Matiu 5:3 - mzwDBL

³ “Nɛra baa kpɔ ba te dawɛ Korowii nɛɛ kɛ nyaara la, ba na som, dɛkalkɛ banee dɛɛ ba Korowii Kora la koobii ɛɛ.

Matiu 5:3 Iomraidhean Croise

2 Webena 33:12

O bwara aa ba dɛ nyɛɡo la, o soŋe Korowii o naawa aa tomɔ la, dɛ pwɛr o te tɛo.

2 Webena 33:19

Gɛ waa soŋe Korowii asɛ o no o be, ne o wechɔɡa waa ɛa mɔɔ dɛ charɛ o liire, ne bɔra waa ɛa tɛ voɡtoroma baa tomɛ voɡare, ne voɡ Asera dajaŋa waa paaɡa, dɛ voɡa waa toma la, ba chwera do Korowii Keamere Waa Tɔne bini.

2 Webena 33:23

Kooro Amɔn ta o te pwɛrɛ tɛ Korowii kɛ o mɛɛ, dɛ o wechɔɡa ɡwaa o mɛɛ kwaa kohona.

2 Webena 34:27

Haa kure tɔn la dɛ no Jerusalam nɛra deŋnetɛra, he loo ku he kɛɛ he batakaare haa doa, dɛ ba he te ne harɛ dɛɛ wi nomanta, n no he wii haa wia la bwa.

2 Webena 7:14

asɛ ba charɛ liire dɛ le wechɔɡa baa dɛ ɛ la ta, dɛ wi noo mɛ naa, mɛɛ no ba bee le nyundua, dɛ́ kpɔ ba wechɔɡa kɛ ba dɛ́ berɛ ɡel ba harɛ la do wer.

Job Tɔn 42:6

Anomanta, sihiih kpo mɛ n charɛ n liire dɛ so bomboɡ ne tɔɔ ta, á baɡle kɛŋɔ n bambile chɔɡɔ.”

Yela 1:1

Nɛra baa wola nɛnchɔɡa we-ɛɛla ta teŋɛ, baa wola waa wechɔɡ-ɛɛra aa dɛ ɛ ɛ, kɛɛ baa wola banɔ la baa dɛ mamɛ Korowii nɛɛ jae la, ba na som.

Yela 112:1

Hé kpɛɛ Korowii! Nomɛlbwa waa dɛ tomɛ Korowii, o sie ɛɛ lɛ o Mmarare ta kohona la, o na som.

Yela 128:1

Nɛra baa dɛ ɔmɛ Korowii, dɛɛ teŋɛ o Mmarare ta la, ba na som.

Yela 146:5

Nomɛlbwa waa kpɔ hwɛɡa do Korowii Jekɔb aa tomɔ nɛɛ wɛɛ chao la, o na som.

Yela 2:12

Hé kpɔ he te tɛ Korowii bie la, ásɛ o baah bɛ di dɛ́ chɔɡ heya. O baah won dii saŋ bɛlbwa. Nɛra baa chwaa kaa marɔ la bwa, ba na som.

Yela 34:18

Korowii dɛ bɛne banɔ la ba bambile aa chɔɡa, dɛɛ lɛ banɔ la baa wola hwɛɡa bɛlbwa dɔe.

Yela 41:1

Nɛra baa dɛ dawɛ nyaara waa la, ba na som, wenaale puu ba aa, Korowii lɛɛ ba dɛɛ le a nyoa.

Yela 51:17

N kpɔ n bambile waa chɔɡa ɛ saraha dɛɛ tɛɛ. Bambile waa chɔɡa dɛ won chara laanee hen Korowii ɛɛ nyin.

Yela 84:12

Nemenɛ Korowii, nomɛlbwa waa kpɔ o te dawɛ he nɛɛ la, o na som.

Sɛɡla 16:19

He pwɛre he te dɛ nya bɔ ɡwaa kɛŋɔ he ne mbarafo tena aa bɔne laa ta kwa.

Sɛɡla 29:23

He dɛ maŋkura he te naa, harɛɛ hɛɛ lɔ, kɛ he pwɛr he te naa, he dɛ dɔ duure.

Sɛɡla 8:32

N bii, name hé no n be, nomɛlbwa waa dɛ teŋɛ n waa ta la, o na som.

Aesaya 30:18

Ane a bwa, Korowii tea dɛ domɔ he waa wɛɛ kpa kɛ he ba o be. O na he sum, dɛkalkɛ o waa dɔ kasinteŋ. Banɔ la bwa baa kpɔ ba te dawɛ o nɛɛ la, ba na som.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 61:1

Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Maeka 6:8

Akai, waa aa weraa Korowii chaɡle yaa, wáa waa dɛ nyin dɛ́ le ya be laanee kɛŋɔ, ya di kasinteŋ dɛɛ sune dɔŋa nɛ, dɛ́ pwɛr ya te tɛo.

Matiu 11:25

Belaa Yeesu kpɛɛ Korowii ŋɔ, “N Mɛɛ, nyundua ne harɛ bwa Dɔɔ! N dɛ jaame kɛ haa kpɔ he waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ.

