Mmarare 11:16 - mzwDBL

¹⁶ Hé nyiŋi kɛrɛdɛ dɛ́ɛ berɛ he te laa dɛ́ kpɔ Korowii nɛɛ dɛ́ kaa tomɛ voɡa dɛ́ɛ ɡuŋa.

Mmarare 11:16 Iomraidhean Croise

1 Koranar 8:35

Kooro Solomɔn berɔ ŋɔ, “Dɛ ya Israel tena yaa ɛ he nɛra ɛ wechɔɡa dɛ jo he nɛ, asɛ he koh a waa dɛ lawɛ bwaala kpoŋe, asɛ ya charɛ ya liire dɛ kpɔ sie chaɡɛ he Dea nɔ bini dɛɛ soŋe naa,

Job Tɔn 31:27

a ta wone ɡel n liire berɛ kɛ n sɔh dɛ́ toma, n ta ɡuŋe dɛ kpɔ duure tɛa aa,

Aesaya 44:20

A ɛ wesale kɛŋɔ waa dɛ di tɔɔ ken. O neɡre o nyu dɛ nyoɡre ŋwɛnɛ. Waa won lɛ o te, á ba ɛ kɛŋɔ wɛɛ won jemɛ dɛ ŋɔ, “Kon maa kpoŋa ɛ nyosone kon.”

Amanesoma Luk Aa Chwera Tɔn 21:34

Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la,

Amanesoma Luk Aa Chwera Tɔn 21:36

Hé ɡel he sie chɔ harɛ hɛɛ kpa dɛɛ soŋe Korowii tɔpere bɛlbwa, dɛ dɔ bokpeɡa dɛ le a ɡɛ waa aa chiɡ la nyoa, asɛ dɛ won che Men Nɛn Bie sie.”

Amanesoma Luk Aa Chwera Tɔn 21:8

Anee Yeesu ŋɔ ba be ŋɔ, “Hé nyiŋi kɛrɛdɛ ásɛ nomɛlbwa bɛ heyaa neɡre. Nɛra pirim ɛɛ kpɔ n sɔnee ba dɛ́ ba ŋɔ banee men, dɛ́ ŋɔ tɔpere la telo. He bɛ ba nɛɛ teŋɛ.

Mmarare 12:30

hé nyiŋi kɛrɛdɛ dɛ bɛ ŋwɛnɛre baa cheɡɛ a ta dɛɛ tomɛ ba voɡare la ba nyiŋi, dɛ́ ɡe ɛɛ teŋɛ a ta, a do kɛŋɔ bela, dɛ́ lawɛ heya.

Mmarare 13:3

he bɛ a ɡɛ nɛn la be no. Korowii haa dɛ tomɔ nɔ dɛ daah heyaa, dɛ́ na kɛŋɔ he dɛ nyinu he bambile bwa ne he hweera bwa ne kɛɛ.

Mmarare 17:3

dɛ berɛ dɛɛ tomɛ voɡare ane, kɛɛ wee ne korobie dɛ weweela aa, amɔ o vɛh Korowii waa la ta teŋa.

Mmarare 28:14

He bɛ he te laa kpɔ le waa maa dɛ do heyaa a ta fini nɔ bɛlbwa ta. He bɛ a ta le dɛ́ ka teŋɛ voɡa nɛɛ dɛɛ toma.

Mmarare 29:17

He na voɡa aa ɛ kii kwaa ba kpɔ daa ne bwea ne suuɡapoŋa dɛ suuɡaswɛm ɛa.

Mmarare 29:18

Hé nyiŋi kɛrɛdɛ kɛŋɔ he nɛra haa cheɡɛ bonɔ fini nɔ, baa kɛɛ haah kɛɛ lolanar, kɛɛ dea bɛl tena aa Korowii yaa dɛ tomɔ nɔ tomaa ɡel dɛ́ ka tomɛ harɛ bɛl voɡa. Ásɛ a ba ɛ kɛŋɔ daa lur aa pama le dɛ nɔnɛ nɔnchɔɡa dɛ he diu waa he sewɛ la.

Mmarare 30:17

Dɛ he ɛ deŋnekpeɡ dɛ vɛh noe yaa, he liire ɛɛ charɔɔ he ka tomɛ voɡa.

Mmarare 31:20

Dɛ ŋɔ, Mɛɛ kpɔ baa kaa harɛpare ondɛɛɡe maa baɡɛ ba naawa o waa la ta. Baa dɔ kondikwaa bɛlbwa baa dɛ nyinii dɛ́ di ba bwara sɔɔh ba. Kɛ ane a bwa, baa ka le n habɔɔ, dɛ́ ka tomɛ voɡa. Baa vɛɛh mɛɛ dɛ́ chɔɡ fɔo n ne baa fɔwa la.

