Mmarare 1:8 - mzwDBL

⁸ Harɛ nɔ waa chɔ he sie nɔ, hé kaa dɛ́ ka kpɔ. Harɛ nɔɔ n baɡɛ nyoa ŋɔ mɛɛ kpɔɔ tɛ he naawa, Abraham ne Aesek ne Jekɔb dɛ ba naanar baa ka ba la.’ ”

Mmarare 1:8 Iomraidhean Croise

Mumpar 12:7

Belaa Korowii ba Abram be dɛ ba ŋɔ, “Harɛ nɔɔ mɛɛ ba kpɔe tɛ he naanar.” Anomanta, Abram pa bwea dawɛ dɔŋa nɛ bobɛl, dɛ kwaa saraha kon dɛ kpoo kwaa dɛɛ tɛ Korowii bela, kpɔe Korowii aa kpɔ o te baɡlo la wa.

Mumpar 15:16

He naanar bele banaarɛ ɛɛ ba kaaloo mɔɔ, he naanar berɛ ba harɛ nɔ ta, dɛkalkɛŋɔ Amɔre tena wechɔɡa baa dɛ ɛ la ta tele kɛ bá dɔ deŋnetɛra mɔɔ.”

Mumpar 15:18

Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

Nehemia 9:15

Lɔr aa dɛ kpo ba la, he tɛɛ ba kondikwaa le nyundua, nyɔɡre aa dɛ kpo ba la, he ɡelɔ nee le bwe ta tɛɛ ba ba nyɔ. He ŋɔ bá ka kpɔ harɛ haa baɡ ba nyoa ŋɔ hɛɛ kpɔɔ tɛɛ ba la.

Kaala 23:31

Mɛɛ ɡeloo he jwɛh le Mposwɛm la ta ka le Mɛdetereenea Mpo ta, dɛ́ kpɔ ka le pua hɛŋle ɡbo harɛ ta, dɛ́ kaa Yufretis Moo la ta. Mɛɛ kpɔ nɛra baa soɡe harɛ la ta bela laanee do he nɔn ta, ásɛ he doŋ ba le he sie.

Kaala 33:1

Ate, Korowii ŋɔ Mosis be ŋɔ, “Le bonɔ kaa, he ne nɛra haa kpɔ ba le Ijipt harɛ ba la, ásɛ dɛ kaa harɛ maa ŋwɛɛra baɡle Abraham ne Aesek dɛ Jekɔb ŋɔ ba naanaree mɛɛ ba kpɔe tɛ la ta.

Jeremia 32:22

He kpɔ harɛpare ondɛɛɡe waa do ken nɔ tɛɛ ba, ɡɛ he fa aa baɡɛ ba naawa nyoa la.

Ɛsekeɛl 47:14

Bɔno kɛrɛdɛ bɛlbwa dɔ o kon, dɛkalkɛ n ir nɔn dɛ ŋwɛɛ kɛŋɔ he naawaa n kpɔ harɛ nɔ tɛ. Harɛ nɔɔ dɛ́ ɛ he kapɛrɛ kon.

Nɛra Kura 14:23

ba bini beŋkpoŋ ɡba aa harɛ maa ŋwɛɛ ntam dɛ baɡɛ ba naawa nyoa ŋɔ mɛɛ kpɔɔ tɛɛ ba la taa tel. Nomɛlbwa o siwi aa wola men tɔɡɛ la aa harɛ la taa tel.

Nɛra Kura 32:11

‘Baala baa le Ijipt harɛ ta ba, dɛ dɔ bene fifraanɛ ne a habɔɔ la aa harɛ maa ŋwɛɛra, dɛ baɡɛ nyoa ŋɔ n kpɔɔ tɛ Abraham ne Aesek dɛ Jekɔb naanar laanee na, ba ta n nɛɛ teŋɛ bambile bwa ne.

Mmarare 1:11

Ó ɡel he ya ɡɛ bele kaɡboŋ, dɛ́ swee andɛɛɡa tɛ heya, ɡɛ waa baɡɛ heyaa nyoa la.

