Matiu 9:3 - mzwDBL

³ Anee Tɔnjerema bane lii ba nyu bini ŋɔ, “Baa nɔ dɛ ɛ Korowii nɛnhɛla!”

Matiu 9:3 Iomraidhean Croise

Lewi Dea Tena 24:16

A chɛ kɛ bá kpo nomɛlbwa waa bol men Korowii nɛnhɛlwobol la. Israel tee kɛɛ nɛŋhɔɔhree yoo, a chɛ kɛŋɔ nɛra la bwa foɡre naate bwea kpo.

Nɛra Kura 15:30

Kɛ nomɛlbwa saahnɔ ɛ wechɔɡa aa, bwɛɛlembie yo, hɔɔhree yo, naate ɛ Korowii nɛnhɛla. Gɛ nɛn la ta chɛ kɛŋɔ bá kuro ja o nɛra bini.

Matiu 26:65

Belaa Sɔfonomoa la laa o ɡbaɡba laala waa doa la laa kɛɛ dɛ ŋɔ, “Hé no musu wa! Bɔkwa danseɛ yá berɛ dɛɛ nyin jaɔ? Kɛ he bwa no musu waa nɔ waa dena bol nɔ?

Matiu 7:29

dɛkalkɛ a ta do kɛ ɡɛ Tɔnjerema la yon dɛɛ baɡle la. O te dɛ bol waa kɛ nɛn waa dɔ waa bwa kpeɡri ken.

Amanesoma Mak Aa Chwera Tɔn 14:64

He ta nɛnhɛlwobol waa dɛ bol Korowii noɛ yaa? Ɛrɛɛ he na nɔ?” Ate, dɛ ba bwa ŋɔ, “O ɛ wechɔɡa. Hé kpoo!”

Amanesoma Mak Aa Chwera Tɔn 3:28

Belaa o ŋɔ ba be ŋɔ, “Kasinteŋ, Korowii won nɛra wechɔɡa ne nɛnhɛla baa dɛ ɛo la kpɔe dɛ́ kɛ ba.

Amanesoma Mak Aa Chwera Tɔn 3:29

Kɛ nomɛlbwa waa ɛ Korowii Domadɛɛɡe la nɛnhɛla la te, waa kpɔ kɛo. Naate wechɔɡa ɛɛ dawɛ o nɛɛ saŋ bɛlbwaa.”

Amanesoma Mak Aa Chwera Tɔn 7:21

Liichɔɡa ne jwamane, ne ŋwɛɛ ne nɛŋkpoa,

Amanesoma Luk Aa Chwera Tɔn 5:21

Asɛ Tɔnjerema la ne Farisii tena baa soɡe bela la lii ba nyu bini ŋɔ, “Ɛrɛɛ o do dɛɛ bol nɛnhɛlwaa ɡɛ nɔɔ? Dɛ Korowii laa aa, umee dɛ́ won kpɔ nɛn wechɔɡa kɛo wɔ?”