Mmarare 4:23

Hé nyiŋi kɛrɛdɛ dɛ bɛ fɔo he ne Korowii aa fɔwa la waa soh. He bɛ komɛlbwa kwaa dɛ tomɔ ɡɛ Korowii aa do heyaa la.

Mmarare 4:9

A bwaa kɛŋɔ hé nyiŋi kɛrɛdɛ dɛ́ ɡel he sie chɔ harɛ, hɛɛ berɛ waa haa naa la soeh. Hé bola baɡle he bii ne he naanar.

Mmarare 5:7

He bɛ voɡ bɛlbwa tomɛ ka ja n nɛ.

Mmarare 8:19

Hɛ́ɛ berɛ Korowii haa dɛ tomɔ la waa soeh, dɛ́ berɛ kaa tomɛ voɡare ane dɛɛ ɡuŋa. N dɛ ŋɔ he be fini kɛŋɔ, ate o fe ɛɛ kpoo heyaa,

Hibru 12:15

Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.

Hibru 2:1

Gɛɛ a do te naa, a chɛ kɛ ya do sie dɛ nyiŋi waa yaa noa la kɛrɛdɛ, ásɛ dɛ bɛ ba koni dɛ́ nyoɡre ŋwɛnɛ.

Hibru 3:12

Anomanta, yabala, hɛ́ɛ nyiŋi kɛrɛdɛ ásɛ he bini bɛlbwa bɛ liichɔɡa ba dɔ kɛŋɔ waa Korowii waa lole saŋ bɛlbwa laanee yarada, dɛ́ ba vɛh o waa ta teŋa.

Hibru 4:1

Korowii nyoa waa baɡɛ nɛra ona waa ŋɔa bá ba onɛ la ta lole. Anomanta, hé ɡel ya nyiŋi kɛrɛdɛ ásɛ he bɛlbwa bɛ a ɡɛ nyobaɡa la ba paŋɛ.

Jems 1:26

Dɛ nomɛl dɛ lii kɛ o ɛ Korowii torome, dɛ o ta nyotɔɡbom dɔe yaa, o dɛ neɡre o nyu. Naate Korowii toma la ɛ pɛɛpɛɛ.

1 Jɔn 5:21

N bidɛɛɡa, hé nyiŋi he te kɛrɛdɛ dɛ́ laa he te kpɔ komɛlbwa waa wola Korowii tenten ɛɛ la ta.

Wepila 12:9

asɛ Korowii kpɔ kontuuɡi damanta waa ɛ harɛkon la yaa jemɛ o waa mumpar bwa, baa yerɔ Baradeɛre Te ne Bɔnsam, wɛɛ neɡre nɛra bwa baa nyoɡre la, ne o bala bwa ta harɛ.

Wepila 13:14

Waa cheɡɛ loɡle olchɔɡe la naa ta dɛɛ ɛ wejena la nomanta, o wono neɡre nɛra baa lɔ harɛ nɔ ta dɛ ŋɔ bá ma komɛl kɛŋɔ olchɔɡe la ba fa aa kpɔ kere doo bol o sewɛ dɛ ir la.

Wepila 20:4

N na kookane, asɛ nɛra bane so a ta, asɛ Korowii tɛɛ ba ŋwɛnɛ bá won dɛɛ bol nɛra waa dɛ́ɛ pa bole. N na lala ba fa aa teŋɛ Yeesu kasinteŋ waa la ta, dɛ bol Korowii Wa, dɛ vɛh olchɔɡe la ne kon la baa mao la toma. Ba ta ɡelɛ ba do ba o nso la ba tili ne ba nɔɔra ta. Ba koh a waa teŋni ba nyuune. Ba ir seo ta, asɛ ba ne Kristo pɛ dɛɛ di kora bene kaɡboŋ.

1 Samoɛl 12:20

Samoɛl ŋɔ, “A lole kɛŋɔ he ɛ wechɔɡa nɔ bwa te, kɛ hɛɛ berɛ ɔma, he bɛ habɔɔ berɛ kpo Korowii, hɛ́ɛ tomɔ bambile bwa ne.

1 Samoɛl 12:21

Hé laa sie kpɔ voɡa ta. Wedɛɛɡa bɛlbwa toole a toma ta. Aa won lɛ heya, a wobɛlbwa ɛ wepuu.