Mmarare 1:35

‘Nɛra nɔ te kapa wechɔɡa aa su ba nɔ bini bɛlbwa aa harɛpare ondɛɛɡe maa baɡɛ nyoa ŋɔ mɛɛ kpɔɔ tɛ ba naawa la aa belaa la,

Mmarare 10:11

Ate, Korowii ŋɔ n be ŋɔ, ‘Kaa dɛ́ ka tɔ nɛra la sie, dɛ́ kpɔ ba kaa harɛ maa ŋwɛɛraa baɡle ba naawa ŋɔ mɛɛ kpɔɔ tɛɛ ba, bá ka so ó ɛ ba kon la ta.’ ”

Mmarare 11:24

Bobɛlbwa haa kpɔ kaa la ɛɛ ɛ he konee. He harɛ ɛɛ le pua hɛŋle ɡbo harɛ la taa, dɛ́ kaa Lɛbanɔn dɛ́ berɛ le Yufretis Moo ta dɛ́ kaa wee cholibɔr Mɛdetereenea Mpo la ta.

Mmarare 11:9

ásɛ dɛ dɔ mkpajaŋ harɛpare ondɛɛɡe, Korowii aa ŋwɛɛ o waa he naawa be ŋɔ wɛɛ kpɔɔ tɛ ba ne ba naanar la.

Mmarare 2:29

ɡɛɛ Esɔ naanar baa soɡe Sɛɛ, ne Moab tena baa soɡe Ar ɛ yaa. Ya dɛ kaa ka le Jɔɔdan Moo dɛ kaa harɛ Korowii aa kpɔa tɛ yaa la ta.’

Mmarare 26:15

N Naa Korowii, che he sobɔr waa lɔ nyundua ba sie ne harɛ, dɛ́ swee andɛɛɡa tɛ he nɛra Israel tena, harɛ haa tɛ yaa ɡɛ haa ŋwɛɛ ntam, dɛ baɡɛ ya naawa nyoa harɛpare ondɛɛɡe nɔ.’ ”

Mmarare 26:3

Hé kpɔ ka tɛ sɔfo waa so bela ɡɛ saŋ la dɛ́ ŋɔ, ‘Fini n cheɡɛ bonɔ dɛ bol dɛɛ baɡle Korowii haa dɛ tomɔ nɔ be kɛŋɔ, n tel harɛ waa ŋwɛɛ o waa ŋɔ wɛɛ kpɔɔ tɛ ya naawa la ta.’

Mmarare 28:11

Wɛɛ tɛ heyaa biirii taeh, dɛ́ tɛ heyaa nae kohona, ásɛ dɛ berɛ ɡel he dɔ koo kondikwaa kohona, harɛ waa baɡɛ he naawa nyoa ŋɔ wɛɛ kpɔɔ tɛ heyaa la ta.

Mmarare 29:12

kɛŋɔ he bwa ɛɛ sɛh fɔo he ne Korowii haa dɛ tomɔ nɔ aa fɔwa nɔ taa dɛ́ ɛ wobɛlbwa.

Mmarare 30:20

He nyin Korowii haa dɛ tomɔ nɔ, dɛ́ teŋɛ o waa ta kasinteŋ ne, dɛ́ kpɔ he te pɛlo, ásɛ he ne he naanar biɡri harɛ waa baɡɛ nyoa ŋɔ wɛɛ kpɔɔ tɛ he naawa Abraham ne Aesek dɛ Jekɔb la ta.”

Mmarare 31:7

Ate, Mosis yerɛ Josua dɛ bol o be Israel tena la bwa siwi ta ŋɔ, “Che kiŋkiŋ, bɛ ɔmɛ, dɛkalkɛŋɔ henee dɛɛ ba nɛra nɔ sie tɔe, dɛ́ kpɔ ba ka so harɛ Korowii aa kpɔa baɡɛ ba naawa nyoa la ta.

Mmarare 34:4

Dɛ ŋɔ Mosis be ŋɔ, “Harɛ nɔɔ n kpɔ baɡɛ Abraham ne Aesek dɛ Jekɔb nyoa, ŋɔ mɛɛ kpɔɔ tɛɛ ba naanar la. N ɡelɔ hɛɛ nao te, kɛ maa ɡel he tel o ta.”

