Mmarare 10:5 - mzwDBL

⁵ Ate, n berɛ kpɔa tu dɛ ba kpɔ do daka la bini ɡɛ Korowii aa do mɛ la. A ta lɔ o bini ba le fini.”

Mmarare 10:5 Iomraidhean Croise

Kaala 25:16

Ásɛ he kpɔ bwepɛle anɛ me Mmarare la aa dawɛ a ta mɛɛ ba kpɔe tɛɛ la, do Daka la bini.

Kaala 25:21

Kpɔ bwepɛle anɛ maa kpɔ tɛɛ la do Daka la bini dɛ́ kpɔ o tɔ la tɔ.

Kaala 32:15

Mosis kpɔ bwepɛle anɛ Korowii aa ɛ o Mmarare dawɛ a baŋne anɛ bwa ta la kpoŋe dɛ tu bwejen la.

Kaala 34:28

Mosis soɡe Korowii be bela tɔpera fifraanaarɛ chɔɔ ne jwaana. Dɛ waa kwaa di waa nee ɡe nyɔ. Asɛ Korowii chwerɛ o fɔo waa la dawɛ bwepɛle anɛ Mosis aa sɛah la ta. O Mmara fi laanee o chwerɛ dawɛ a ta.

Kaala 34:29

Belaa Mosis kpɔ bwepɛle anɛ la dɛ tu Sinai Bwejen la. Dɛ o ta jemɛ kɛŋɔ o ne Korowii aa bol waa la, a ɡelɔ o sie ɛɛ nyɛɡle.

Kaala 40:20

O kpɔ bwepɛle anɛ la do Korowii Ne Nɛwɛnyina Fɔo Daka la bini, dɛ kpɔ daa la su kwaa aa do kɛŋɔ nɔnloɡa la baa kpɔ dɛɛ cheo la, dɛ kpɔ o tɔ la tɔ o ta.

Mmarare 10:2

Ásɛ n chwerɛ waa n fa aa chwera dawɛ anɔ la haa laa paɡre la, ásɛ he kpɔ do daka la bini.’

Mmarare 9:15

Anee men Mosis laa berɛ dɛ tu, dɛ kpoŋe bwepɛle anɛ la fɔo la aa lɔ a ta la, dɛ nii la ta dɛ lawɛ bwejen la ta.

Josua 4:9

Josua ɡe kaa kpɔ bwefala fi dɛ anɛ Jɔɔdan Moo la nenabɔɔ baah ta, dɛ kpɔ paaɡe bela sɔfore baa cheɡɛ Korowii Ne Nɛwɛnyina Fɔo Daka la fa aa cheɡa la. A ta cheɡɛ bela ba le fini.