Matiu 7:6 - mzwDBL

⁶ Dɛ hé dɛ bol Korowii Amanesoma dɛɛ baɡle nɛra, asɛ baa no dɛ ɛa kɛ wesalee yaa, hé ɡel ba, dɛkalkɛŋɔ he kpɔ kondɛɛɡa tɛ nyootena aa, aa wola a waa jemɛ la, aa ɡelaa dɛ́ ba dorome. He kpɔ kondɛɛɡa ta parakooni ɡe aa, aa tiɡri a taa dɛ́ laa chɔɡ.”

Matiu 7:6 Iomraidhean Croise

Sɛɡla 11:22

Handɛɛɡe waa wola da dɔe la, do kɛŋɔ baa kpɔ suuɡaswɛm noniseɡ do parakoo mee ta!

Sɛɡla 23:9

Bɛ waa bol ɡɛne be koh, o dɛ lii waa aa lɔ a ta la wesale.

Sɛɡla 26:11

Gɛ nyoate yon uɡe dɛ berɛ kaa dia la, ɡɛɛ ɡɛne teŋɛ dɛɛ ɛ ɡɛnewa.

Sɛɡla 26:4

Bɛ he nyoa kpɔ do ɡɛne waa ta, ásɛ dɛ bɛ ba do kɛ on.

Matiu 15:26

Yeesu chaŋo ŋɔ, “A chɛ kɛ bechale di kwaa vaɡre mɔɔ nyootena ɡe di. Aa were kɛ ba kpɔ bechale kondikwaa tɛ nyootena.”

Matiu 24:10

A ba ɡɛ naa, nɛra baa teŋɛ n nɛɛ nɔ kɛrɛdɛ ɛɛ le n habɔɔ, dɛ́ le ba bala tɛ, ásɛ dɛ hah dɔŋa.

Matiu 7:5

Nɛn haa dɛ nyiŋi nɛra sie mɔɔ dɛɛ ɛ wa! Tɔ sie laa dabor la kpɔ he siwi ta mɔɔ, dɛ́ won na kɛrɛdɛ dɛ́ laa dapuɡri waa lɔ he dɔŋ siwi ta la kpɔ.

2 Kɔrent 11:26

N ɡaaɡebala nɔ ta la, neerare suuɡo dɛ tɔ mɛ do, n do siswɛm ta ka, asɛ ŋwɛɛra baa dɛ kpo nɛra dɛɛ kpɔ ba laala ɡe fe ɛɛ nyin n kpoe. N bala Juu tena ne nɛra baa wola Juu tena ɛɛ bwa ɡe cheɡɛ n nɛɛ dɛ fe ɛɛ nyin n kpoe. Bwɛjena ta ne kpɔɡ baah ne mpo ta bwaa n na sibeɡrewa. N na sibeɡrewaa nɛra baa wola asɔre tena kpelakpela ɛɛ be.

Felepae 3:2

Hɛ́ɛ do nɛnchɔɡa baa ɛ ba te manyare la dɛɛɡɔ. Nɛra baa dɛ maŋkura penteŋ dɛ ŋɔ nómɛlbwa mɔn o bɔtɔn mɔɔ dɛ́ tomɛ Korowii la waa mɛɛ bol la.

Hibru 10:29

Aah dɛ ɛrɛɛ a chɛ kɛ ba ɛ nɛn waa nyiŋi Korowii Bie la dɛɛ vaɔh? Dɛ nɛn nyiŋi fɔo la Korowii aa cheɡɛ o Bie seo ta dɛ fɔwɛ la, dɛ fee o wechɔɡa o nɛɛ la pɛɛ aa, kembɔr besoo chɛ kɛ bá tɛo wɔ? A ɡɛ nɛn la ɛ Korowii Domadɛɛɡe la waa sune o nɛɛ la nɛnhɛla. Korowii ŋɔ ó bɔɔ kem aa, o wenaale aa kanee do aa?

Hibru 6:6

Anɔ bwa habɔɔ la, ba ɡel Korowii waa ba fa aa dɛ yarada la! A kpeɡri kɛ ba charɛ ba liire dɛ́ le ba wechɔɡa ta dɛ berɛ ba yaradao, dɛkalkɛŋɔ ba kaa ɛ kɛŋɔ baa kwaara kpaa Korowii Bie la dɛɛ pɛl o daɡaɡre ta, dɛ ɡel sihiih kpoo nɛra baah ta. Ba ɛo dawɛ ba nyu ta.

2 Pita 2:22

Ba waa nɔ ɡelɔ sɛɡla baa sɛɡla Korowii Tɔn bini la ɛ kasinteŋ. Ba sɛɡlɔ ŋɔ, “Nyoate uɡaa, ɡɛɛ o berɛ dia,” dɛ sɛɡle ŋɔ, “He sɔ parakoo ne aa, wɛɛ berɔɔ ka ɡbili o kpechɛɡre ta.”

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.