Matiu 11:6

Nomɛlbwa haa wola men tɔŋle la, he na som.”

Matiu 13:16

Kɛ he te, he nyu som taeh. He sibie dɛ na, he deŋna ɡee no wa.

Matiu 19:14

Anee Yeesu ŋɔ, “He bɛ bechale la ŋwɛnɛ tɔ. Hé ɡel ba ba n be, dɛkalkɛ banɔ dɔŋa nɔɔ Korowii Kora koobii la.”

Matiu 24:46

Dɛ o dɔɔ la baa puu, dɛ o dɛ ɛ ɡɛ waa kpɔa do o nɔn ta la aa, o sie ɛɛ lɛo.

Matiu 25:34

Belaa mɛɛ ba n ŋɔ banɔ la baa lɔ diɡ ta la be ŋɔ, ‘He banɔ n Mɛɛ aa swee andɛɛɡa tɛ heyaa la, hé ba di kora waa le harɛ mumpar dɛ kwaa cheɡ heyaa la,

Matiu 3:2

“Hé charɛ he liire le he wechɔɡa ta, dɛkalkɛ Korowii Kora pu heyaa tonɛ.”

Matiu 8:11

Kasinteŋ, nɛra ɛɛ le wee leebɔr ne wee cholibɔree ba so Korowii Kora ta, ásɛ ba ne Abraham ne Aesek ne Jekɔb pɛ di kondikwaa bela.

Amanesoma Mak Aa Chwera Tɔn 10:14

Yeesu aa na ɡɛ baa dɛ ɛ la, o baah di ba nɛ, o ŋɔ ba be ŋɔ, “He bɛ bii la ŋwɛnɛ tɔ. Hé ɡel ba ba n be, dɛkalkɛŋɔ banɔ dɔŋa nɔɔ Korowii koobii la.

Amanesoma Luk Aa Chwera Tɔn 11:28

Anee Yeesu ŋɔ, “Nɛra baa dɛ no Korowii Waa dɛɛ teŋɛ a ta laanee na som.”

Amanesoma Luk Aa Chwera Tɔn 18:14

Anee Yeesu ŋɔ, “N dɛ ŋɔ he be ŋɔ, toɔ lɛɛ la bee Korowii no dɛ kpɔ o wechɔɡa kɛo dɛ doo nɛndɛɛɡa bini, asɛ o kaa o dem. Farisii te la te, o ta o be noɛ. Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa pwɛr o te la, Korowii ɛɛ ɛo nɛnjenii.”

Amanesoma Luk Aa Chwera Tɔn 22:29

Anomanta, n dɛ tɛ heyaa kora hé di, ɡɛ n Mɛɛ aa tɛ mɛ la.

Amanesoma Luk Aa Chwera Tɔn 22:30

N ne hɛɛ pɛ nɔnee di kwaa n kora ta, ásɛ he so kookane ta dɛ bol Israel deene fi dɛ anɛ la bwa waa dɛ́ pa ba bole.”

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,

Amanesoma Jɔn Aa Chwera Tɔn 20:29

Belaa Yeesu ŋɔ o be ŋɔ, “Haa na mɛ nɔ waa he yarada mɛ nɔ kɛɛ? Nɛra baa wola men nae dɛ yarada mɛ la, ba na som.”

Mmarare 8:2

Hé lii ɡɛ Korowii haa dɛ tomɔ nɔ aa tɔ he sie ŋwɛnɛjaŋ pua hɛŋle ɡbo harɛ ta bene fifraanaarɛ bwa, dɛ daah heyaa na wekpeɡa ne, dɛ tɛr he deŋne he pwɛr he te la. Asɛ a che a ta o won jemɛ he bambili bini kɛ he dɛ teŋɛ o Mmarare waa do heya la ta, kɛɛ haa teŋɛ.

Jems 1:10

Dɛ he ɛ dɔɔh ɡe aa, ɡel he sie lɛ kɛŋɔ he ne nyaa la bwa ɛ beŋkpoŋ, dɛkalkɛŋɔ he ɛ nɛŋɡwɛɡre Korowii be. Haa biɡri sewɛ kɛŋɔ kpɔɡa yon fe dɛ́ chure warane dɛ́ berɛ sewɛ la.

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

Wepila 19:9

Anee nyundua torome la ŋɔ n be ŋɔ, “Chwerɛ waa nɔ bil. Nɛra baa yer ba ŋɔ bá ba di Pebie la hanfale kwaa la na som,” dɛ́ berɛ ŋɔ, “Korowii wobolee, a ɛ kasinteŋ.”

Wepila 22:14

Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta.

Wepila 3:17

He ŋɔ he dɔ kwa, dɛ ɛ dɔɔhna, komɛlbwa ta heyaa nyae. Kɛ haa jemɛ kɛŋɔ he waa dɔ sinyana, dɛ do sum. He ɛ nyaara, dɛ nyoŋe, dɛ che mumɡbal.