weweela, ásɛ he ba duura dɛ́ toma. Harɛre ane nɛraa Korowii ŋɔ baa toma, he te laa.

Mmarare 4:45

Anee ɛ webaɡla ne Mmarare Korowii aa kpɔa tɛɛ ba a ɡɛ saŋ baa le Ijipt harɛ ta ba habɔɔ,

Mmarare 4:5

Hé na, n baɡle heyaa Mmarare bwa ɡɛ Korowii maa dɛ tomɔ aa ŋɔ n be la, ásɛ he ɡe kaa teŋɛ a ta harɛ haa dɛ la ka kpɔ ó ɛ he kon la ta.

Mmarare 5:1

Mosis cheme Israel tena bwa dɛ ŋɔ ba be ŋɔ, “Hé no waa maa dɛ ba bola fini nɔ kɛrɛdɛ dɛɛ teŋɛ a ta. A ɛ Korowii Mmarare waa kpɔa tɛ heya.