Matiu 7:2 - mzwDBL

² dɛkalkɛ ɡɛ haa dɛ pwah he dɔŋa la, ɡɛɛ Korowii ɡee ba heyaa pwaeh. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.

Matiu 7:2 Iomraidhean Croise

2 Samoɛl 21:5

Anee ba chaŋo ŋɔ, “Kooro Sɔɔl dɛ nyin ó kpoo yaa, ásɛ ya bini bɛlbwa bɛ ka Israel harɛ nɔ ta.

Yela 109:17

N dɔm la dɛ nyin nɛra taahna, ɡel o taahna ɡure o nyu ta. O hah sweera dɛ tɛ o dɔŋ, bɛ ɡel nomɛlbwa swee tɛ o ɡe.

Kaala 21:24

Dɛ nomɛl fome he siwii aa, hé ɡe fome o siwi. Dɛ o fome he nyen aa, hé ɡe fome o nyen. O nɔnee yaa, hé ɡe ɛ o kon ɡɛ, o napaa ɡee yaa, hé ɡe ɛ o kon ɡɛ.

Aesaya 33:1

Hé bwɛɛlɛ, nɛra haa dɛ chɔɡ nɛra, nɛra aa wola he te chɔɡ. Hé le nɛra dɛɛ tɛ, nɛra aa wola he te leɛ dɛɛ tɛ. Hé ɡel nɛra chɔɡaa, nɛra ɛɛ chɔɡ heyaa, he ɡel nɛra lee dɛ tɛ aa, nɛra ɛɛ le heyaa tɛ.

Jeremia 34:17

Anomanta, men Korowii ŋɔ, he ta n waa la noɛ, he ta ɡelɛ he bala dɔ ba nyu di. Gɛ aa wera laanee kɛŋɔ, mɛɛ ɡeloo hé di he nyu, ásɛ laa ne weechɔɡa dɛ lɔr ɡe kpoo heya. Mɛɛ ɡeloo harɛre nɛra bwa bambile teŋe he wa.

Jeremia 51:24

He siwi taa mɛɛ ba bwɛjen Babelɔn ne nɛra baa soɡe Babelɔn harɛ ta kem bɔe, wechɔɡa baa ɛa Jerusalam la wa. Men Korowiirii bola.

Obadia 1:15

Tɔpere men Korowii aa kpɔ bol harɛre ta nɛra bwa waa dɛ́ pa bole la telo tonɛ. Gɛ haa ɛa nɔɔ mɛɛ ba kpɔa ɛ he Edom tena ɡe, he we-ɛɛla bwa ɛɛ ɡure he nyu taa.

Matiu 6:14

Dɛ he kpɔ he dɔŋa wechɔɡa baa dɛ ɛ heyaa dɛɛ kɛ ba aa, he Mɛɛ waa lɔ nyundua la ɡee kpɔ he wechɔɡa haa dɛ ɛ laanee dɛɛ kɛ heya.

Amanesoma Mak Aa Chwera Tɔn 4:24

Yeesu bolɔ ŋɔ, “Hé pese waa nɔ haa noa nɔ kɛrɛdɛ, dɛkalkɛŋɔ kpelaa ba ŋɔ, ‘Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe la, dɛ́ berɛ jae ane.’

Amanesoma Luk Aa Chwera Tɔn 6:38

Hɛ́ɛ tɛ dɔŋa kwa, ásɛ Korowii ɡee tɛ heya a do kan kohona. Korowii dɛ ba he tɛɛ yaa, wɛɛ maɡaa, dɛ́ jwiira, dɛ́ ɛɡra a jo kɛrɛdɛ, dɛ́ su porrr ken dɛɛ ta. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.”

2 Kɔrent 9:6

Hé jemɛ kɛŋɔ he du tama aa, tamaa hɛɛ ba koma, he du kohona ɡe aa, kohonaa hɛɛ ba koma.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.

Wepila 18:6

O chɔɡra, hé ɛo ɡɛ o fa aa ɛa la. Hé bɔɔ o tonchɔɡa la kem kera anɛ. Sen la o yon ɛ tɛ nɛra bá nyɔ dɛ́ɛ dɛɛ la, hé ɡe ɛ ane tɛo á do kpeɡri ɡwaa ɡɛ kera anɛ ó ɡe nyɔ.

Sitɔɔla 1:7

Belaa kooro la ŋɔ, “N fa teŋni koranar fifraanuanɛ nanibala ne nonibala, ba tɔɔ kondikompuɡrere dɛɛ di n tiɡ ta. Korowiirii ɡela waa maa ɛɛ ba la ɡure n nyu ta la.” Ba kpɔɔ kaa bwɛjen Jerusalam o ka sewɛ.

Sitɔɔla 5:27

Jael naa lɔɡree o chole. Waa chola la belaa o sewɛ dɛ sɔɔh chɔ.

1 Samoɛl 15:33

Ate, Samoɛl berɛ ŋɔ, “Gɛ haa kpoo bechale ba nyare paŋɛ bii la, ɡɛɛ he nya ɡe ɛɛ ba bie paŋa.” Asɛ Samoɛl kpo Kooro Aɡaɡ Korowii sie Gelɡal bela.