Mmarare 11:1 - mzwDBL

¹ Mosis berɔ ŋɔ, “Anomanta, hɛ́ɛ nyin Korowii haa dɛ tomɔ nɔ waa dɛ́ɛ teŋɛ o Mmarare bwa ta.

Mmarare 11:1 Iomraidhean Croise

Yela 105:45

ɡɛ aa ɛ ásɛ baa teŋɛ o Mmarare, ne waa waa do ba a ta la ta. Hé kpɛɛ Korowii!

Yela 116:1

N dɛ nyin Korowii wa, dɛkalkɛ o no n be, o no n wii dɛ sune n nɛ.

Ɛsekeɛl 20:19

Menee Korowii haa dɛ tom mɛ la, hɛɛ teŋɛ n waa ne me Mmarare maa kpɔa tɛ heyaa la ta kɛrɛdɛ.

Lewi Dea Tena 18:30

Hɛɛ ɛ waa maa dɛ nyin, dɛ bɛ nɛra baa tɔ sie ba so harɛ nɔ ta la we-ɛɛla maa kia la ta teŋɛ, dɛ́ kpɔ doŋa kah he te. Menee Korowii haa dɛ tom mɛ la.”

Lewi Dea Tena 22:9

Sɔfore bwa chɛ kɛŋɔ bá teŋɛ dɛɛ ɛ anɔ la maa do ba a ta, dɛ bɛ sie laa kpɔ a ta, dɛ́ di bolchɔɡe dɛ́ ba sewɛ. Menee Korowii, menee lee ba cheɡ dɛ ɡel ba do ɡoroŋ.

Lewi Dea Tena 8:35

Hé soŋni Korowii Dea Cheremibɔr doonyoa tɔpera anuanɛ chɔɔ ne jwaana, ásɛ dɛɛ ɛ anɔ la aa wera o be. He vɛh ɡɛ Korowii aa do mɛ ŋɔ n bol he be la aa, sewaa hɛɛ ba sewa.”

Sekaria 3:7

Koranar Bwa Kooro ŋɔ, “Hɛɛ dɛɛ teŋɛ n waa taa, dɛɛ ɛ waa maa dɛ nyin tenaa, mɛɛ kpɔ n Dea wobɛlbwaa do he nɔn ta, ásɛ hɛɛ nyiŋi o dembaahna bwa ta. Mɛɛ no he wesoŋaa, ɡɛ maa dɛ no nyundua toroma baa cheɡɛ he sie nɔ wesoŋa.

Mmarare 10:12

Mosis berɔ ŋɔ, “Israel tena, waa Korowii aa dɛ nyin dɛ le he be taraken laanee kɛŋɔ, hɛ́ɛ ɔmɔ dɛ́ɛ teŋɛ o waa bwa ta, dɛ́ nyinu dɛ́ɛ tomɔ he bambile ne he hweera bwa ne,

Mmarare 11:13

Anomanta, dɛ he teŋɛ Korowii Mmarare maa kpɔa dɛɛ tɛ heyaa fini nɔ ta, dɛ nyin Korowii dɛ tomɔ he bambile ne he hweera bwa ne naa,

Mmarare 11:22

Dɛ he no waa maa dɛ do heya a ta nɔ kɛrɛdɛ dɛ teŋɛ a ta kasinteŋ ne, dɛ nyin Korowii haa dɛ tomɔ nɔ dɛ duuru, dɛ kpɔ he te pɛlo waa,

Mmarare 13:4

Korowii haa dɛ tomɔ nɔ nɛɛ chɛ kɛŋɔ hé teŋɛ, onee chɛ kɛ hé ɔmɛ. Hé teŋɛ o waa ta dɛɛ duuru, hé tomɔ dɛ́ kpɔ he te pɛlo.

Mmarare 27:10

Anomanta, hé do sie o be dɛ́ teŋɛ o Mmarare ne waa waa do heyaa mɛɛ do heyaa a ta fini nɔ ta.”

Mmarare 30:6

Korowii haa dɛ tomɔ nɔ ɛɛ tɛ he ne he naanar bambidɛɛɡee, ásɛ hɛɛ nyinu he bambile bwa ne he hweera bwa ne, ásɛ dɛ ta so harɛ la ta dɛɛ la.

Mmarare 4:1

Ate, Mosis ŋɔ Israel tena la be ŋɔ, “Hé no Mmarare bwa maa dɛ ba heyaa baɡla nɔ. Hé teŋɛ a ta dɛ́ dɔ he nyu ásɛ dɛ ka kpɔ harɛ Korowii he naawa aa tomɔ aa kpɔa dɛɛ tɛ heyaa la.

Mmarare 4:40

Hɛ́ɛ teŋɛ o Mmarare bwa maa dɛ bol he be fini nɔ ta, ásɛ a do wer tɛ he ne he bii ne naanar baa ka ba, ásɛ he won so harɛ waa kpɔa dɛɛ ba heyaa tɛɛ la ta saŋ bɛlbwa.”

Mmarare 4:5

Hé na, n baɡle heyaa Mmarare bwa ɡɛ Korowii maa dɛ tomɔ aa ŋɔ n be la, ásɛ he ɡe kaa teŋɛ a ta harɛ haa dɛ la ka kpɔ ó ɛ he kon la ta.

Mmarare 5:1

Mosis cheme Israel tena bwa dɛ ŋɔ ba be ŋɔ, “Hé no waa maa dɛ ba bola fini nɔ kɛrɛdɛ dɛɛ teŋɛ a ta. A ɛ Korowii Mmarare waa kpɔa tɛ heya.

Mmarare 5:29

Dɛ ba pɛla fe ɛɛ lawɔɔ saŋ bɛlbwa dɛɛ duu mɛ, dɛɛ teŋɛ n waa bwa ta naa, ba ne ba naanar wobɛlbwa fe ɛɛ maɡroo tɛɛ ba.

Mmarare 6:1

Mosis berɔ ŋɔ, “Mmarare Korowii aa do mɛ ŋɔ ń baɡle heyaa laanee mɛɛ ba heyaa baɡla nɔ. Hé kaa do sie a ta, harɛ haa dɛ ba o ta kaala ka so la ta.

Mmarare 6:5

Hé nyin Korowii he bambile bwa, he hweera ne he bokpeɡa bwa ne.