Mmarare 10:8 - mzwDBL

⁸ Gɛ saŋee Korowii le Lewi dea tena ŋɔ baa nyiŋi O Ne Nɛwɛnyina Fɔo Daka la ta, dɛ́ berɛ ɛ sɔfore dɛ́ che o sɔn ta dɛɛ swee andɛɛɡa dɛɛ tɛ nɛra. A ta chɔ ɡɛ ba le fini.

Mmarare 10:8 Iomraidhean Croise

1 Koranar 8:6

Asɛ sɔfore la kpɔ Korowii Ne Nɛwɛnyina Fɔo Daka la ka cheɡ Korowii Dea la bini, Boɡoroŋ Tenten bela Kerobim la kena lɔɡre.

1 Webena 15:2

Ate, Kooro Devid ŋɔ, “Nomɛlbwa toole dɛ́ che Daka nɔ ka ja Lewi dea tena nɛ, dɛkalkɛ banee Korowii le ŋɔ baa cheo, dɛɛ tomɔ o sie saŋ bɛlbwa dɛɛ la.”

1 Webena 15:26

Gɛ aa ɛ ásɛ Korowii cha Lewi dea tena, ásɛ ba won che Korowii Ne Nɛwɛnyina Fɔo Daka la nomanta, ba kpoo nabala anuanɛ ne pebala anuanɛ ɛ saraha tɛ Korowii.

1 Webena 23:13

Amram ɡe bibaalaa, Arɔn ne Mosis. Ba le Arɔn cheɡ, asɛ o ne o naanar ɛɛ nyiŋi kwaa baa lea cheɡ tɛ Korowii a do ɡoroŋ kohona ta. Asɛ ba kpɔ saraha kwaa dɛɛ la Korowii sie, dɛɛ ɛ toma o sie dɛ che o sɔn ta swee andɛɛɡa tɛ nɛra saŋ bɛlbwa dɛɛ la.

1 Webena 23:26

ɡɛ nomanta, Lewi dea tena la ta chɛ kɛŋɔ bá che Korowii Tɛnte Dea la kɛɛ komɛlbwa baa kpɔa dɛɛ tomɛ Korowii la kpa.”

2 Webena 29:11

N bii, he bɛ bɔhwaah dɛɛ ɛ, dɛkalkɛ heyaa Korowii le ŋɔ he che o sie fuh daawiile a sɔɔh aa soma dɛɛ tɛo, dɛ́ tɔ nɛra sie baa tomɔ.”

2 Webena 30:27

Sɔfore ne Lewi dea tena la iro, dɛ swee andɛɛɡa tɛ nɛra la, asɛ Korowii no ba wesoŋa le nyundua dɛ ɛ tɛɛ ba.

Yela 134:1

Hé kpɛɛ Korowii, hé nɛra haa ɛ o bonɔɔna bwa, hé banɔ la haa dɛ tomɔ o Dea jwaana.

Yela 134:2

Hé ɡɔɔ nɔɔra Korowii Dea bela dɛ́ kpɛɛro.

Yela 135:2

he nɛra haa dɛ tomɛ Korowii yaa dɛ tomɔ o Dea la.

Jeremia 15:19

Anomanta, waa Korowii aa dɛ bol men Jeremia be laanee nɔ, “He berɔ ba n be naa, mɛɛ lɛɛ, ásɛ he berɛ ɛ n keame. He dɛ bol wobodɛɛɡa, dɛ anchɔɡa laa aa, hɛɛ bol n waa dɛɛ tɛ mɛ. Gel nɛra nɔ no, dɛ́ ba he be, he te laa dɛ́ la ba be.

Ɛsekeɛl 44:11

Ba ken ɛɛ dɔ bɔree dɛɛ daah n Dea doonyoo la, dɛɛ ɛ toma bela. Baa kpo saraha kwaa baa fuah, ne nɛra la kwaa baa kpoora, dɛɛ cha ba.

Ɛsekeɛl 44:15

Kɛ Sadɔk naanar baa ɛ Lewi dea sɔfore dɛ kpɔ kasinteŋ ba tom mɛ n Dea bela, ɡɛ saŋ Israel tena aa le n habɔɔ la, banee ba n sie bela dɛ ba tom mɛ. Kɛ taraken, bá ba che n sie dɛ́ kpɔ ola noorare ne a chale ɛ sarahare dɛɛ tɛ mɛ. Men Nemenɛ Korowiirii bola.

Lewi Dea Tena 8:9

Asɛ dɛ kpɔ ɡbɛrɛjen la pi Arɔn, dɛ kpɔ suuɡaswɛm kon waa do pɛmpɛŋ dɛ do ɡoroŋ la vɔwɛ pɛl ɡbɛrɛ la sie, ɡɛ Korowii aa do Mosis la.

Lewi Dea Tena 9:22

Asɛ Arɔn ɡɔɔ o nɔɔra dɛ soŋe andɛɛɡa tɛɛ ba. Waa ɛ wechɔɡa kpɔe dɛ kɛ saraha ne saraha kwaa baa dɛ fuah ne deŋnesɔɔhna saraha la tonɛ la, asɛ o tu ba harɛ.