Mmarare 4:1

Ate, Mosis ŋɔ Israel tena la be ŋɔ, “Hé no Mmarare bwa maa dɛ ba heyaa baɡla nɔ. Hé teŋɛ a ta dɛ́ dɔ he nyu ásɛ dɛ ka kpɔ harɛ Korowii he naawa aa tomɔ aa kpɔa dɛɛ tɛ heyaa la.

Mmarare 6:10

Mosis berɔ ŋɔ, “Dɛ Korowii kpɔ heyaa ka tel harɛ waa baɡɛ he naawa, Abraham ne Aesek dɛ Jekɔb nyoa kɛ wɛɛ tɛ heyaa la ta, bwɛjena aa wera he laa vɔrɔwa,

Mmarare 7:12

Dɛ he no ɡɛ waa nɔ dɛ teŋɛ a ta kasinteŋ ne naa, Korowii haa dɛ tomɔ ɛɛ teŋɔɔ dɛ́ kpoŋe o fɔo la bini, dɛ́ɛ nyin he waa ɡɛ waa ŋwɛɛra baɡle he naawa la.

Mmarare 7:13

Wɛɛ nyin heyaa dɛ́ swee heyaa andɛɛɡa, dɛ́ ɡel he mun ya kohona. Wɛɛ ɡeloo he loɡle, he kooni kwaa kɛŋɔ mea ne ɡrepore ne ɔlevere bwa do wer, ásɛ he kondɛɛra ɡe ya. A ɡɛ hɛɛra nɔ bwaa wɛɛ ba kpɔe tɛ heyaa harɛ la waa ŋwɛɛra baɡle he naawa ŋɔ wɛɛ kpɔɔ tɛ heyaa la ta.

Mmarare 7:8

Nyina waa dɛ nyin heyaa la, ne o baɡa waa baɡɛ he naawa nyoa la waa o che o kpeɡri ta lɛ heyaa le Ijipt kooro nɔn ta ne somanjiri dii waa dɛ do heyaa a ta la ta.

Mmarare 8:1

Mosis berɔ ŋɔ, “Hé ɡel he sie chɔ harɛ hɛɛ teŋɛ Mmarare maa kpɔa tɛ heyaa fini nɔ ta kɛrɛdɛ. Ásɛ dɛ dɔ he nyu, hé mun ya dɛ́ won jo harɛ Korowii aa baɡɛ he naawa nyoa la ta dɛ́ kpɔ ɛ he kon.

Mmarare 9:5

A ta ɛɛ kɛŋɔ he ɛ nɛndɛɛɡa dɛɛ ɛ anɔ la aa wera waa hɛɛ la dɛ́ ka lɛ ba harɛ so. Ba nyubinikpeɡ waa ɡela Korowii ɛɛ ba he sie tɔe dɛ́ doŋ ba le tɛ heya, ásɛ dɛ ɡel waa waa koh a waa baɡɛ he naawa, Abraham ne Aesek dɛ Jekɔb nyoa la won che.

Hibru 6:13

Korowii baɡɛ Abraham nyoa. Waa baɡɔ nyoa la, komɛlbwa aa wola toole dɛ ɡwaalo la, o ɡbaɡbaa o ŋwɛɛ, dɛ ŋɔ,

Hibru 6:14

“N ŋwɛɛrɔ kɛŋɔ mɛɛ sweeree andɛɛɡaa, dɛ́ tɛɛ naanar kohona.”

Josua 1:6

Kɛ che kiŋkiŋ, dɔ bambile, henee dɛɛ ba Israel tena sie tɔe ba ka so harɛ maa kpɔa baɡɛ ba naawa nyoa la ta.

Sitɔɔla 2:1

Korowii nyundua torome le bwɛɛ baa dɛ yerɔ Gelɡal dɛ ba bol waa Bokim tena be ŋɔ, “Menee lɛ heyaa le Ijipt harɛ ta, dɛ ba he ne harɛ maa baɡɛ he naawa nyoa kɛŋɔ mɛɛ kpɔɔ tɛ heyaa la ta la. N bol he be ŋɔ maa fɔo n ne haa fɔwa laanee chɔɡ bwa.