Mmarare 1:16 - mzwDBL

¹⁶ Dɛ ŋɔ ɡɛ sitɔɔla la be ŋɔ, ‘Hé no waa aa ba he baah ta kɛrɛdɛ dɛ́ bola a toɡre, hale dɛ he Israel tena ɡbaɡba baah taa yoo, dɛ hɔɔhra he ne baa pɛa baah taa yoo,

Mmarare 1:16 Iomraidhean Croise

Mumpar 18:25

N jemɔ kɛŋɔ haa pɛ kpo nɛnchɔɡa ne nɛndɛɛɡa. Akai, haa ɡɛɛ ɛ. He ɛ ɡɛ naa, nɛndɛɛɡa ne nɛnchɔɡa bwaa hɛɛ ba pɛɛ tɛr ba deŋne la. A ne he sɔn ta maɡrɛ kwaraa! He nɛn haa ba bol harɛ nɔ ta nɛra bwa waa dɛ́ pa bole la ta chɛɛ kɛ he ɛ anɔ la aa maɡraa?”

2 Samoɛl 23:3

Korowii Israel tena aa dɛ tomɔ bol wa, Korowii waa do kɛ Bwetal ba chwa kaa marɔ la ŋɔ n be ŋɔ, ‘Kooro bɛlbwa waa dɛ nyiŋi o nɛra nɛɛ kasinteŋ ne dɛɛ ɔmɛ Korowii la,

Yela 58:1

Hé koranar, hé bol waa dɛɛ pa bole aŋwɛnɛ ta naa? Hé bol nɛra waa dɛɛ pa bole ɡɛ aa chɛ aa?

Kaala 22:21

Hɛ́ɛ berɛ nɛŋhɔɔh hɔhɔrɔwa doe kɛɛ dɛɛ fiiɡu, dɛkalkɛ he ɡe fa ɛ hɔɔhra Ijipt harɛ ta ka.

Sɛɡla 31:9

Bol waa dɛɛ tɛ a ɡɛ nɛra ŋwɛnɛdɛɛɡe ta, ásɛ dɛ ɛ nɛn waa bol waa dɛɛ pa bole aŋwɛnɛ ta.”

Lewi Dea Tena 19:15

Hé nyiŋi dɛɛ pa waa bole aŋwɛnɛ ta. Naate ɛ nyaaraa, he bɛ o nɛɛ sune, he bɛ suuɡa te ɡe siebɔr nyiŋi. Kpɔ kasinteŋ pa he dɔŋ bole.

Lewi Dea Tena 24:22

Mmara beŋkpoŋii chɛ kɛ ó chɔ le tɛ deela ne hɔɔhra bwa. Menee Korowii haa dɛ tom mɛ la.’ ”

Nɛra Kura 27:19

Kpɔɔ ka che sɔfo Eliasa ne nɛra la bwa sie, ásɛ dɛ kpɔ toma la do o nɔn ta.

Amanesoma Jɔn Aa Chwera Tɔn 7:24

Hɛ́ɛ pese wobɛlbwa kɛrɛdɛ mɔɔ dɛɛ bola. He bɛ ŋɔ waane aa were dɛ he ta a bini nyiŋe.”

Mmarare 1:15

Anee n kpɔ wejerema ne nɛra baa dɛ no waa mun ba waa dɔ nyɛl dɛ le dea bɛlbwa bini, dɛ kpɔ ba chɔ he nyoa. Bane chɔ nɛra kaɡboŋa nyoo, bane chɔ lafare nyoo, bane ɡe chɔ fifraanunue nyoo, asɛ bane ɡe chɔ nɛra fifi nyoo. Dɛ le bane ɡe baa nyiŋi deene la bɛlbwa waa ta.

Mmarare 24:14

He bɛ nyaa kɛɛ nomɛl aa hiaoh o ɛ he toma tɛɛ la faah, hale dɛ he bini Israel tee yoo dɛ hɔɔhre o so he bwɛɛ yoo.

Mmarare 25:1

Mosis berɔ ŋɔ, “Dɛ waane chiɡ baala banɛ baah ta naa, hé kpɔ la kɔɔto ásɛ nɛn waa bol waa dɛɛ pa bole la ka pa onɔ la waa di boldɛɛɡe la bole, dɛ́ pa onɔ la ɡe bolchɔɡe.

Mmarare 27:11

Mosis do Israel tena la awola tenten ja ŋɔ,

Mmarare 31:14

Ate, Korowii ŋɔ Mosis be ŋɔ, “Tɔpere waa kaa he sewɛ la aa kanɛ kpa, anomanta, yerɛ Josua ba n Dea Cheremibɔr nɔ bini, ásɛ n kpɔ n waa bwa do o nɔn ta.” Anee Mosis ne Josua la Korowii Dea Cheremibɔr bela.

1 Tesalonika 2:11

He nao ɡɛ yaa do he bini bɛlbwa ɡbemba ɡɛ baa yon dɛɛ ɛ o bii la.

1 Timoti 5:21

N cheɡɛ Korowii ne Yeesu Kristo ne nyundua toroma la bwa sie dɛ kpɔ waa nɔ dɛɛ tɛɛ, ásɛ he we-ɛɛla bwa ta la, he bɛ ɡel nɛra bane waa su he siwi dɛ ɡwaa bane, kɛ dɛɛ ɛ ba bwa kɛrɛdɛ.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.