Nɛra Kura 3:31

Ba tomaa kɛŋɔ báa nyiŋi Korowii Ne Nɛwɛnyina Fɔo Daka la ta, ne teebur ne kandea daa ne kwaa baa dɛ ɛ saraha a ta la, ne koŋkwaa sɔfore aa kpɔ dɛɛ ɛ toma Korowii Tɛnte Dea bela, ne pateesan waa tɔ Boɡoroŋ Tenten la ta. Gɛ bwa aa chɛ kɛ bá kpɔ kwaa nɔ bwa ɛ toma lɔ ba nɔn ta.

Nɛra Kura 3:6

“Kpɔ Lewi dea tena ka tɛ sɔfo Arɔn, ásɛ ba ja o nɛɛ dɛɛ cha sɔfore toma.

Nɛra Kura 4:15

Dɛ he dɛ ba ira kaa bofale, asɛ Arɔn ne o bibaala tɔ laala aa do ɡoroŋ ne kwaa aa do ɡoroŋ baa kpɔa dɛɛ ɛ toma la ta tonaa, mɔɔ Kohat naanar ká kpɔ che kaa. Kɛ ba bɛ a ɡɛ kwaa aa do ɡoroŋ la leɡe, ásɛ dɛ ba sewɛ. Banee dɔ ŋwɛnɛ kɛ bá che n Dea Cheremibɔr laala ne o koŋkwaa bwa.

Amanesoma Jɔn Aa Chwera Tɔn 15:16

He laa lee mɛ, menee le heya. Gɛ kpaldɛɛɡe aa dɛ nɔnɛ la, ɡɛɛ mɛɛ nyin kɛ he do, dɛɛ ɛ n Mɛɛ tetoowa, dɛ bɛ an ɡel bwa. Dɛ he dɛ ɛ ɡɛ naa, komɛlbwa haa soŋe n sɔn ta la, wɛɛ tɛ heyaa.

We-ɛɛla 13:2

Awola bɛl, a ɡɛ nɛra nɔ aa vɔwɛ nyoa dɛɛ tomɛ Korowii la, Korowii Domadɛɛɡe baa ŋɔ ba be ŋɔ, “Hé le Banabas ne Sɔɔl tɛ mɛ, ásɛ ba ɛ toma maa lee ba ŋɔ bá ba ɛ la.”

Tɔn Pɔɔl Aa Chwerɛ Rom Tena 1:1

Men Pɔɔl maa ɛ Yeesu Kristo bonɔɔ la, men chwerɛ tɔn nɔ. Korowiirii lee mɛ dɛ ɡel n ɛ Yeesu torome, dɛ kpɔ o Amanesoma tɛ mɛ ŋɔ mɛ́ɛ bol nɛra be.

Tɔn Pɔɔl Aa Chwerɛ Rom Tena 12:7

Dɛ he dɔŋa toma kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ waa baɡla kpeɡri ɡee o tɛɛ naa, a chɛ kɛ hɛɛ baɡle.

2 Kɔrent 6:17

Anomanta, n bolɔ ŋɔ, ‘Hé le ba bini! Hé pere he te le ba nɛɛ kwara! He bɛ komɛlbwa waa kah doŋa leɡe, ásɛ n lɛ heya,

Galaasia 1:15

Kɛ Korowii te lee mɛ kwaraa mɔɔ ba lol mɛ, asɛ dɛ sune n nɛɛ dɛ cha mɛ, dɛ kpɔ mɛ do toma nɔ ta.

Mmarare 17:12

Dɛ nomɛl baah suu o ta waa nɛn waa dɛ pa bole kɛɛ sɔfo waa cheɡɛ Korowii haa dɛ tomɔ la naa ta waa ta teŋaa, kpoe chɛ kɛŋɔ bá kpoo. Gɛ ŋwɛnɛ nɔ taa hɛɛ ba cheɡa, dɛ́ le ɡɛ wechɔɡa la ne Israel harɛ ta.

Mmarare 18:5

dɛkalkɛŋɔ ba ne ba naanaree Korowii haa dɛ tomɔ le he deene la bwa bini ŋɔ bá che o sɔn ta, dɛ́ɛ ɛ o toma saŋ bɛlbwa.

Mmarare 21:3

Bwɛɛ waa bɛne bela waa chɔa la nomonome nyin nalor baa wola on kpɔe parɛ bwa la,

Mmarare 21:5

Lewi dea tena baa ɛ sɔfore la tɔ sie, dɛkalkɛŋɔ Korowii haa dɛ tomɔ nɔɔ lee ba ŋɔ baa ɛ o toma dɛ́ soŋe andɛɛɡa dɛɛ tɛ nɛra o sɔn ta. Ba nyoa wobol taa bá che dɛ́ bol wobɛlbwa aa lɔ nɛra baah ta, ne dɔŋa lɔɔra waa bɛlbwa ta.

Mmarare 31:9

Ate, Mosis chwerɛ Korowii Mmara la dɛ kpɔ do Lewi dea tena baa ɛ sɔfore la ne Israel nomonome la nɔn ta. Sɔfore laanee dɛɛ nyiŋi Korowii Ne Nɛwɛnyina Fɔo Daka o ne Israel tena fɔo baa fɔwa ba chwerɛ dɛ kpɔ do o bini la ta.