Mmarare 1:2 - mzwDBL

² Le Sinai Bwejen ta dɛ́ fɛrɛ Sɛɛ Bwejen la dɛ́ kaa Kades Baanea ɛɛ ɛ tɔpera fi dɛ beŋkpoŋ ŋwɛnɛɛ.

Mmarare 1:2 Iomraidhean Croise

Mumpar 32:3

Belaa Jekɔb tomɛ toroma ŋɔ bá tɔ o sie dɛ́ kaa o dɔɔ Esɔ be. Dɛ Esɔ soɡe harɛ bɛl baa dɛ yerɛ bela Edom.

Kaala 17:6

Mɛɛ ka che bwe bɛl jwɛɛh Sinai Bwejen ta belaa dɛɛ kpa heya. Dɛ he tel belaa, kpɔ daŋɡbala la lɔ bwe la, nee ɛɛ le o taa ba, ásɛ nɛra la dɔ nyɔ.” Asɛ Mosis ɡe ɛ ɡɛ waa nɔ bwa Israel nomonome la siwi ta.

Kaala 3:1

Awola bɛl, Mosis kpɔ o helabaa Jetro waa ɛ Midian sɔfo la kondɛɛra kaa di bɔr. O teɡa ka ɡarɛ pua hɛŋle ɡbo harɛ ta, dɛ ka le bwe waa do ɡoroŋ baa yerɔ Sinai la ta.

Lewi Dea Tena 2:14

Dɛ he kpɔ meloɡla dɛɛ ba ba ɛ saraha tɛ mɛ naa, kpɔ an wɔɔra baa peɡra kɛɛ dɛ nama.

Lewi Dea Tena 9:23

Ate, Mosis ne Arɔn jo Korowii Dea Cheremibɔr la bini. Baa bera le buse la, ba soŋe andɛɛɡa tɛ nɛra la, asɛ Korowii jirima chaah nɛra la bwa nɛ.

Nɛra Kura 13:26

Toroma la berɔ ba Mosis ne Arɔn dɛ Israel tena la bwa be Kades waa lɔ Paran pua hɛŋle ɡbo harɛ la ta. Dɛ ba bol waa baa kaa na la Israel tena la bwa be, dɛ kpɔ harɛ la ta daa nɔna la baɡ ba.

Nɛra Kura 32:8

Kenii he naawa faa ɛ ɡɛ saŋ yaa lɔ Kades Baanea, asɛ n tom ba ŋɔ bá ka sɔh nyiŋi harɛ la.

Mmarare 1:19

Asɛ ya ir le Sinai Bwejen ta, ɡɛ Korowii aa ŋɔ ya be la, dɛ kpɔ pua hɛŋle ɡbo harɛ waa do kan kohona dɛ do ɔma la ta, dɛ kpɔ sie chaɡɛ Amɔre tena deŋɡarere harɛ he fa aa naa la ta dɛ ka tel Kades Baanea.

Mmarare 1:44

Belaa Amɔre tena baa soɡe bela la le ba tɔ he nɛ, dɛ ɡbaa heyaa kɛŋɔ toohna, dɛ kpoo heyaa le Sɛɛ ka tel Hɔrma.

Mmarare 2:1

Mosis berɔ ŋɔ, “Ate, ya laa berɛ dɛ kpɔ sie chaɡɛ pua hɛŋle ɡbo harɛ waa lɔ Mposwɛm ŋwɛnɛ ta, ɡɛ Korowii aa bol n be la. Ya ɡaaɡɔ kpɔ Sɛɛ deŋɡarere dor kɛrɛdɛ dɛ biɡri bela.

Mmarare 2:4

A ka tama hé ka kpɔ he lolanar baa ɛ Esɔ naanar dɛ do Sɛɛ harɛ jwɛh ta kaa. Baa dɛɛ ɔmɛ heyaa, kɛ hé nyiŋi kɛrɛdɛ.

Mmarare 2:8

Anomanta, ya kpɔ Esɔ naanar baa lɔ Sɛɛ harɛ la ta, dɛ ɡel Araba ŋwɛnɛ waa kaa Elat ne Eseɔn Gɛba, dɛ kpɔ pua hɛŋle ɡbo harɛ ŋwɛnɛ waa kaa Moab harɛ ta la.

Mmarare 9:23

Gɛ saŋ Korowii aa le he ne Kades Baanea la, O ŋɔ, ‘Hé kaa dɛ́ ka kpɔ harɛ la maa kpɔa tɛ heyaa la so ó ɛ he kon.’ Kɛ he le Korowii haa dɛ tomɔ nɔ habɔɔ he ta on yaradae, he ta duure kpɔe tɛo.

Josua 14:6

Awola bɛl, Juda dea tena bane ne Kaleb, baa dɛ yerɛ o mɛɛ Jefune o ɛ Kenis te iro, dɛ la Josua be Gelɡal, asɛ Kaleb ŋɔ o be ŋɔ, “Lii ɡɛ saŋ yaa lɔ Kades Baanea asɛ Korowii bol n ne he waa baɡle Mosis waa ɛ Korowii bonɔɔ waa ya be la.