Mmarare 1:1 - mzwDBL

¹ Kenii Mosis bol Israel tena be ɡɛ saŋ baa lɔ pua hɛŋle ɡbo harɛ ta, Jɔɔdan Moo wee leebɔr. Bela lɔ Jɔɔdan Fɛlembɔjen ta, dɛ bɛne bwɛɛ Suf, o do Paran ne Tofɛl ne Laban, ne Haserɔt dɛ Disahab baah ta.

Mmarare 1:1 Iomraidhean Croise

Mumpar 21:21

Asɛ o nya nyin Ijipt haah tɛo.

1 Koranar 11:18

Ba le Midian dɛ kaa Paran, dɛ ka kpɔ baala bane ja ba nɛɛ ba kaa Ijipt Kooro be. Asɛ Kooro la tɛ Hadad dem ne harɛ, dɛɛ tɛo kondikwaa ɡe.

Habakuk 3:3

N Naa Korowii, he le Teman harɛ ta ba. He ɛ Korowii Haa Do Goroŋ dɛ le Paran Bwejen ta. He jirima tɔ nyundua, asɛ nɛra bwa ɛɛ kpɛɛre harɛ nɔ ta.

Nɛra Kura 10:12

Ate, Israel tena la le Sinai pua hɛŋle ɡbo harɛ la ta, ba ɡaaɡa dɛ so dɛɛ ir bwa bini la, bam la berɔ ka che Paran pua hɛŋle ɡbo harɛ ta.

Nɛra Kura 11:35

Ba iro le Kebrɔt Hataava, dɛ valɛ kaa Haserɔt, dɛ ka baŋre ba tɛnte deene dɛ so bela.

Nɛra Kura 12:16

Dɛ ba soɡe Haserɔt, asɛ dɛ ir le bela dɛ kaa Paran pua hɛŋle ɡbo harɛ ta bobɛl dɛ ka so.

Nɛra Kura 13:26

Toroma la berɔ ba Mosis ne Arɔn dɛ Israel tena la bwa be Kades waa lɔ Paran pua hɛŋle ɡbo harɛ la ta. Dɛ ba bol waa baa kaa na la Israel tena la bwa be, dɛ kpɔ harɛ la ta daa nɔna la baɡ ba.

Nɛra Kura 13:3

Anomanta, ɡɛ Korowii aa do Mosis laanee o lee ba bá le Paran pua hɛŋle ɡbo harɛ ta dɛ kaa. Dɛ ba bini bɛlbwa ɛ nomonnyu Israel tena bini.

Nɛra Kura 32:19

Yaa bobɛlbwaa lɛ le ba be Jɔɔdan Moo la baŋ le kpa, ya dɔ ya bɔr Jɔɔdan Moo wee leebɔr bela.”

Nɛra Kura 32:32

Yaa vɔwɛ ntoa tɔ Korowii siee, dɛ́ ɡale Jɔɔdan Moo la kaa Keenan harɛ ta, kɛ kondɔɔh yaa dɔa la te ɛɛ ka Jɔɔdan wee leebɔr baŋ bonɔɔ.”

Nɛra Kura 32:5

Ya dɛ soŋe he kpɔ harɛ la tɛ yaa ó ɛ ya kon, dɛ bɛ ɡel ya le Jɔɔdan Moo la baŋ.”

Nɛra Kura 33:20

Dɛ ir Remɔn Pɛrɛs dɛ ka so Lebna.

Nɛra Kura 33:21

Dɛ ir Lebna dɛ ka so Risa.

Nɛra Kura 34:15

Gɛ deene anɛ nɔ ne Manasɛ dea pera tena la dɔ ba bɔr Jɔɔdan Moo wee leebɔr, Jeriko do baŋ bɛl.”

Nɛra Kura 35:14

Hé le bwɛɛre atoro Jɔɔdan Moo baŋ bonɔ cheɡ, ásɛ Keenan harɛ ta ɡe atoro.

Mmarare 2:8

Anomanta, ya kpɔ Esɔ naanar baa lɔ Sɛɛ harɛ la ta, dɛ ɡel Araba ŋwɛnɛ waa kaa Elat ne Eseɔn Gɛba, dɛ kpɔ pua hɛŋle ɡbo harɛ ŋwɛnɛ waa kaa Moab harɛ ta la.

