Matiu 6:4 - mzwDBL

⁴ Hé sɔh dɛ́ kɛo, ásɛ he Mɛɛ la waa dɛ na waa haa ɛa dɛɛ sɔh bwa la bɔ heyaa kem.”

Matiu 6:4 Iomraidhean Croise

Yela 139:12

biro ta komɛl waa won tɔ waa ta he be, jwaana do kɛŋɔ webaŋa he be, dɛkalkɛ biro ne bochaah bwa beŋkpoŋ.

Yela 17:3

He jemɛ n bambile bini wa, he ba n be jwaana, dɛ nyiŋi n waa bini, dɛ pese mɛ kɛrɛdɛ, he ta wechɔɡa nae n nɛ, n ɛ n liire kɛ, wechɔɡa aa n nyoa le.

Yela 44:21

he fe nao, dɛkalkɛ, he jemɛ ya nyu bini liire aa sɔah bwa.

Sɛɡla 25:22

He ɛ ken aa, sihiih dɛ ba o kpoe o baŋa ɡole, Korowii tɛɛ a kembɔr.

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Jeremia 23:24

Nomɛlbwa aa won ka sɔh bobɛl maa wola on na. N toole nyundua ne harɛ ta bwa naa? Men Korowiirii bola.

Matiu 10:42

Kasinteŋ, dɛ nomɛlbwa koh n wa, dɛ tɛ n habɔteŋra bechale nɔ bini bɛlbwa nesɔna o nyɔ aa, waa o kembɔr paŋa ba bwa.”

Matiu 6:18

ásɛ nɛra bɛ jemɛ kɛŋɔ he dɛ vɔwɛ nyoa, nemenɛ he Mɛɛ baa wola on na la ɡbo. Onee dɛɛ na waa haa ɛa dɛɛ sɔh la. Onee dɛ́ bɔ heyaa kem.”

Matiu 6:3

Dɛ he te dɛ́ ba nɛn kon kɛɛ yaa, he bɛ ɡel he dansom ɡba jemɛ.

Matiu 6:6

Dɛ he te dɛ́ ba Korowii soŋa aa, hé kpɔ he te sɔh mɔɔ dɛ́ soŋe Korowii waa ɛ he Mɛɛ baa wola on na la. Onee dɛɛ na waa haa ɛa dɛɛ sɔh bwa. Onee dɛ́ bɔ heyaa kem.

Amanesoma Luk Aa Chwera Tɔn 14:14

ásɛ Korowii ɛɛ andɛɛɡa, dɛkalkɛ ba ta komɛlbwa dɔe dɛ kpɔ bɔe kem. Awola nɛndɛɛɡa ba wa aa dɛ su Korowii siwi aa ir seo ta la, Korowii ɛɛ bɔe a kemee.”

Amanesoma Luk Aa Chwera Tɔn 8:17

Komɛlbwa waa sɔah la ɛɛ le bochaahnee ba nao. Waa bwa baa tɔ a ta la ɛɛ ba leo nɛra jemɛ.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.