Matiu 7:7 - mzwDBL

⁷ Anee Yeesu berɛ ŋɔ, “Hɛ́ɛ soŋe Korowii, wɛɛ tɛ heyaa. Hɛ́ɛ nyin he konnyina o be, hɛɛ dɔɔ. Hé swɛɛ siwi dɛɛ lɔ ɡbera, wɛɛ ya heyaa.

Matiu 7:7 Iomraidhean Croise

Mumpar 26:32

Awola tɔpere la, Aesek bonɔɔna balɔ dɛ ba bol kɔlɔŋ baa kwiu la waa o be ŋɔ, “Ya pu ne.”

1 Koranar 3:5

Waa lɔ Gebeɔn bela la, Korowii ba o be jwaana deera ta dɛ ba ŋɔ o be ŋɔ, “Baɡle komɛlbwa haa dɛ nyin ásɛ n kpɔ tɛɛ.”

Yela 10:17

N Naa Korowii, he dɛ no nɛŋɡwɛɡra wesoŋa, dɛɛ do ba ɡbemba,

Yela 10:4

Nyubinikpeɡ tena waane laa Korowii wa, ba mbarafo, dɛɛ lii kɛŋɔ, Korowii waa ta hiaih.

Yela 119:12

N Naa Korowii, n dɛ kpɛɛre, baɡ mɛ he Mmarare la.

Yela 27:8

He fa ŋɔ n be ŋɔ, “Ba dɛ ba tom mɛ,” asɛ n chaŋe ŋɔ, “N Naa Korowii, mɛɛ bao,

Yela 34:4

N soŋe Korowii, asɛ o chaŋ mɛ, dɛ lɛɛ mɛ le ɔmewa bɛlbwa ta.

Yela 37:4

Hé ɡel he sie ɛɛ lɛ Korowii nɛ, ásɛ o tɛ heya he bambile konnyina.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Yela 69:32

Nɛra baa dɛ fiɡ ba la na ɡɛ naa, ba sie ɛɛ lɛo, ásɛ banɔ la baa dɛ tomɛ Korowii dɔ ɡbemba.

Yela 70:4

Nɛra baa laŋa kaa tomɛ la, ɡel ba dɔ silɛɛ dɛɛ hɛɡre. Gel nɛra haa lɛɛ ba ba dɔ mkpa la ɛɛ ŋɔ, “Na ɡɛ Korowii aa kana!”

Yela 86:5

N Naa Korowii, he waa wer tɛ yaa, kpɔ ya wechɔɡa dɛɛ kɛ yaa, he kpɔ he nyina aa wola jaɡa dɔe, dɛɛ nyin nɛra baa wia dɛɛ yerɛ bwa.

Sɛɡla 8:17

N dɛ nyin nɛra baa dɛ nyin mɛ, nomɛlbwa waa dɛ nyin n bɔr dɛ́ na mɛ.

Yelsom 3:2

Mɛɛ iruu dɛ́ ɡaaɡe bwɛjen la bini, o fɔɡbaahna ne bela nɛra aa dɛ so. Mɛɛ ka ɡaaɡoo nyin nɛn n bambile aa lawa. N ɡaaɡɔ n ta on nae.

Aesaya 30:19

Saayɔn tena, nɛra haa soɡe Jerusalam, haa wi kpa. Korowii dɛ na he sum. He wio noo waa, buɡ la ta, wɛɛ no he bee.

Jeremia 33:3

Yer mɛ, ásɛ n chaŋe, ásɛ dɛ baɡle wejena ne waa aa sɔah haa wola an jemɛ.

Emɔs 5:4

Korowii ŋɔ Israel tena be ŋɔ, “Hé berɛ ba n be, ásɛ dɛ dɔ he nyu.

Matiu 18:19

N berɔ dɛɛ ŋɔ he be ja kɛ dɛ he bini banɛ ɡba nyoa pɛo harɛ nɔ ta hɛɛ nyin komɛl aa, n Mɛɛ waa lɔ nyundua la ɛɛ kpɔɔ tɛ heya,

Matiu 21:22

Dɛ he kpɔ yarada dɛɛ soŋe Korowii aa, komɛlbwa haa soŋo la, hɛɛ dɔɔ.”