Mmarare 27:1

Mosis ne Israel nomonome do Israel tena ŋɔ, “Hé teŋɛ ɡɛ Mmarare nɔ bwa maa kpɔa dɛɛ tɛ heyaa fini nɔ ta.

Mmarare 29:1

Waa aa lɔ fɔo Korowii aa do Mosis ŋɔ o ne Israel tena fɔwɛ Moab harɛ ta, dɛ kpɔ ja Sinai Bwejen kon la ta laanee teŋa nɔ.

Mmarare 31:1

Mosis teŋɔ dɛ bol waa baɡle Israel tena ja.

Mmarare 33:2

O ŋɔ, “Korowii le Sinai Bwejen ta ba ya be, o ɛɡɔ le Edom kɛŋɔ wee ken, dɛ́ chaah o nɛra nɛɛ Paran bwe ta. Nyundua toroma kaɡboŋa fi ja o nɛ, ninlao do o diɡ bɔr.

Mmarare 4:46

dɛ ba lɔ Fɛlembɔjen bɛl waa chɔ Jɔɔdan Moo wee leebɔr dɛ bɛne Bɛt Peɔ. Amɔre Kooro Sihon fa aa di kora Hɛsbɔn asɛ Mosis ne Israel tena le Ijipt harɛ ta ba yoo dɛ pɔ o nɛɛ la harɛ.

Mmarare 5:1

Mosis cheme Israel tena bwa dɛ ŋɔ ba be ŋɔ, “Hé no waa maa dɛ ba bola fini nɔ kɛrɛdɛ dɛɛ teŋɛ a ta. A ɛ Korowii Mmarare waa kpɔa tɛ heya.

Josua 22:4

Gɛ Korowii haa dɛ tomɔ aa ɡela he bala la dɔ bosɔɔhna ɡɛ waa baɡɛ nyoa la nomanta, hé berɛ kaa harɛre Korowii bonɔɔ Mosis aa kpɔa tɛ heyaa Jɔɔdan Moo wee leebɔr la ta.

Josua 22:7

Dɛ Mosis dɔɔ tɛ Manasɛ dea pera tena la harɛ o do Basan harɛ ta, asɛ ba kabora la, Josua tɛ ba dɔɔranar ne nimanar ɡe harɛ Jɔɔdan Moo wee cholibɔr pera. Josua ta ba ŋwɛnɛ, dɛ swee ba andɛɛɡa baa kaa bela baa soɡa,

Josua 3:16

o nyunduabɔr la tenɛ chɔ kaa kɛŋɔ baa teŋo bio ken. O chɔɔ kaa bojaŋ bwɛjen bɛl baa dɛ yerɔ Adam, o bɛne Saretan. O harɛbɔr pera waa kaa su Yar Mpo ta la hweehrɔ kwaraa, asɛ ba den kpɔ bela ɛɡɛ le, bela ne bwɛjen Jeriko sie chaɡɛ dɔŋa.

Josua 9:1

Koranar baa lɔ Jɔɔdan Moo wee cholibɔr no ɡɛ Josua ne Israel tena aa dɛ pɔ nɛra nɛ, banɔ la baa lɔ deŋɡarere ta ne banɔ la baa lɔ deŋɡarere harɛbɔr wee cholibɔr, ne banɔ la baa lɔ Mɛdetereenea Mpo nyoa bwa, dɛ kpoŋe kaa weekaŋle nyundua Lɛbanɔn harɛ ta. A ɡɛ koranar laanee, Hiti ne Amɔre ne Keenan ne Pɛrɛs ne Hivi dɛ Jebus tena koranar.

Josua 9:10

ne ɡɛ waa ɛ Amɔre tena koranar banɛ bane Jɔɔdan Moo la wee leebɔr. Kooro Sihon o fa aa soɡe bwɛjen Hɛsbɔn, ne Kooro Ɔɡ o ɡe fa aa ɛ kooro Basan harɛ ta, dɛ so bwɛjen Astarɔt ta.

1 Samoɛl 25:1

Samoɛl baa sewɛ, asɛ Israel tena bwa cheme dɛ wiu, dɛ huɡo Rama bela waa soɡa. Asɛ Devid berɛ kaa Mayɔn pua hɛŋle ɡbo harɛ ta.