Mmarare 1:19 - mzwDBL

¹⁹ Asɛ ya ir le Sinai Bwejen ta, ɡɛ Korowii aa ŋɔ ya be la, dɛ kpɔ pua hɛŋle ɡbo harɛ waa do kan kohona dɛ do ɔma la ta, dɛ kpɔ sie chaɡɛ Amɔre tena deŋɡarere harɛ he fa aa naa la ta dɛ ka tel Kades Baanea.

Mmarare 1:19 Iomraidhean Croise

Jeremia 2:6

Ba ta n waa bɔɔrɛ ŋɔ, ‘Leperaa Korowii dɔɔ? Onee lawɛ yaa le Ijipt harɛ, dɛ kpɔ yaa valɛ pua hɛŋle ɡbo harɛ ta, harɛ komɛlbwa aa wola toole o ta, o dɔ bɔluŋe, biro ne hwel do bela, nomɛlbwa aa o ta kpɔ, á ba ɛ kɛŋɔ nɛra ɛɛ so belaa.’

Nɛra Kura 10:12

Ate, Israel tena la le Sinai pua hɛŋle ɡbo harɛ la ta, ba ɡaaɡa dɛ so dɛɛ ir bwa bini la, bam la berɔ ka che Paran pua hɛŋle ɡbo harɛ ta.

Nɛra Kura 13:13

Aasa dea, Maekel bibaa Sɛtur.

Nɛra Kura 13:26

Toroma la berɔ ba Mosis ne Arɔn dɛ Israel tena la bwa be Kades waa lɔ Paran pua hɛŋle ɡbo harɛ la ta. Dɛ ba bol waa baa kaa na la Israel tena la bwa be, dɛ kpɔ harɛ la ta daa nɔna la baɡ ba.

Nɛra Kura 14:14

A ba ɡɛ naa, baa boloo baɡle nɛra baa soɡe harɛ nɔ ta bá ɡe jemɛ a wa. Ba noɔ wubwa dɛ jemɛ kɛŋɔ he cheɡɛ ba habɔɔ he ne ba bol wa, he bam tɔ ba nɛɛ baa valɛ. He tɔ ba sie webaŋa bam waa do jaŋne kaa nyundua bini, asɛ dɛ bɔr joɔ ɡe aa, o yon berɛ nii tɔ ba sie.

Nɛra Kura 32:8

Kenii he naawa faa ɛ ɡɛ saŋ yaa lɔ Kades Baanea, asɛ n tom ba ŋɔ bá ka sɔh nyiŋi harɛ la.

Mmarare 1:2

Le Sinai Bwejen ta dɛ́ fɛrɛ Sɛɛ Bwejen la dɛ́ kaa Kades Baanea ɛɛ ɛ tɔpera fi dɛ beŋkpoŋ ŋwɛnɛɛ.

Mmarare 1:20

Asɛ n ŋɔ he be ŋɔ, ‘Hé tel Amɔre tena deŋɡarere harɛ Korowii yaa dɛ tomɔ aa kpɔa tɛ yaa la ta.

Mmarare 1:7

Hé ir bonɔ dɛ́ kaa Amɔre tena deŋɡarere harɛ, ne harɛre aa bɛne bela dɛ do Araba Fɛlembɔjen la ta, bwejena harɛ ne wee cholibɔr deŋɡarere ta ne Nɛɡɛv waa ɛ pua hɛŋle ɡbo harɛ dɛ kaa Mɛdetereenea Mpo nyoa. Dɛ́ kpoŋe kaa Keenan tena harɛ ta, ne Lɛbanɔn harɛ, hale dɛ́ kaa Yufretis Moo ta.

Mmarare 2:7

Korowii swee heyaa andɛɛɡa toma haa ɛa bwa ta. Onee nyiŋi he nɛɛ he vala ta pua hɛŋle ɡbo harɛ waa do kan kohona ta la. Korowii ja he nɛɛ bene fifraanaarɛ nɔ bwa ta, o ta ɡelɛ komɛlbwa paŋɛ heya.

Mmarare 32:10

Korowii na ba baa ɡaaɡe pua hɛŋle ɡbo harɛ ta, harɛ waa chɔ pɛɛ olchɔɡa sii ɡbo tɔ bela peujena ɛɛ ta bela. O tɔ ba ɡbemɡbe dɛ nyiŋi ba nɛ kɛŋɔ o ɡbaɡba ken.

Mmarare 8:15

Onee tɔ he sie dɛ kpɔ heyaa kpɔ pua hɛŋle ɡbo harɛ waa kana dɛ do ɔma, nyɔɡre ne hwel ne harɛkonchɔɡa, ne nɔrɔme aa lɔ o ta la. Onee ɡela nee le bwe ta dɛ tɛ heyaa he nyɔ la.

Josua 10:41

Josua pɔ harɛre ane baa dɛ yera Kades Baanea dɛ kpoŋe kaa bwɛjen Gasa ne Gosen harɛ ta, dɛ ka tel bwɛjen Gebeɔn ne o harɛre aa baro cheme ta.