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Matiu 7:11

Dɛ he wechɔɡ-ɛɛra nɔ kwara jemɔ dɛ kpɔ kondɛɛɡa dɛɛ tɛ he bii aa, ɛrɛ waa he Mɛɛ waa lɔ nyundua la te aa wola kondɛɛɡaa kpɔ tɛ nɛra baa dɛ soŋo wɔ?

Matiu 7:8

Nomɛlbwa waa dɛ soŋo la dɛ dɔ, asɛ nomɛlbwa waa dɛ nyin o konnyina dɛɛ le o be la, o dɛ tɛo. Gɛɛ Korowii ɛɛ ba ɡbera yae dɛ́ tɛ nomɛlbwa waa dɛ lɔ la.

Amanesoma Mak Aa Chwera Tɔn 11:24

Anomanta, kasinteŋ, dɛ he dɛ soŋe Korowii komɛl aa, hé yarada kɛŋɔ he dɔɔ dɔ kon la. Dɛ he wono yarada ɡɛ naa, komɛlbwa haa soŋe la, Korowii ɛɛ tɛ heyaa.

Amanesoma Luk Aa Chwera Tɔn 13:25

Dem te la ɛɛ iruu dɛ́ ba laa ɡbera la tɔ, a ka heyaa che baŋ, ásɛ hɛɛ lɔ ɡbera dɛɛ soŋo ŋɔ, ‘N poori, nomoa! Laa ɡbera ya yaa ásɛ ya jo.’ Ásɛ o ŋɔ he be ŋɔ, ‘Maa heyaa jemɛ bobɛlbwa.’

Amanesoma Luk Aa Chwera Tɔn 18:1

Yeesu kpɔ sɛɡla bol waa baɡle o habɔteŋra la, dɛ ŋɔ a chɛ kɛ baa soŋe Korowii saŋ bɛlbwa, dɛ bɛ bɔhwaah dɛɛ ɛ.

Amanesoma Jɔn Aa Chwera Tɔn 15:16

He laa lee mɛ, menee le heya. Gɛ kpaldɛɛɡe aa dɛ nɔnɛ la, ɡɛɛ mɛɛ nyin kɛ he do, dɛɛ ɛ n Mɛɛ tetoowa, dɛ bɛ an ɡel bwa. Dɛ he dɛ ɛ ɡɛ naa, komɛlbwa haa soŋe n sɔn ta la, wɛɛ tɛ heyaa.

Amanesoma Jɔn Aa Chwera Tɔn 15:7

Hé kpɔ he te pɛl mɛ asɛ n webaɡla ɡe do he liire bini naa, he dɛ soŋe komɛlbwa haa dɛ nyin aa, hɛɛ dɔɔ.

Amanesoma Jɔn Aa Chwera Tɔn 4:10

Anee Yeesu ŋɔ o be ŋɔ, “Dɛ he fe jemɛ kon Korowii aa dɛ nyin he tɛɛ nɔ, dɛ jemɛ naate waa dɛ soŋe nee nɔ naa, he fe ɛɛ soŋoo ásɛ o fee tɛɛ nee aa won tɛɛ mkpa.”

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

Tɔn Pɔɔl Aa Chwerɛ Rom Tena 3:11

Nomɛlbwa toole dɛ jemɛ wa, nomɛlbwa toole dɛɛ nyin o Korowii bɔr dɛ́ tomɔ.

Hibru 11:6

Nɛn ta yarada dɔe yaa, o waa aa won lɛ Korowii sie. Nomɛlbwa waa ba Korowii be la, a chɛ kɛ o dɔ yarada kɛŋɔ Korowii lole, dɛ́ yarada kɛŋɔ nomɛlbwa waa dɛ nyin o jemɛ Korowii la, Korowii dɛ chao.

Jems 5:15

Dɛ ba kpɔ yarada dɛ soŋe Korowii aa, weela te la ɛɛ dɔ bokpeɡaa. Ya Dɔɔ la ɛɛ ɡeloo o bwara do kpeɡri. Dɛ wechɔɡa anee o ɛ kwaraa naa, Korowii ɛɛ kpɔɔ kɛo.

1 Jɔn 3:22

Komɛlbwa yaa soŋo la, o dɛ tɛ yaa, dɛkalkɛ ya dɛ no o waa dɛɛ ɛ anɔ la aa dɛ su o siwi.